Hramadstva11

Što ciapier z adpačynkam u Jehipcie, jaki miažuje ź Izrailem i siektaram Haza

Pacikavilisia, jak vajna ŭ Izraili i siektary Haza paŭpłyvała na adpačynak u Jehipcie. Ci biaśpiečna tudy lacieć, ci možna viarnuć hrošy i jakija ekskursii admianili?

iehipiet tury
Fota: Getty Images/David Sacks

Kolki kaštuje i što z ekskursijami

Jehipiet — adna ź niešmatlikich krain, kudy možna dalacieć ź Minska bieź pierasadak, tamu hety kirunak karystajecca davoli vialikim popytam siarod biełarusaŭ.

Ceny na 10-dzionnyja tury dla siamji z dvuch darosłych i 7-hadovaje dzicia pačynajucca z 2400 dalaraŭ. Bližejšyja daty vyletu ź Minska na 23 i 25 kastryčnika, paviedamili nam u adnoj z turystyčnych kampanij, kudy my patelefanavali jak zvyčajnyja turysty.

Adnak kali vy chočacie atrymać adpačynak hodnaj jakaści, to lepiej raźličvać na sumu ad 3000 dalaraŭ.

U inšym turahienctvie kažuć, što kali razhladać adpačynak ź dziciom, to lepiej jechać u Churhadu. Tam 10-dzionny adpačynak na siamju z troch čałaviek abydziecca ŭ sumu ad $2825. Pražyvańnie ŭ čatyrochzorkavych hatelach niepadalok ad pieršaj bierahavoj linii budzie kaštavać ad $2910. A adpačynak u takich ža hatelach z akvaparkam — 3050-3500 dalaraŭ.

churhada jehipiet tury
Churhada, Jehipiet. Fota: Getty Images/Anton Petrus

Paliŭny i inšyja zbory ŭklučany ŭ ahulny košt puciovak. Pieralot ź Minska ŭ Jehipiet zajmaje kala 7 hadzin.

Vyhladaje, što vajna ŭ Izraili i siektary Haza, jakija pablizu, nijak nie ŭpłyvaje na adpačynak u susiednim Jehipcie (prynamsi ŭ turfirmach nie papiaredžvajuć pra niejkija ryzyki), ale heta nie zusim tak.

Ciapier nie mahčyma budzie patrapić ź Jehipta na ekskursiju ŭ Ijerusalim i Iardaniju.

Ci jość alternatyva Jehiptu i ci viernuć hrošy pry fors-mažory

U adnym z turahienctvaŭ raspaviali, što nijakich źmien niama, samaloty lotajuć, jak i raniej. Dyj, kažuć, alternatyvy jehipieckamu adpačynku asabliva niama. Maŭlaŭ, u Turcyi ŭžo nie tak śpiakotna, a ŭ Abjadnanych Arabskich Emiratach ceny značna vyšejšyja.

U inšaj ahiencyi paviedamili, što popyt na Jehipiet stabilny, tym bolš na pieryjad asieńnich školnych kanikuł. Pry hetym pryznalisia, što ceny krychu źnizilisia.

Fota: Getty Images/tomch

Što tyčycca harantyj biaśpieki, to ŭ abodvuch vypadkach nas zapeŭnili, što nijakich źmien u suviazi z vajnoj u susiednich ź Jehiptam krainach — niama. Jak i tych, chto praz vajnu vyrašyŭ admovicca ad adpačynku.

Apłačvać poŭny košt adpačynku treba nie paźniej za 11 pracoŭnych dzion da vyletu. Pry hetym, kali situacyja abvostrycca, ale samaloty praciahnuć lotać, to admovicca ad apłačanaha adpačynku biez hrašovych strat budzie niemahčyma — skazali nam u abodvuch vypadkach.

A voś kali ŭžo samaloty lotać nie buduć, to turahienctva prapanuje zamianić adpačynak na inšy, zamarozić apłačanyja hrošy da vašaj nastupnaj pajezdki, abo buduć razhladać varyjanty viartańnia patračanych srodkaŭ.

«Jašče nichto nie admoviŭsia»

Krychu inšuju infarmacyju «Našaj Nivie» raspavioŭ turahient, jaki pracuje ŭ adnym sa staličnych ahienctvaŭ.

Pa słovach surazmoŭcy, ludzi nasamreč zakłapočanyja tym, što kraina, u jakuju jany źbirajucca na adpačynak, miažuje ź Izrailem i siektaram Haza.

«Turysty navat zanadta chvalujucca z ulikam taho, što samalot nie lacić nad Izrailem», — kaža turahient.

Fota: «Naša Niva»

Pry hetym jon adznačaje, što nichto z tych, chto ŭžo nabyŭ raniej tury, nie admoviŭsia ad padarožža, bo heta paniasie finansavyja straty.

Ceny na adpačynak u Jehipcie na fonie vajny krychu źnizilisia, ale adbyvajecca heta za košt inšych krain, a nie Biełarusi, tłumačyć turahient.

«Našy ludzi ŭžo stamilisia ad usiaho, tamu ŭsio adno hatovyja lacieć u adpačynak».

Siarod alternatyŭ jehipieckamu adpačynku surazmoŭca nazyvaje AAE.

«Možna znajści varyjanty ŭ Emiratach pa canie Jehipta, ale mora tam budzie horšaje, dy i ŭ hatelach zabaŭlajuć turystaŭ tam nie tak, jak u Jehipcie».

Kamientary1

  • Mojša
    17.10.2023
    Jechać da muślimaŭ u adpačynak zaraz heta zdrada!!!

Błohierku ź dziciom nie puścili ŭ restaran «na minskich Patrykach». Čakajcie, dzie?5

Błohierku ź dziciom nie puścili ŭ restaran «na minskich Patrykach». Čakajcie, dzie?

Usie naviny →
Usie naviny

U Hiermanii biełarus pabiŭsia z małdavaninam. Apošni byŭ parezany

U Indyi ženicca syn samaha bahataha čałavieka krainy. Na viasielle patracili šalonyja hrošy10

Łukašenka achviaravaŭ ministram: jak i za što pazbaŭlalisia ad samych važnych čynoŭnikaŭ jaho sistemy

Marharyta Laŭčuk vypuściła pieśniu, jakuju zapisała razam z mužam5

Eduardu Babaryku prysudzili dadatkova bolš, čym paŭtara hoda1

Kolki biełarusaŭ chočuć mieć dziaciej, a kolki ŭchvalajuć razvody7

Pa Viciebsku prakaciŭsia brazilski karnavał. Voś jak heta vyhladała ŠMAT FOTA44

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA12

Iłan Mask: Mianie dvojčy sprabavali zabić za apošnija vosiem miesiacaŭ7

bolš čytanych navin
bolš łajkanych navin

Błohierku ź dziciom nie puścili ŭ restaran «na minskich Patrykach». Čakajcie, dzie?5

Błohierku ź dziciom nie puścili ŭ restaran «na minskich Patrykach». Čakajcie, dzie?

Hałoŭnaje
Usie naviny →