U Kazani zatrymanaja redaktar tatara-baškirskaj słužby «Radyjo Svaboda». Jana pryjechała ŭ Rasiju pa asabistych abstavinach
Žurnalistku tatara-baškirskaj słužby «Radyjo Svaboda» Ałsu Kurmašavu abvinavacili ŭ admovie zarehistravacca «inšaahientam», piša «Nastojaŝieje vriemia».
Ałsu Kurmašava pastajanna žyvie ŭ Prazie sa svaim mužam i dvuma dziećmi. Jana prylacieła ŭ Rasiju pa asabistych abstavinach. Akramia rasijskaha, u jaje taksama jość amierykanskaje hramadzianstva.
U Rasiju Kurmašava adpraviłasia 20 maja ŭ suviazi ź nieadkładnaj siamiejnaj nieabchodnaściu. Jana była zatrymanaja 2 červienia padčas čakańnia rejsa ŭ Čechiju.
Supracoŭniki aeraporta Kazani kanfiskavali abodva pašparty Kurmašavaj. Žurnalistka była aštrafavanaja za nievykanańnie patrabavańnia ab rehistracyi amierykanskaha hramadzianstva ŭ rasijskich orhanach ułady. Jana čakała viartańnia joj pašpartoŭ, ale 18 kastryčnika było abjaŭlena ab novym abvinavačańni.
Kurmašava — daśviedčany žurnalist, jana šmat hadoŭ piša ab prablemach nacyjanalnych mienšaściaŭ u Tatarstanie i Baškartastanie.
Z 2012 hoda ŭ Rasii dziejničaje zakanadaŭstva ab zamiežnych ahientach. Jak śćviardžajuć pradstaŭniki mnohich zamiežnych uradaŭ i mižnarodnych pravaabarončych arhanizacyj, jano vykarystoŭvajecca dla pakarańnia paśladoŭnych krytykaŭ rasijskich uład.
Z kanca 2022 hoda členam rejestra «inšaahientaŭ» zabaranili vykładać u dziaržaŭnych i municypalnych VNU i škołach, taksama jany nie mohuć być arhanizatarami publičnych mierapryjemstvaŭ i členami vybarčych kamisij.
Radyjo Svabodnaja Jeŭropa / Radyjo Svaboda i jaje redakcyi ŭniesienyja Ministerstvam justycyi Rasii ŭ śpisy «zamiežnych ahientaŭ» u 2017 hodzie. RSIE / RS nikoli nie pryznavała pravamocnaść hetaha rašeńnia.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?11
Kamientary