U Kurskaj vobłaści 18 dronaŭ trapili ŭ łahier vajskoŭcaŭ la aeradroma Chalina — SBU
U hetym rajonie raźmiaščałasia da troch tysiač rasijskich vajskoŭcaŭ i blizu 80 adzinak vajskovaj techniki.
Ataku dronaŭ na Kurskuju vobłaść u noč na sieradu arhanizavała Słužba biaśpieki Ukrainy, sama mieniej 18 bieśpiłotnikaŭ trapiła ŭ łahier rasijskich vajskoŭcaŭ la aeradroma Chalina, śćviardžaje krynica Ukrainskaj słužby Bi-bi-si ŭ SBU.
Pavodle jahonych źviestak, u hetym rajonie raźmiaščałasia da 3 tysiač rasijskich vajskoŭcaŭ i kala 80 adzinak vajskovaj techniki.
«Pakul dakładnaja kolkaść varožych strat udakładniajecca, ale vidavočna, što paškodžańni byli surjoznymi: zafiksavana prynamsi 18 traplańniaŭ dronaŭ SBU pa łahiery», — zajaviła krynica.
Minabarony Rasii raniej zajaviła ab 28 bieśpiłotnikach, źbitych nad Biełharodskaj i Kurskaj abłaściami i nad Čornym moram.
Hubiernatar Kurskaj vobłaści Raman Staravojt zajaviŭ, što nad rehijonam było źbita šeść bieśpiłotnikaŭ samalotnaha typu, jašče čatyry — źniščanyja srodkami REB. Paciarpiełych i razbureńniaŭ, pavodle jaho, niama.
Kamientary