Hramadstva1212

Ź niedabudavanaha doma Uciuryna ŭ Drazdach źniali aryšt. Toj pradaje jaho za $1,3 miljona

Były kiraŭnik słužby biaśpieki Alaksandra Łukašenki Andrej Uciuryn praciahvaje adbyvać 12-hadovy turemny termin u «Vićbie». Ale ź jaho 600-mietrovaha katedža ŭ Drazdach źniali aryšt, i dom vystaŭleny na prodaž. Heta moža być namiokam na budučyja źmieny ŭ jahonym losie.

Andrej Uciuryn naradziŭsia ŭ rasijskaj Pienzie ŭ siamji byłoha kiraŭnika vajskovaj čaści 3214. Vučyŭsia ŭ Saratavie, potym u Minsku. Ad pačatku łukašenkaŭskaha praŭleńnia słužyŭ u Słužbie biaśpieki prezidenta (SBP), byŭ kiraŭnikom asabistaj achovy Alaksandra Łukašenki, a z 2007 da 2014 hoda — uznačalvaŭ SBP. 

Byŭ uniesieny ŭ sankcyjny śpis ES paśla vybaraŭ 2010-ha. 

Z 2014-ha byŭ pieraviedzieny ŭ sakrataryjat Rady biaśpieki, namieśnikam dziaržsakratara. Ale na hienieralskaj pasadzie nie atrymaŭ pramocyi i zastavaŭsia pałkoŭnikam da momantu svajho aryštu ŭ 2019-m. 

Uciuryna zatrymali za karupcyju na dziaržzakupkach: toj addaŭ zahad ministru suviazi i kiraŭniku «Biełtelekama» padpisać kantrakt z rasijskim działkom, jaki paabiacaŭ Uciurynu tracinu ad prybytku. 

Andrej Uciuryn u zienicie svajoj karjery. Skrynšot z vsr.mil.by

Kamitet dziaržaŭnaj biaśpieki zatrymaŭ jaho paśla atrymańnia chabaru 148 tysiač dalaraŭ. Heta zdaryłasia ŭ pieryjad paharšeńnia adnosin Biełarusi z Rasijaj, i niekatoryja zadavalisia pytańniem, ci źjaŭlajecca sprava čysta kryminalnaj, ci nie jość jana adkazam na niefarmalnyja kantakty Uciuryna z rasijskimi dypłamatami i raźviedčykami. Nijakimi faktami, adnak, takuju viersiju žurnalisty padmacavać nie zmahli.

Letam 2020-ha byłoha pałkoŭnika sudzili, dali 12 hadoŭ kałonii i adabrali zvańnie. 

Andrej Uciuryn u kletcy na sudzie. Fota: Naša Niva

Surazmoŭcy «Našaj Nivy» ŭ Minsku raskazali, što jany źviazvajuć karupcyjnuju trahiedyju Uciuryna z žadańniem palepšyć uzrovień žyćcia. Asabliva na fonie taho, što mnohija mienšyja za jaho pa ranhu ŭžo paśpieli arhanizavać pobyt nie tolki sabie, ale i dzieciam. 

U vyniku ŭ tym samym katedžy ŭ Drazdach, na budaŭnictva jakoha Uciurynu i patrebny byli hrošy, pałkoŭnik pažyć nie paśpieŭ. Navat nie dabudavaŭ. I, vidać, dabudoŭvać budzie ŭžo nie jon. 

Fota: realt.by

Z aryštavanaha ŭ 2019-m doma i ŭčastka źniaty aryšt, i dom ź lutaha hetaha hoda vystaŭleny na prodaž. 

Cana — 4,16 miljona biełaruskich rubloŭ, abo 1,3 miljona dalaraŭ.

Fota: realt.by

Uciuryn budavaŭ sabie dom na 590 kvadratnych mietraŭ ahulnaj płoščy, žyłoj — 257. 

U domie zapłanavanyja pakoi adpačynku, spartovaja zała, pralnia, pamiaškańnie dla saŭny, kamora, kuchnia, stałovaja, haściavy pakoj, harderobnaja, vieranda, haraž na dva aŭto, kacielnia, dva sanvuzły.

Fota: realt.by

Dom znachodzicca na vulicy Vierbnaja, 24. Toje, što heta mienavita dom Uciuryna, «Našaj Nivie» paćvierdziŭ taksama «Biełpoł»

U kałonii z Uciurynym pierasiakaŭsia homielski pravaabaronca Leanid Sudalenka. Jon tak apisvaŭ pobyt byłoha načalnika achovy Łukašenki:

«Jon nie razmaŭlaje ni z kim sa źniavolenych, stvaryŭ vakoł siabie vakuum. Zajmajecca sportam, sam vyrašaje, kamu skazać słova. Jon dumaje, što nie taki jak usie. I voś byvaje karcina: atrad staić kala stałovaj, a načalnik kałonii Uciuryna pakliča — i stajać chvilin 30 razmaŭlajuć jak siabry».

«Uciuryn, sapraŭdy, užo zasiadzieŭsia. I hrošy jamu ŭ «Vićbie» nie vielmi treba. Tamu samaje łahična tut — jamu dazvolili pradać dom z nastupnym pieravodam hrošaj dziaržavie ŭ zalik pahašeńnia viny. A tam umoŭna-daterminovaje i na vychad, na rabotu ŭ Rasiju da siabroŭ. Taki varyjant moža być», — padzialiŭsia z «Našaj Nivaj» svaim bačańniem situacyi były vysokapastaŭleny rabotnik prakuratury. 

Kali vam važna toje, što robić «Naša Niva», to padtrymać nas možna praz Patreon pa spasyłcy nižej. Tady my zmožam bolš.

«Naša Niva» — bastyjon biełaruščyny

PADTRYMAĆ

Kamientary12

  • Hien
    25.10.2023
    Čiestno zarabotał, čiestno prodał)))))))
  • Roj Orbison
    25.10.2023
    Kak prosto. Biespłatno połučił ziemlu. Biesprocientnyj kriedit. Iz-za vziatki nie dostroił, v tiuŕmie sidit. A tiepieŕ prodajet. Vo kak. A za pravdu ludiej ostavlajut biez sriedstv k suŝiestvovaniju. I był by tam koadieź mozhov v tom tiurinie...
  • daviedka
    25.10.2023
    Vtiurin dvienadcať let prosłužił na hienieralskich postach, no nie stał hienierałom, a Viktor Łukašienko dažie nie był połkovnikom i vojennosłužaŝim, odnako stał hienierałom zapasa błahodaria podarku papy na 8 marta.

Apakalipsis u Mazyry. Štorm nakryŭ Homielščynu1

Apakalipsis u Mazyry. Štorm nakryŭ Homielščynu

Usie naviny →
Usie naviny

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

bolš čytanych navin
bolš łajkanych navin

Apakalipsis u Mazyry. Štorm nakryŭ Homielščynu1

Apakalipsis u Mazyry. Štorm nakryŭ Homielščynu

Hałoŭnaje
Usie naviny →