Hramadstva3939

Vadzim Kabančuk prapanuje stvarać biełaruskija vajskovyja farmavańni ŭ samoj Jeŭropie. Ci budzie takoje mahčyma?

Adzin z kiraŭnikoŭ štaba Pałka Kalinoŭskaha prapanuje brać biełarusaŭ na słužbu ŭ krainach ES, pryvodziačy ŭ prykład nacyjanalnyja złučeńni Svabodnaj Francyi i Polskaha ŭrada ŭ vyhnańni časoŭ minułaj vajny. Kaža, što achvotnych — mnohija sotni. Na dumku Vadzima Kabančuka, novyja farmavańni mahli b ulicca ŭ polska-ukrainska-litoŭskuju bryhadu imia Kanstancina Astrožskaha. 

vadzim kabančuk vadim kabančuk
Vadzim Kabančuk. Fota: pres-słužba pałka Kalinoŭskaha

Vadzim Kabančuk — namieśnik kamandzira pałka Kastusia Kalinoŭskaha, u minułym — palityčny aktyvist i palitviazień. 

Jon prapanavaŭ ideju, jakaja mahła b stać vialikaj historyjaj, kali b jaje padtrymali jeŭrapiejcy. 

Kabančuk prapanuje nabirać biełarusaŭ u polska-ukrainska-litoŭskuju miratvorčuju bryhadu imia Kanstancina Astrožskaha. Jana była stvoranaja ŭ 2014 hodzie, ale na ciapierašni momant nie razhornutaja — pa słovach Kabančuka, tam jość tolki aficery i niama bajavoha składu. Štab bryhady bazujecca ŭ Lublinie. 

Vybar miesca bazavańnia simvaličny: adsyłaje da Lublinskaj unii, jakaja abjadnała Polskaje karaleŭstva i Vialikaje Kniastva Litoŭskaje.

Kabančuk miarkuje, abapirajučysia na kamunikacyju ź biełaruskimi dobraachvotnikami, što jość vialikaja baza dla rekrutynhu biełarusaŭ u hetuju bryhadu. 

«Maja ideja bazujecca na fiłasofii Bałta-čarnamorskaha sajuza ŭ supraćvahu ekspansijanizmu Rasii, — kaža Kabančuk. — Znoŭ ža, padčas papiaredniaj vajny była «Svabodnaja Francyja» de Hola ŭ vyhnańni i kałabaracyjaniscki ŭrad Višy».

Kabančuk bačyć u apošnim strukturu, padobnuju da siońniašniaj biełaruskaj administracyi.

«Svabodnaja Francyja» stvarała złučeńni pry padtrymcy sajuźnikaŭ, dałučyłasia da Patsdamskich pahadnieńniaŭ», — nahadvaje Vadzim Kabančuk. 

U Pałka Kalinoŭskaha, kaža Kabančuk, šmat zajavak ad ludziej, jakija pražyvajuć u Jeŭropie, pa roznych pryčynach nie mohuć jechać va Ukrainu, ale hatovy słužyć u krainie svajho pražyvańnia.

«Pieradusim heta Polšča i Litva. Heta sotni zajavak, a taksama asabovyja składy «Charuhvaŭ» i «Paspalitaha rušeńnia», jakija šukajuć mahčymaści realizavać siabie», — kaža Kabančuk.

Na jaho dumku, kali b u ludziej źjaviłasia takaja mahčymaść, słužyć byli b hatovyja sotni, a to i tysiačy ludziej. 

«Razhortvańnie takich padraździaleńniaŭ u Jeŭropie dało b nam mahčymaść pavialičyć i svaje šerahi va Ukrainie, stała b značnym krokam u bok stvareńnia novaha, nacyjanalnaha biełaruskaha vojska», — kaža namieśnik kamandzira pałka Kalinoŭskaha. 

Što b heta dało krainam-udzielnicam? Dla čaho heta patrebna toj ža Polščy?

«A dla čaho polskamu ŭradu ŭ vyhnańni byli patrebny vajskovyja złučeńni? — paryruje Kabančuk. — Kali b palaki sfarmavali častku, dy choć rotu, na terytoryi Polščy, jaje možna było b vykarystoŭvać dla achovy dziaržaŭnaj miažy Jeŭrasajuza ad mihranckich atak. Viadoma, pad kamandavańniem aficeraŭ tych krain. A pakolki bryhada miratvorčaja, to rabota b znajšłasia.

A kali razhladać scenar razrastańnia ŭkrainskaj vajny na inšyja dziaržavy Jeŭropy, to, biezumoŭna, i Biełaruś budzie ŭ joj zadziejničana, i biełarusy buduć u joj zadziejničanyja, i nacyjanalnyja farmavańni spatrebiacca luboj krainie, jak minimum, dla alternatyvy». 

Pakul što hetaja prapanova isnuje ŭ vyhladzie idei, praktyčnych krokaŭ nie zroblena.

Pradstaŭniki Abjadnanaha pierachodnaha kabinieta, a taksama Ofisa Śviatłany Cichanoŭskaj nie adkazali na zapyt «Našaj Nivy» pra staŭleńnie da takoj prapanovy. 

«Tearetyčna heta mahčyma, ale pra heta jašče nie havorać, jašče nie ciapier», — skazaŭ «Našaj Nivie» na ŭmovie ananimnaści adzin z polskich uradavych čynoŭnikaŭ. 

«U bolšaj stupieni našy dziejańni i srodki, skiravanyja na Biełaruś, buduć zaležać ad taho, nakolki vostra pavodzić siabie sama Biełaruś», — dadaŭ jon. 

Apytanka

Kamientary39

  • voo
    16.10.2023
    Priedłahaju Kabančuku i pročim rukovoditielam PKK samim načať vojevať.S kiem iz jevropiejskich politikov vy vstriečaliś ? Kto vas słušať budiet ?Nadojeli niedalekije ,łživyje populisty
  • Supier!
    16.10.2023
    Vydatnaja inicyjatyva! Padtrymlivaju!
  • Biełarus
    16.10.2023
    Treba stvarać nie prosta "złučenni", a cełuju Vyzvolnuju Armiju, kab heta było užo surjozna.

Niemiec, prysudžany da rasstrełu, datyčny da dyviersij? Voś što za historyja heta mahła być5

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być5

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →