Hramadstva66

«Prychodžu da vysnovy, što pastanova sudździ padlahaje źmienie». Abłasny sud u Viciebsku niečakana admianiŭ rašeńnie ab kanfiskacyi telefona za bčb-avatarku

U žniŭni milicyjanty zatrymali žychara Viciebska za vyjavu bieł-čyrvona-biełaha ściaha ŭ sacsietcy. Mužčynu prysudzili «sutki» i ŭ dadatak kanfiskavali telefon jak «srodak złačynstva». Ale niadaŭna ŭ situacyju vyrašyŭ umiašacca abłasny sud, i jahonaje rašeńnie było niečakanym, zaŭvažyła «Lusterka».

Budynak Viciebskaha abłasnoha suda. Fota: Jandeks.Karty

Pratakoł ab «niezakonnym pikietavańni» na mužčynu za bieła-čyrvona-biełuju simvoliku ŭ profili ŭ fejsbuku skłali ŭ Vierchniadźvinskim RAUS i pieradali jaho ŭ sud Vierchniadźvinskaha rajona.

«Vykazvajučy hramadska-palityčnyja, asabistyja i inšyja intaresy, publična raźmiaściŭ fatahrafiju z vyjavaj ściaha bieł-čyrvona-biełaha koleru ŭ adkrytym dostupie na svajoj ahulnadastupnaj staroncy», — havorycca ŭ pratakole.

Na avatarcy ŭ mužčyny było jahonaje siamiejnaje fota z žonkaj i dziciem, da jakoha była dadadzienaja ramka sa ściaham Ukrainy i biełaruskim bieł-čyrvona-biełym ściaham.

Mužčyna na sudzie pryznaŭ, što raźmiaščaŭ takoje fota, ale padkreśliŭ, što nie mieŭ pry hetym mety pikietavać. Ale sud z hetym nie pahadziŭsia i pryznaŭ viciablanina vinavatym.

U vyniku čałavieku prysudzili 10 sutak administracyjnaha aryštu, taksama sud pastanaviŭ kanfiskavać telefon jak srodak ździajśnieńnia administracyjnaha pravaparušeńnia. Heta adbyłosia jašče 22 žniŭnia. Viciablanin nie abskardžvaŭ rašeńnia suda, adbyŭ aryšt i nie staŭ zmahacca za telefon.

Ale paźniej zdaryłasia niečakanaje. U siaredzinie kastryčnika sprava trapiła na stoł da namieśnika staršyni Viciebskaha abłasnoha suda, choć nichto nibyta nie padavaŭ skarhi abo pratestu. I sudovy čynoŭnik pryniaŭ paradaksalnaje dla biełaruskaj sistemy rašeńnie: «Vyvučyŭšy materyjały spravy, prychodžu da vysnovy, što pastanova sudździ padlahaje źmienie».

Akazvajecca, pryznačać pakarańnie pa KaAP možna tolki ŭ miežach sankcyi artykuła, a artykuł 24.23 nie praduhledžvaje kanfiskacyi srodku ździajśnieńnia pravaparušeńnia. To-bok telefon u viciablanina kanfiskavali niezakonna.

Tamu namieśnik staršyni abłsuda pastanaviŭ źmianić pieršapačatkovaje rašeńnie, vykraśliŭšy ź jaho kanfiskacyju, i viarnuć telefon uładalniku. Kali ž viartańnie niemahčymaje, to jamu pavinny kampiensavać košt telefona sa srodkaŭ Departamienta humanitarnaj dziejnaści Kiraŭnictva spravami Łukašenki.

Kamientary6

  • dziadok
    25.10.2023
    To bok, kali b "pravaparušalnik" źjaviŭsia ŭ publičnaj prastory z realnym b-č-b ściaham, to pavodle zakanadaŭstva kanfiskavać ściah u jaho nielha?
    Chacia, pra jakija zakony ŭ Biełarusi havorka...
  • Kažan
    25.10.2023
    Jaki "česny"sudździa" papaŭsia. Cikava z čaho b heta? Nikoli nie pavieru, što z-za niezakonnaści dziejnaści nižejstajačaha "suda" i miłasernaści. Vidavočna, što majuć niejki svaje mety albo "sudździ" chutka na pensiju i jon choča choć jak vyjści z hetaha "biełym i pušystym".
  • chm
    25.10.2023
    a voś heta cikava, pahladzim

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →