Hramadstva1414

Čamu mahli zatrymać biełarusaŭ, jakija pryjšli atrymlivać polskija vizy? 

Polskaja hazieta Wyborcza apisała vypadki zatrymańniaŭ biełarusaŭ paśla padačy na polskija vizy praź vizavaha pasiarednika VFS Global u Biełarusi. Jak tak vyjšła i jak zaścierahčy siabie ad zatrymańnia? Adkazvajuć apieratyŭnik i pravaabaronca. 

Vizavy centr u Breście. Fota: «Virtualny Brest»

«Niekatorych biełarusaŭ, jakija ŭdzielničali ŭ pratestach i potym sprabavali źjechać u Polšču, u vizavych centrach čakała pastka.

Zdarałasia tak, što ludzi prychodzili pa hatovyja vizy i dakumienty, i ich adrazu zatrymlivali supracoŭniki KDB. Zamiest Polščy hetyja ludzi jechali ŭ turmu», — pryvodzić Wyborcza słovy svaich surazmoŭcaŭ. 

Jak tak vyjšła? 

«Samy vidavočny varyjant — hetych ludziej jašče raniej pasiŭna šukali orhany. Jany atrymali infarmacyju, što takija i takija zapisalisia na vizu.

Dalej było spravaj techniki — pryjechać zabrać pašpart razam, tamu što ŭ hety dzień i čas ich klijent harantavana budzie ŭ vizavym centry i nie treba biehać šukać.

A za što šukali — boh jaho viedaje, ciapier za što tolki nie šukajuć. Moža, i palityka, kali adpravili ŭčastkovaha, potym paru razoŭ pazvanili — ničoha, nikoha. Vyrašyli, što kali sam trapicca niedzie, to voźmiem, pastavili na kantrol», — patłumačyŭ łohiku supracoŭnik milicyi. 

Polskija žurnalisty pišuć, što zatrymali mienavita tych biełarusaŭ, jakija ŭdzielničali ŭ pratestach. 

Značyć, havorka pra vypadki, kali čałaviek, jakomu pahražaje niebiaśpieka za jahony ŭdzieł u ruchu za svabodnyja vybary, nie zmoh zapisacca niepasredna ŭ konsulstva i padaŭsia na humanitarnuju vizu praź vizavy centr. 

Treba adznačyć, što z 2020 i da kanca 2022 hadoŭ biełarusy masava atrymlivali humanitarnyja vizy.

I nie tolki tamu, što aktyŭna ŭdzielničali ŭ pratestach abo ŭdzielničali ŭvohule — časta heta była samaja prostaja daroha atrymać vizu. Časam prykinuŭšysia palityčnym. 

Turystyčnych vizaŭ Polšča i Litva amal nie vydavali, i tym, kamu treba było pa spravach abo prosta karcieła vyrvacca ŭ Jeŭropu, prasili humanitarnyja vizy, jakija palaki vydavali amal što ŭsim, chto źviartaŭsia. 

Potym užo, u kułuarnych razmovach, polskija dypłamaty pryvodzili prykłady, jakija ich aburali: maŭlaŭ, konsuł stavić biełarusam humanitarnyja vizy, jany pa ich katajucca pa Jeŭropie na vychadnych, a praz hod, jak ničoha nijakaha, prychodziać prasić nastupnuju humanitarnuju vizu ŭ takich ža turystyčnych metach. 

Ale ciapier realii źmianilisia, syšoŭ kavid. Inšyja jeŭrapiejskija krainy stali vydavać biełarusam vizy, a palaki adkryli pryjom dakumientaŭ na turystyčnyja vizy. Na humanitarnyja vizy čaściej padajucca ŭžo pa sapraŭdnych palityčnych pryčynach. 

I siońnia padača na humanitarnuju vizu praź vizavy centr stanovicca znakam dla orhanaŭ, tamu što ŭ hetym vypadku zajaŭnik pavinien piśmova tłumačyć konsułu, čamu i čaho jon baicca.

Hetyja dakumienty potym traplajuć u ruki pasiarednika VFS Global, u jakoha jość kampjutarnaja baza z danymi tych, chto i pa jakoj pryčynie padajecca na vizu. 

Ci majuć siłaviki dostup da bazaŭ VFS Global? Biezumoŭna, tak.

U publičnaj afiercie kampanii VFS Global, jakoj biełarusy padajuć svaje dakumienty, ni razu nie zhadvajecca słova «kanfidencyjnaść», a ŭ punkcie 5.1.3 prosta havorycca, što danyja mohuć pieradavacca trecim asobam «u tym liku» z metaj atrymańnia vizy. 

«Tut navat nie treba šukać doŭhija farmuloŭki ŭ publičnych afiertach, a prosta adkryć Zakon ab apieratyŭna-vyšukovaj dziejnaści. Abhruntoŭvaješ patrebu dostupu da bazy kłopatam ab tym, što chtości z asob, jakija padajucca na vizy, choča schavacca ad pieraśledu. Abo navat heta nie pišaš, a banalna «ŭ intaresach nacyjanalnaj biaśpieki», bieź lišnich tłumačeńniaŭ — usio, ty z dostupam», — patłumačyŭ «Našaj Nivie» apieratyŭnik pryčynu, pa jakoj treba zaŭsiody trymać u hałavie, što ŭ dyktatarskim režymie, u jakim panujuć śpiecsłužby, naiŭna spadziavacca na kanfidencyjnaść infarmacyi, jakuju vy pieradajacie praź vizavych pasiarednikaŭ. 

Što rabić, kab vas nie zatrymali pry padačy na humanitarnuju vizu abo lubuju inšuju vizu, kali vy «zalahli na dno»? 

Adkaz tut prosty — nie karystajciesia pasłuhami pasiarednikaŭ u Biełarusi, a rabicie vizu prosta praz konsulstva, kaža kiraŭnik «Bajsoła» Andrej Stryžak. 

«Kali čałaviek razumieje, što ŭ jaho jość historyja palityčnaha aktyvizmu, jakaja, mahčyma, ciahnie pieraśled, to jon moža źviarnucca da nas na haračuju liniju i paźbiehnuć kamunikacyi ź lišnimi strukturami», — skazaŭ Stryžak. 

Polskuju vizu taksama možna zrabić, vyjechaŭšy ŭ Hruziju i Armieniju — kali vy jašče nie ŭ bazie nievyjaznych.

«Naša Niva» — bastyjon biełaruščyny

PADTRYMAĆ

Kamientary14

  • Aburany
    17.10.2023
    zadrali užo z hetymi pasiarednikami, zapłaci 300 € i jašče hebe saljuć, nu kolki možna užo tak ździekvacca ź ludziej. Heta VFS.Global złačynnaja struktura.
  • Nie ponimaju
    17.10.2023
    A na hranicie ich zadieržať uma nie dostatočno?On žie nikuda nie dienietsia s etoj podvodnoj posudiny s dieŕmom?
  • rom
    17.10.2023
    vot lubiať palaki zavidavať!! to ukram što tyja katajucca na leksuach darahich, to biełarusam što katajucca pa Jeuropie na hum vizach)))
    a pavinny ž stajať na kaleniach. prasiť padziaku. pracavať na zavodie i całavať u dupu pana)) eta pa polsku))

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →