Niejmara vyvoziać z pola na nasiłkach paśla traŭmy, atrymanaj u matčy adboru da čempijanatu śvietu pa futbole 2026 hoda suprać Uruhvaja na stadyjonie Sientenarya ŭ Mantevidea. Fota: Matilde Campodonico / AP

Niejmara vyvoziać z pola na nasiłkach paśla traŭmy, atrymanaj u matčy adboru da čempijanatu śvietu pa futbole 2026 hoda suprać Uruhvaja na stadyjonie Sientenarya ŭ Mantevidea. Fota: Matilde Campodonico / AP

«Miedycynskija testy, jakija prajšoŭ Niejmar, paćvierdzili paškodžańnie piaredniaj kryžapadobnaj źviazki i razryŭ mieniska ŭ kalenie, jamu treba budzie apieracyja, a zatym prahrama lačeńnia, jakaja budzie vyznačanaja paźniej», — havorycca ŭ paviedamleńni pres-słužby kłuba ŭ sacsietcy Ch (raniej Twitter).

Forvard brazilskaj zbornaj Niejmar pakinuŭ pole sa ślazami na vačach u kancy pieršaha tajma. Jaho advieźli z pola na śpiecyjalnaj mašynie, piša Championat.com.

Adnaŭleńnie futbalista moža skłaści bolš čym šeść miesiacaŭ.

«Heta vielmi sumny momant, najhoršy ŭ maim žyćci. Ja viedaju, što ja mocny, ale hetym razam mnie vielmi spatrebicca padtrymka majoj siamji i siabroŭ.

Nialohka pieražyvać traŭmy i apieracyi, ujavicie, što vy adnaŭlalisia doŭhi čas, a potym praz čatyry miesiacy prachodzicie heta ŭsio znoŭ. U mianie vielmi šmat viery… Ja addaju siły Bohu, kab jon zmoh abnavić maje. Dziakuj za vašu padtrymku i ciopłyja słovy», — napisaŭ Niejmar u sacsietcy X.

Niejmar pierajšoŭ u «Al-Chilal» u letniaje tranśfiernaje akno. Kantraktnaje pahadnieńnie hulca z kłubam raźličana da 2025 hoda. U hetym siezonie Niejmar pravioŭ try matčy ŭ čempijanacie Saudaŭskaj Aravii, u jakich adznačyŭsia dźviuma vynikovymi pieradačami.

Čytajcie taksama:

Rusłan Lisakovič ahresiŭna čaplaŭsia da ludziej, a potym mocna ŭdaryŭsia hałavoj ab asfalt — Trybuna

Biełarusam z «čornaha śpisa» nie dazvolili zhulać za rasijski «Urał» u Barysavie — Trybuna

Anhlijski futbolny kłub źniaŭ mocny rolik pra mientalnaje zdaroŭje

Клас
1
Панылы сорам
0
Ха-ха
0
Ого
1
Сумна
8
Абуральна
0