Masavaja ctralba ŭ štacie Men: nie mienš za 16 zahinułych, 50 paranienych. Złačyncu pakul nie złavili
Uzbrojeny mužčyna adkryŭ stralbu ŭ dvuch miescach u horadzie Ljuistan u amierykanskim štacie Men. Adlehłaść pamiž imi — šeść kiłamietraŭ.
Uzbrojeny mužčyna adkryŭ stralbu ŭ horadzie Ljuistan u amierykanskim štacie Men. Paviedamlajecca, što nie mienš za 16 čałavieki byli zabityja, bolš za 50 — paranienyja, piša Bi-bi-si.
Pavodle źviestak palicyi, napadnik usio jašče nie abiasškodžany. Palicyja pieraścierahaje, što złačyniec uzbrojeny i vielmi niebiaśpiečny.
Zabojcu zavuć Robiert Kard, jamu 40 hadoŭ.
Čalec haradskoj rady Robiert Mak-Karci paviedamiŭ telekanału CNN, što ŭłady paćvierdzili hibiel 16 čałaviek, a taksama infarmacyju pra «šmat-šmat paranienych».
Pa paviedamleńni palicyi, vykliki pastupili z dvuch miescaŭ — restarana Schemengees i boŭlinh-choła Sparetime Recreation. Adlehłaść pamiž imi składaje 6,5 kiłamietra, heta paradku 10 chvilin jazdy na mašynie.
Žycharam druhoha pa vieličyni horada štata rekamiendavana schavacca ŭ biaśpiečnych miescach.
Paviedamlajecca, što pakul viaducca pošuki złačyncy, u horadzie ŭviedzieny poŭny łakdaŭn.
Centralny miedycynski centr štata Men paviedamiŭ, što reahuje na «maštabny incydent sa stralboj ź vialikaj kolkaściu paciarpiełych» i ŭ hety momant kaardynuje svaje dziejańni ź lačebnymi ŭstanovami pablizu.
Na svajoj staroncy ŭ sacsietcy Ch palicyja štata Men paviedamiła: «U Ljuistanie dziejničaje aktyŭny strałok. My prosim žycharoŭ schavacca. Kali łaska, zastavajciesia ŭ svaich damach i začynicie dźviery».
Raniej ofis akruhovaha šeryfa raspaŭsiudziŭ fatahrafii padazravanaha — jak vidać, kadry sistemy videanazirańnia — z prośbaj dapamahčy ŭ vyśviatleńni jaho asoby. Na ich bačny ŭzbrojeny aŭtamatyčnaj vintoŭkaj mužčyna z baradoj i ŭ karyčnievaj kurtcy la ŭvachoda ŭ zabaŭlalny centr.
Akramia taho, palicyjanty apublikavali fota biełaj lehkavoj mašyny, paprasiŭšy źviazacca ź imi ŭsich, kamu jana zdajecca znajomaj.
Bieły dom paviedamiŭ, što prezident Džo Bajden prainfarmavany i praciahnie atrymlivać apieratyŭnuju infarmacyju.
-
Nastupleńniem paŭstancaŭ u Siryi kiruje Abu Machamied al-Džułani. Chto jon taki i čamu jaho ličać prahresiŭnym džychadzistam?
-
Rasijskuju špijonku, jakaja źbirałasia spakusić i vykraści žurnalista Hrozieva, pry aryšcie zaśpieli ŭ łožku ź inšym ahientam Kramla
-
Siryjskaja apazicyja rychtujecca da abłohi Damaska
Stała viadoma, što za damovu ŭčora padpisali Łukašenka z Pucinym3
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary