Jak źmianiŭsia Minsk za apošnija 15 hadoŭ ŠMAT FOTA
Stalica Biełarusi aktyŭna raście i raźvivajecca, ale hetyja źmieny na karotkich adrezkach vyhladajuć niaznačnymi, pavolnymi. My paraŭnali siońniašnija panaramy Minska z tymi, što byli zroblenyja ŭ minułyja dziesiacihodździ, kab pakazać, nakolki źmianiŭsia horad za hety čas.
Za apošnija 15 hadoŭ u Minsku ŭźnikli cełyja žyłyja rajony ŭ Kamiennaj Horcy, Dambroŭcy, Viaśnincy, Labiažym, a taksama žyłyja kompleksy «Minsk Śviet», «Majak Minska», «Mahistr», mocna razbudavalisia Sucharava, Malinaŭka, Łošyca, abraśli chmaračosami praśpiekty Dziaržynskaha i Pieramožcaŭ.
U hety ž čas byli pabudavanyja jak viadomyja handlovyja centry horada, tak i klučavyja dziaržaŭnyja budynki, siarod jakich hałoŭnaje miesca naležyć novaj rezidencyi Łukašenki. Ale značna mienš stała zielaniny: častka jaje stała achviaraj płanaŭ zabudoŭščykaŭ, a častka nie pieražyła paharšeńnia ekałahičnaj abstanoŭki na staličnych vulicach.
U 2010 hodzie Pałaca Niezaležnaści Łukašenki jašče nie isnavała. Fota: Jandeks Karty
Praśpiekt Pieramožcaŭ kala HC «Zamak». U 2010 hodzie nie było ni handlovaha centra, ni parkinha. Fota: Jandeks Karty
Na druhim kalcy było pole, dzie paśvilisia koni, a ciapier pasolski rajon i handlovy centr. Fota: Jandeks Karty
Praśpiekt Pieramožcaŭ u bok «Minsk-Areny». Fota: Jandeks Karty
Za «Minsk-Arenaj» u 2010 hodzie nie było ničoha. Fota: Jandeks Karty
Ratamskaja vulica. Fota: Jandeks Karty
Rynak «Ždanovičy» i žyły rajon «Labiažy». Fota: Jandeks Karty
Skryžavańnie vulic Kalvaryjskaj i Alšeŭskaha. Fota: Jandeks Karty
Praśpiekt Pieramožcaŭ kala haścinicy «Płanieta». Fota: Jandeks Karty
U 2010 hodzie jašče nie było chmaračosa na Zamčyščy, a zamiest «Halerei» byŭ internat z šeraj savieckaj cehły. Fota: Jandeks Karty
Nie dabudavali ŭ 2010 hodzie jašče i sumnaviadomy «dom Čyža», jaki sapsavaŭ histaryčny centr. Fota: Jandeks Karty
U 2010 hodzie adbudoŭvali Śviata-Duchaŭskuju carkvu ŭ Vierchnim Horadzie, a kaścioł Śviatoha Iosifa tady jašče nie viarnuŭ sabie baročny kałaryt. Fota: Jandeks Karty
Šklany paviljon VDNH źnieśli i pabudavali na jaho miescy hihancki handlova-zabaŭlalny centr. Fota: Jandeks Karty
Z Trajeckaha manastyra źjechała haradskaja balnica, a terytoryju pierad joj rekanstrujavali ŭ Staratrajeckuju płošču. Fota: Jandeks Karty
Da pierajezdu ŭ budynak Leninskaj biblijateki Savieta Respubliki vakoł jaho było šmat zielaniny. Fota: Jandeks Karty
Kamientary