Śviet1111

«Cud na zapraŭcy» ŭ Polščy

U Polščy dziaržkancern Orlen pierad vybarami pravodziŭ supierakcyju pa źnižeńni cenaŭ na paliva. 

Orlen
Na zapraŭkach Orlen u Polščy pierad vybarami byli samyja nizkija ceny na paliva. Fota: Mateusz Slodkowski/SOPA Images/LightRocket via Getty Images

Jak paviedamlaje Onet.pl, jašče ŭ niadzielu ceny bienzinu i dyzielu na zapraŭkach dziaržaŭnaha kancerna Orlen, jakomu naležyć kala 65% polskaha rynku paliva, nie pieravyšali 5,99 złotych. Na zapraŭkach inšych apierataraŭ ceny byli na niekalki hrošaŭ vyšejšyja. U toj ža čas u Čechii na zapraŭkach hetaha kancernu ceny byli ekvivalentnymi 8 złotym, što prykładna adpaviadała ŭzroŭniu rekordnaha dla Polščy kastryčnika minułaha hoda.

Kamientatary bačać u hetym «pieradvybarčyja cenavyja cudy» i vykazvajuć zdahadku, što heta było zroblena z metaj maksimizavać vyniki hałasavańnia za kiroŭnuju partyju «Prava i spraviadlivaść».

Pra toje, što situacyja z cenami na paliva ŭ Polščy adroźnivajecca ad inšych krain ES, žurnalisty zaŭvažyli  jašče ŭ lipieni. U toj čas z pačatkam novaha paŭhodździa aptovyja ceny na dyzielnaje paliva ŭ Jeŭropie vyraśli na 42%, a ŭ Polščy jany źnizilisia na 2%.

Analityki śćviardžali, što heta naŭmysny chod z metaj źnižeńnia inflacyi pierad vybarami. Z pačatku vieraśnia roźničnyja košty na paliva ŭ Polščy ŭpali ŭ ekvivalencie 10 jeŭracentaŭ.

Vydańnie piša, što prezident Orlen Daniel Abajtek (Daniel Obajtek) pavinien byŭ paviedamić svaim dziełavym partnioram, što nadzvyčajnaja situacyja na polskim rynku praciahniecca da dnia vybaraŭ (15 kastryčnika).

Analityki śćviardžajuć, što ŭ listapadzie i śniežni Orlen chutka pavysić ceny nie tolki dla bałansu na rynku, ale i dla adnaŭleńnia zapasaŭ. Ale ŭ paniadziełak, 16 kastryčnika, Daniel Abajtek zavieryŭ, što zachavaje «nizkija ceny».

Jak piša vydańnie, samyja zmročnyja prahnozy adnosna papiaredniaha pieryjadu nie apraŭdalisia — deficytu paliva na stancyjach nie było, choć na stancyi Orlen byli zaŭvažanyja časovyja pieraboi, jakija ŭ kampanii sprabavali patłumačyć «psavańniem kałonak».

Apieratary stancyj pryznali, što ŭ ich byli prablemy z łahistykaj. Pry hetym najbolšyja prablemy naziralisia na pamiežnych z Hiermanijaj, Čechijaj i Słavakijaj zapraŭkach.

Analityki prahnazujuć rost cenaŭ tolki praź niekalki tydniaŭ. Razam z hetym jany čakajuć źmienaŭ u kiraŭnictvie impieryjaj Orlen Group paśla taho, jak demakratyčnaja apazicyja zmoža sfarmiravać kaalicyjny ŭrad.

Čytajcie jašče:

Žurnalist raskazaŭ, čamu padlik hałasoŭ u Polščy byŭ hetym razam taki pavolny

Biełaruś naroščvaje zdabyču nafty i vykarystoŭvaje novuju technałohiju. Što za jana?

Kamientary11

  • Žorž
    17.10.2023
    Polša samaja narodnaja strana jevropy ! A tut jať skoro dva jevro budiet.
  • mikola
    17.10.2023
    hvoryja na galavu....
  • Ejnene
    17.10.2023
    “Lubimuju (ŭładu) nie addajuć” u vykanańni PiS. Režym Łukašenki anałahičnyja kroki rabiŭ - źnižaŭ košty, pavyšaŭ piensii, naviedvaŭ amapaŭcaŭ i ko.

Rabotnicy suda pahražaje da 12 hadoŭ za «zakliki da sankcyj i abrazu Łukašenki»2

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami30

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»2

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →