Hramadstva99

«Skazała, što choča, kab mianie pabili». Biełarusa zdała HUBAZiKu byłaja dziaŭčyna, dasłaŭšy jahonaje fota z pratestaŭ

Dzianisa Kniazieva zatrymlivali niekalki razoŭ. Vosieńniu 2022 hoda da jaho pryjšli supracoŭniki HUBAZiKa. U ich čat napisała byłaja dziaŭčyna Dzianisa, maci jahonaj dački. Jana vysłała siłavikam jahonyja fatahrafii z pratestaŭ, a taksama asabistyja danyja i adras, paviedamlaje Mostmedia.io.

Asablivaść situacyi ŭ tym, što Dzianis adzin vychoŭvaje sumiesnuju z hetaj žančynaj 11-hadovuju dačku, a ŭ momant zatrymańnia jany ź dziaŭčynkaj byli razam.

Dzianis raskazvaje, što taja ranica pačynałasia jak zvyčajna. Jahonaja dačka Jasienija źbirała kanstruktar Lego, a sam jon rabiŭ kavu i čytaŭ naviny. Tolki mimachodź zaŭvažyŭ, što kala doma chodziać nieznajomyja ludzi, a zatym ubačyŭ, jak zajazdžajuć busy.

Nieŭzabavie ŭ dziciačy pakoj z aŭtamatami zajšło kala dziesiaci čałaviek u broniekamizelkach i sa ščytami. Jany sunuli Dzianisu ŭ tvar fatahrafii z pratestaŭ 2020 hoda.

Na tych zdymkach Dzianis vyhladaŭ inakš: biez barady, u inšym adzieńni. Tamu jon staŭ adniekvacca.

«Pastaraŭsia siabie vyharadzić, skazaŭ, što heta niejki inšy čałaviek, nie ja», — raskazvaje jon.

Tady prosta na vačach u dziciaci Dzianisa mocna ŭdaryli. Zatym, znoŭ ža pry dziciaci, stali hučna na jaho kryčać.

«Pačali harłapanić: «Daj parol ad telefona». Kažu: «Niama parola». Harłapaniać: «Čamu ŭ ciabie niama parola?»

U vyniku Dzianisa pavieźli na dopyt, a dačku — śledam u asobnym aŭtobusie. U adździaleńni ich užo čakała jaje maci. Ale paśla nievialikaj svarki jana, pa słovach Dzianisa, vyklikała taksi, kab Jasienija pajechała da babuli, maci Dzianisa.

Paźniej Dzianisu ŭdałosia pahavaryć z byłoj dziaŭčynaj.

«Jana skazała mnie, što viedaje, što ja ekstremist. I što jana choča, kab mianie pabili».

Padčas śledčych mierapryjemstvaŭ Dzianisa časta źbivali. I naohuł jon šmatkroć byŭ śviedkam hvałtu ŭ dačynieńni da zatrymanych.

«Kali prachodziŭ pa kalidory, pastajanna byli čuvać kryki: tam źbivali ludziej. Dubinkaj i elektrašokieram».

Supracoŭniki HUBAZiKa chacieli zapisać ź Dzianisam «pakajalnaje» videa i ahučyli tekst, jaki jon pavinien budzie skazać. Ale zapis nie atrymlivaŭsia.

«Staŭ zaikacca, zabyvacca słovy, bekać, mekać», — tłumačyć Dzianis. Heta razzłavała supracoŭnika, jaki pracavaŭ z mužčynam. Jon razahnaŭsia — i «z nahi» ŭdaryŭ padazravanaha ŭ hrudzi.

«Ad udaru ja vylecieŭ z kabinieta i adrazu ŭstaŭ. Jon skazaŭ: «Ach, ty ŭstaŭ. Ach, tabie mała». I paklikaŭ jašče adnaho supracoŭnika, jaki ŭdaryŭ u hrudzi. Nastupstvy taho źbivańnia Dzianis adčuvaŭ 1,5 miesiaca — nie moh udychnuć na poŭnyja hrudzi.

Samy składany momant, jaki pieražyŭ Dzianis, byŭ tady, kali jamu skazali, što praź jaho jahonaja dačka źbiehła ŭ les i jaje šukali dva dni. «Mianie nakryła čornym», — uspaminaje jon.

U takim pryhniečanym emacyjnym stanie jon pajšoŭ padpisvać pratakoły. Adnak zrazumieŭ, što tam zhadanyja inšyja artykuły, a nie 342-i, pa jakim zvyčajna sudziać udzielnikaŭ pratestaŭ (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).

Hetyja dakumienty Dzianis parvaŭ — taki ŭčynak jon tłumačyć ciažkim emacyjnym stanam. Heta vyklikała novy vitok ahresii supracoŭnikaŭ HUBAZiKa. Ale zatym spravu ŭziaŭ śledčy. Jon paćvierdziŭ, što dziejańni Dzianisa padpadajuć pad 342-i artykuł.

U vyniku mužčynu dali try hady «chatniaj chimii», ale jon zdoleŭ pakinuć Biełaruś.

Kamientary9

  • No
    18.10.2023
    Byłaja jaho dzieŭka i maci jaho dziciaci - heta vierałomnaje istota. Nieludź
  • hierdzień
    18.10.2023
    mikola, lasnuty )
  • Jašče skora
    18.10.2023
    Tady prosta na vačach u dziciaci Dzianisa mocna ŭdaryli. Zatym, znoŭ-taki pry dziciaci, stali hučna na jaho kryčać. Za takoje treba zabivać.

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →