Aŭto66

Paraŭnali ceny na novyja zimovyja šyny ŭ Biełarusi, Polščy i Litvie. Vynik niečakany

Nieŭzabavie na darohach źjavicca śnieh i hałalodzica, tamu aŭtamabilistam užo ciapier varta padbać pra pierachod na zimovyja pakryški. Dzie tańniej ich kuplać — u Biełarusi ci susiednich krainach ES?

Fota: Getty Images / Savushkin

Adnyja z samych tannych zimovych pakryšak pamieram 205/55 R16 — u ajčynnaj «Biełšyny».

U internet-kramach ich pradajuć pa 130—140 rubloŭ za štuku. Heta kala 40 jeŭra pa biahučym kursie.

Fota: skrynšot z sajta bel-shina.by

Pryblizna za tuju ž canu pradajucca rasijskija Tunga i Cordiant. Dalej iduć šyny kitajskaj vytvorčaści. Ceny na samyja tannyja varyjanty vahajucca ŭ miežach 140—160 rubloŭ za koła (kala 45 jeŭra).

U Litvie ceny na pakryški anałahičnaha pamieru pačynajucca z 37 jeŭra za koła.

Fota: skrynšot z sajta egzotika.lt

U Polščy ceny na samyja tannyja pakryški pačynajucca sa 180 złotych, što kala 40 jeŭra za štuku.

Kali raźličvać na viartańnie padatku na dadatkovuju vartaść pry nabyćci šynaŭ u Polščy abo Litvie, ad paznačanych cen možna adličyć kala 11—12%, kali karystacca servisam Global Blue. Ale jość niekatoryja pradaŭcy, jakija hatovyja viartać PDV całkam (21% u Litvie i 23% u Polščy). Praŭda, u takim vypadku viarnuć hrošy adrazu pry pierasiačeńni miažy nie ŭdasca.

Kali pryhladacca da šyn viadomych suśvietnych brendaŭ, to roźnica ŭ cenach stanovicca bolš adčuvalnaj. Asabliva, kali skarystacca mahčymaściu viartać PDV, navat praz Global Blue.

Ceny na pakryški Michelin Alpin 6 u Biełarusi pačynajucca z 465 rubloŭ, što kala 137 jeŭra. 

Fota: skrynšot z sajta catalog.onliner.by

U Litvie jany pradajucca pa 110 jeŭra za štuku, ci pa 98 jeŭra, kali viarnuć častku PDV praz Global Blue.

U Polščy jany kaštujuć 504 złotych, ci kala 113 jeŭra.

Fota: skrynšot z sajta oponeo.pl

Paśla viartańnia častki PDV cana źnizicca da 99 jeŭra za pakryšku, a kali atrymajecca adšukać kramu, jakaja hatovaja samastojna viartać PDV całkam, to cana źnižajecca da 92 jeŭra za šynu. Heta ŭžo 315 rubloŭ suprać 465, kali kuplać ich u Biełarusi.

Što niečakana

Adnak nie ŭsie impartnyja šyny ŭ susiednich krainach ES kaštujuć tańniej, čym u Biełarusi. Tyja šyny, jakija vyrablajucca ŭ Rasii pa licenzii i technałohijach zamiežnych kampanij, kaštujuć tańniej, čym ich jeŭrapiejskija anałahi.

Tak, naprykład, Hankook Winter i*cept u nas pradajuć pa cenach ad 216 rubloŭ za štuku. Heta kala 64 jeŭra.

Fota: skrynšot z sajta r13.by

U Polščy takija samyja pakryški kaštujuć 370 złotych (kala 83 jeŭra). Tamu navat z ulikam viartańnia 100% VAT (PDV) kuplać takija pakryški za miažoj sensu nie maje. 

Fota: skrynšot z sajta allegro.pl

Anałahičnaja situacyja z pakryškami NOKIAN Hakkapeliitta 205/55R16, jakija vyrablajucca ŭ Rasii. U Biełarusi adno koła možna nabyć pa cenach ad 450 rubloŭ (kala 135 jeŭra).

Fota: skrynšot z sajta catalog.onliner.by

U Litvie anałahičnyja pakryški pradajucca pa 148 jeŭra za koła, a ŭ Polščy pa 700 złotych, što kala 157 jeŭra.

Fota: skrynšot z sajta egzotika.lt

Nieistotnaja roźnica ŭ canie źjaŭlajecca tolki paśla zvarotu PDV.

Nie nadta vialikaja roźnica ŭ cenach na pakryški dla parkietnikaŭ Bridgestone LM005 225/50R17 XL. U Biełarusi jany pradajucca pa canie ad 490 rubloŭ (kala 145 jeŭra).

Fota: skrynšot z sajta catalog.onliner.by

A ŭ Polščy ad 600 złotych (kala 135 jeŭra). U Litvie 138 jeŭra. Zaŭvažnaj roźnica stanovicca tolki pry ŭmovie viartańnia PDV. Tady pakryški ź ES kaštavaćmuć 110-120 jeŭra za štuku suprać 145 u Biełarusi.

Fota: skrynšot z sajta allegro.pl

Jak pravilna vyvieźci šyny, kab viarnuć PDV?

Achvotnym nabyć pakryški ŭ Polščy ci Litvie treba viedać, što viartać PDV možna tolki ŭ tym vypadku, kali vy budziecie vyvozić šyny jak tavar. Kali vy pastavicie ich na aŭtamabil, to mahčymaści viarnuć PDV nie budzie. 

Jakija limity isnujuć na ŭvoz šyn u Biełaruś?

Dla asabistaha karystańnia možna pryvozić nie bolš za čatyry novyja letnija abo zimovyja šyny raz na dva hady. Uvoz b/u pakryšak biez dyskaŭ u Biełaruś zabaronieny.

Pryvozić šyny, koły abo dyski z-za miažy maje prava tolki ŭłaśnik transpartnaha srodku. Taksama treba nie zabyvać, što ahulnaja vaha pakryšak nie musić pieravyšać 31 kh, a ich košt — 1000 jeŭra.

Nahadajem, što ŭ pieryjad z 1 śniežnia da 1 sakavika ŭ Biełarusi aŭtamabili pavinny być abstalavanyja zimovymi šynami. Za parušeńnie hetych pravił praduhledžana administracyjnaja adkaznaść. 

Čytajcie taksama: 

Samyja papularnyja aŭto z ZŠA, jakija lubiać biełarusy

U Hrodnie sabaki hanialisia za katom i raźnieśli «Aŭdzi», jakaja tolki vyjšła z ramontu

Jeŭrapiejski sud admoviŭsia zdymać sankcyi z MAZa i BiełAZa

Kamientary6

  • 2020 + 2022
    25.10.2023
    Jakaść henych kołaŭ ciapier vyklikaje pytańnia ad biełšyny da chankuka z maskovii.
  • Snrhiej
    26.10.2023
    Uhu kupił v rb nokian chakka błek sdiełano v finlandii, no dla rynka rb. 700doł. Pieriednije kolesa stierliś do ohraničitiela za 1 siezon i 10000km
  • Šyna
    26.10.2023
    V normu 31 kh možno ułožiťsia tolko s šinami dietskich raźmierov.

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →