Historyja44

U samym starym draŭlanym budynku Biełarusi źjavicca muziej

Muziejnaja ekspazicyja, pryśviečanaja staradaŭniamu chatniamu pobytu, u najbližejšy čas adkryjecca ŭ draŭlanym lamusie ŭ Hrodnie, jaki byŭ pabudavany biez adzinaha ćvika ŭ XVII stahodździ, a ciapier ličycca samaj staražytnaj žyłoj i haspadarčaj pabudovaj u Biełarusi, paviedamlaje Sputnik.

Fota Iny Hryšuk, Sputnik

Staradaŭni draŭlany lamus znachodzicca na terytoryi Bryhickaha manastyrskaha kompleksu pa vulicy Karła Marksa ŭ Hrodnie. Z 2019 hoda dostup na terytoryju adkryty, kožny achvotny moža ahledzieć lamus zvonku.

Ciapier tut zaviaršajecca čaćviorty etap restaŭracyi. Nad afarmleńniem unutranaj prastory staražytnaha budynka i stvareńniem muziejnaj ekspazicyi pracavali bolš za čatyry hady.

Jak raskazaŭ probašč Bryhickaha kaścioła Antonij Hremza, płanujecca adkryć muziejnuju ekspazicyju da kanca hoda. U pamiaškańniach pakažuć staražytny pobyt.

Ekspanaty źbiralisia padčas ekśpiedycyj pa vioskach. Ciapier idzie padrychtoŭka ekspanataŭ i arhanizacyja raboty nad stvareńniem vystavačnaj prastory.

Restaŭracyja draŭlanaha lamusa pačałasia ŭ 2016 hodzie. Jana pravodziłasia pry ŭdziele polskich restaŭrataraŭ i pad kantrolem Ministerstva kultury, bo budynak uklučany ŭ śpis historyka-kulturnych kaštoŭnaściaŭ Biełarusi. Jamu prysvojena nulavaja, to-bok najvyšejšaja katehoryja kaštoŭnaści.

Padčas pieršych troch etapaŭ restaŭracyi śpiecyjalisty prybrali ślady sučasnych dapracovak i ramontaŭ, jakija źjavilisia ŭ XX stahodździ. Spačatku tut byŭ internat dla manašak, zatym — składy. U saviecki čas — kabiniety psichijatryčnaj balnicy.

Tak, u lamusie zamianili vokny, prahniłyja frahmienty draŭlanych ścien, pačyścili i apracavali admysłovymi achoŭnymi rastvorami, zrabili aŭtentyčny dach z honty — tonkich asinavych płaścinak.

Draŭlany lamus na terytoryi Bryhickaha manastyrskaha kompleksu ličycca samaj staražytnaj haspadarčaj i žyłoj pabudovaj na terytoryi Biełarusi. Jon byŭ pabudavany ŭ pieršaj pałovie XVII stahodździa pa niezvyčajnaj technałohii — biez adzinaha ćvika. Elemienty kanstrukcyi budynka źviazanyja draŭlanymi klinami.

Lamusam u tyja časy nazyvali haspadarčuju pabudovu. Pieršy pavierch vykarystoŭvaŭsia dla zachoŭvańnia praduktaŭ i haspadarčaha invientaru, druhi pavierch — jak žyły. Viadoma, što pieršapačatkova na druhim paviersie raźmiaščaŭsia duchoŭnik siaścior-manašak. A kali byŭ pabudavany cahlany korpus, tut mahli raźmiaščacca rabotniki, jakija absłuhoŭvajuć manastyr.

Kamientary4

  • M.Jan
    25.10.2023
    Apošnija archiŭnyja adkryćci dazvolili udakładnić, što budynak uźviedzieny ŭ
    1769 h. U ajčynnaj litaratury ŭ jakaści daty pabudovy pamyłkova padajecca XVII st.
  • Vołontiorka
    26.10.2023
    Ech, do konca hoda chotiełoś by. No v vostanovlenii nuždajetsia bolšoje količiestvo eksponatov, a nas vsieho 4 dievuški, i rabotajem pośle raboty.
  • vypraŭcie pamyłku
    26.10.2023
    Sputnik piša łuchtu, a vy paŭtarajecie. Lamus nie byŭ pabudavany ŭ pieršaj pałovie XVII st - heta pamyłka, jakaja tyražujecca šmat hadoŭ. Užo niekalki hadoŭ dakładna viadoma, što jaho pabudavali ŭ 1769 h.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →