Zdaroŭje11

Jak zaścierahčy siabie i svaich blizkich ad COVID-19 u novym siezonie. Parady

Vosień pamału pierachodzić u zimu. Siezon chaładoŭ prymušaje ludziej čaściej źbiracca ŭ zakrytych pamiaškańniach. Razam z hetym raście i ryzyka zarazicca novymi štamami karanavirusa, jaki nikudy nie źnik. Radyjo Svaboda na asnovie materyjału The New York Times sabrała parady miedykaŭ.

Što treba zrabić, kab zaścierahčy siabie

Pieršuju paradu śpiecyjalistaŭ vy ŭžo čuli raniej i šmat razoŭ: maski mohuć dapamahčy abaranić siabie i inšych ad zaražeńnia.

Treba taksama staranna myć ruki i nie dakranacca niamytymi rukami da tvaru.

Abnoŭlenyja vakcyny suprać COVID-19 taksama ŭsio jašče pracujuć i mohuć źnizić vašy šancy zarazicca. Taksama važna pamiatać, što vakcyny źnižajuć ryzyku ciažkich zachvorvańniaŭ.

Žyćciova važny instrumient u epochu COVID-19 — ekspres-testy. Miedyki nahadvajuć, što testy varta rabić pry źjaŭleńni simptomaŭ, a taksama paśla paćvierdžanaha ŭžo zaražeńnia, kab vyznačyć, ci zastajecca virus u arhaniźmie. Dziela peŭnaści varta zrabić dva testy ź intervałam u 48 hadzin.

Kali vy zachvareli, to ŭ pieršyja dni paśla pačatku chvaroby možna pačać prymać niešta z procivirusnych lekaŭ. Heta moža dapamahčy paźbiehnuć ciažkaha abo zaciažnoha COVID-19.

Jakija vidy aktyŭnaści najbolš ryzykoŭnyja

Miedyki śćviardžajuć, što ryzyka zarazicca zaležyć ad taho, ci byvajecie vy ŭ šmatludnych miescach i jak doŭha.

Naprykład, kali my zachodzim u kramu, ryzyka, chutčej za ŭsio, minimalnaja. Ale kali my hadzinami znachodzimsia biez maski ŭ pierapoŭnienaj kancertnaj zali, ryzyka budzie značna bolšaja.

«Kožny raz, kali vy znachodziciesia ŭ pamiaškańni ź vialikaj kolkaściu ludziej, ryzyka ŭsio jašče isnuje», — skazaŭ u intervju The New York Times doktar Mark Sała, sudyrektar adnaho z centraŭ baraćby z COVID-19 u Čykaha.

U mietro ci aŭtobusie infiekcyjanisty rekamiendujuć nasić maski.

Samaloty, jak ličycca, mienš niebiaśpiečnyja z pryčyny dobraj vientylacyi, ale maje sens nadzieć masku pry pasadcy i vysadcy.

Ahułam, treba pamiatać, što ŭ chałodny siezon lubaja aktyŭnaść u pamiaškańni, naprykład, pachod u bar ci na dyskateku, niasie peŭnuju stupień ryzyki.

Jak doŭha čakać palapšeńnia paśla pačatku chvaroby

Pa miery źjaŭleńnia novych štamaŭ karanavirusa čas pamiž zaražeńniem i raźvićciom simptomaŭ skaraciŭsia. Ciapier u bolšaści ludziej testy, jak praviła, dajuć stanoŭčy vynik praz try dni paśla zaražeńnia. Ale šmat kamu patrabujecca ceły tydzień, kab atrymać stanoŭčy vynik ekspres-testu.

Adnak, jak tolki zvyčajny dla karanavirusa tydniovy termin miniecca, vy, chutčej za ŭsio, adčujecie siabie lepš.

Ci mianiać svaje płany, kali vy adčuvajecie niedamahańnie, ale nie viedajecie, ci heta COVID-19

Heta zaležyć ad taho, nakolki vy i navakolnyja ludzi schilnyja da ryzyki zarazicca.

Heta taksama zaležyć ad taho, z kim vy źbirajeciesia bavić čas. Naprykład, kali vy płanujecie naviedać starejšaha svajaka, to sustreču lepš pieranieści.

Možna taksama papiaredžvać tych, z kim vy źbirajeciesia sustrecca, pra svajo niedamahańnie. U hetym vypadku možna pieranieści sumiesnuju viačeru na volnaje pavietra abo pryznačyć jaje na inšy dzień.

Kali ž u vas tempieratura, treba zastacca doma.

Hałoŭnaje — nie zabyvacca, što samy dakładny sposab vyznačyć, čym vyklikany vaš katar — prastudaj, hrypam abo COVID-19, — heta zrabić test.

Nakolki treba być aściarožnym paśla pieraniesienaha COVID-19

Kali vy chvareli na karanavirus na praciahu apošnich troch miesiacaŭ, vy dastatkova dobra abaronienyja ad jaho naturalnym imunitetam.

Ale treba pamiatać, što i ŭ hetym vypadku ŭsio roŭna možna zarazicca paŭtorna. Zrešty, heta značna mienš imavierna, bo štamy i ich varyjanty, jakija cyrkulujuć u kožny kankretny čas, vielmi padobnyja.

Ci treba prachodzić karancin, pierad tym jak pajechać dadomu na vakacyi

Lekary rajać padumać pra dadatkovyja zachady zaściarohi.

Možna abmiežavać čas, jaki my pravodzim ź ludźmi biez masak, za piać dzion da sustrečy sa svajakami.

Treba vielmi ŭvažliva prysłuchoŭvacca da svajho samaadčuvańnia i sačyć za simptomami.

Narešcie, pierad pajezdkaj dadomu varta zrabić test na karanavirus.

Pamiatajcie, što całkam ryzyku vyklučyć nielha, ale jaje možna značna źnizić.

Kamientary1

  • Ihar
    29.10.2023
    Pryvicca jak Mefju Pery. A jak jašče?

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu2

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Usie naviny →
Usie naviny

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu18

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

«Jany kruhłasutačna stajać?» Na Niamizie ludzi vystrailisia ŭ ahramieznuju čarhu — voś navošta VIDEA20

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

Były palitviazień spaliŭ svoj biełaruski pašpart VIDEA22

bolš čytanych navin
bolš łajkanych navin

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu2

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Hałoŭnaje
Usie naviny →