Hramadstva22

Zatrymali dziaŭčynu, jakaja nibyta zapoŭniła zajaŭku na pašpart Novaj Biełarusi. Ale heta moža być pastanoŭkaj

25 kastryčnika stała viadoma, što siłaviki zatrymali inžynierku pa kaštarysnaj pracy «Biełśpiecenierha». Dziaŭčyna, jak śćviardžaje HUBAZiK, nibyta zapoŭniła zajaŭku na atrymańnie pašparta Novaj Biełarusi, za što i paciarpieła. Ale heta moža być prosta zastrašvańniem, piša «Lusterka».

Siłaviki zajavili, što 15 žniŭnia ŭ 9:23 zatrymanaja nibyta adpraviła zajaŭku na pašpart Novaj Biełarusi praz «ekstremiscki čat-bot». Miarkujučy ź videa, havorka idzie pra apytańnie płatformy «Hołas» praz Viber.

«Zboru zajavak na pašpart novaj Biełarusi nie było. Heta było apytańnie, kab vyvučyć popyt, — raspavioŭ «Lusterku» zasnavalnik płatformy «Hołas» Pavieł Libier. — Zajaŭkaj hetaje apytańnie ŭ pryncypie być nie moža, bo tam niama piersanalnych źviestak — my nie viedajem, chto adkazvaŭ».

Što tyčycca mahčymaha vycieku danych płatformy, to Libier vyklučaje hetuju vierahodnaść, bo takoha nie było ni razu bolš jak za try hady. Pavodle jaho, «danyja nadziejna abaronienyja i depiersanifikavanyja».

Jak miarkuje Libier, dziaŭčynu, chutčej za ŭsio, zatrymali za avatarku ź bieł-čyrvona-biełym ściaham, pra jakuju jana havoryć na videa.

«A zaadno paprasili i pra pašpart skazać pad kamieru, hetak ža prasili vypadkovych ludziej kazać pra ŭdzieł u płanie «Pieramoha», — dadaje surazmoŭca.

Libier miarkuje, što skrynšot apytańnia «Hołasa» moh być z ekrana telefona adnaho ź siłavikoŭ, jaki sam prajšoŭ jaho. Taksama stvaralnik «Hołasa» nie vyklučaje, što dziaŭčyna sapraŭdy prajšła apytańnie i paśla taho nie pačyściła čat-bota. A ŭžo paśla zatrymańnia za avatarku pierapisku vyjavili siłaviki.

«My ŭsiudy pisali i jašče raz nahadvajem, što ŭvohule nie rekamiendujem ź Biełarusi prachodzić hetaje apytańnie. A kali ŭžo prajšli, to čyścicie pierapisku i naohuł vydalajcie bot», — skazaŭ na zakančeńnie Libier.

Usiaho, pavodle źviestak Paŭła Libiera, pra svajo žadańnie atrymać pašpart Novaj Biełarusi zajavili ŭžo bolš za 62 tysiačy čałaviek.

Kamientary2

  • Aleks
    25.10.2023
    Točno postanova. Lico aktiorov śliškom intiellektualnoje. Srazu vydajot vsio.
  • Ivan
    25.10.2023
    Fufło v jarkoj upakovkie

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami30

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →