Navuka i technałohii33

Biełaruski matematyk vykładaje ŭ amierykanskim univiersitecie. Jaho raźliki mohuć dapamahčy ŭ baraćbie z rakam

Matematyk Arkadź Kirštejn rodam ź Biełarusi, ale ŭžo 11 hadoŭ žyvie ŭ ZŠA. Pra suviaź prykładnoj matematyki z daśledavańniem rakavych puchlin jon raskazaŭ u vypusku jutub-kanała «Biełaruski vajb».

Arkadź Kirštejn Arkadij Kirštiejn Arkady Kirstein
Arkadź Kirštejn. Skrynšot videa AlesChakhouski / YouTube

Arkadź Kirštejn žyvie ŭ ZŠA 11 hadoŭ. Ciapier jon vykładaje va Univiersitecie Taftsa (pryvatny ŭniviersitet u horadzie Medfard). Adukacyja tam z ulikam vydatkaŭ na žytło składaje kala 60 tysiač dalaraŭ u hod.

Arkadź maje z univiersitetam kantrakt na try hady. U dalejšym jon budzie šukać mahčymaść zaklučyć pažyćciovy kantrakt (tak zvany tenure). Jak tłumačyć Kirštejn, bolšaść stałych prafiesaraŭ znachodziacca na kantrakcie, ź jakoha nie mohuć zvolnić akramia jak za niejki kryminał. «Heta zroblena dla taho, kab najbolš stałyja prafiesary mahli pracavać nad navukovymi prablemami i nie chvalavacca za svajo žyćcio i zarobak».

Arkadź — daśledčyk u halinie matematyčnaha madelavańnia fizičnych i bijałahičnych pracesaŭ. Adna z halin jaho daśledavańniaŭ — madelavańnie rakavaj puchliny. Jaho vyličeńni u budučym pavinny dapamahčy prahnazavać chutkaść rostu puchliny.

«Pakul my pracujem ź niečym kštałtu siaredniaj tempieratury pa balnicy. Ale ruchajemsia, kab razumieć lepš, jak raście rak, što važniej dla peŭnaha vidu raku», — tłumačyć daśledčyk.

Kirštejn raspavioŭ, što navukovaja praca ŭ ZŠA istotna adroźnivajecca ad padobnaj pracy ŭ Biełarusi. Hałoŭnaje adroźnieńnie — finansavańnie: «Pamiery hrantaŭ, jakija tut možna atrymać, značna bolšyja. Va Uschodniaj Jeŭropie ŭvohule niama finansavańnia na takija dalokija płanavańni».

Arkadź Kirštejn ličyć, što ŭ bližejšyja sto hadoŭ štučny intelekt nie pakinie biez pracy matematykaŭ.

«Reč u tym, što ŭsie štučnyja intelekty zaraz pracujuć statystyčna. Naprykład, kali ja dam jamu chatniaje zadańnie pa niejkim składanym matematyčnym kursie, jon vydaść rašeńnie i, napeŭna, parazumnieje. Ale ŭ adnym vypadku ź dziesiaci heta rašeńnie budzie vielmi-vielmi dobrym, pastupovym, u im budzie ciažka znajści, što nie tak, ale nie pravilnym», — tłumačyć matematyk.

Arkadź taksama źjaŭlajecca suarhanizataram biełaruskich kulturnych imprez u Bostanie. Na muzyčnym fakultecie ŭniviersiteta biełarusy Bostana ładzili vystupleńni Marharyty Laŭčuk, Illi Silčukova, Źmiciera Vajciuškieviča.

Arkadź raspaviadaje, što dla jaho hodny biełarus — heta toj čałaviek, jaki maje «prahu i honar być biełarusam, aryjentavanaść na niešta čałavieckaje». «Paśla 2020 hoda biełarusy vielmi šmat danacili. Meta ich ciahnie danacić. U amierykancaŭ jość zvyčka danacić. A metu jany znachodziać».

Čytajcie jašče:

«Biełaruski vajb» — novy prajekt Alesia Čachoŭskaha

Biełaruskaja mastačka piša karciny pa viadomych knihach. Jość tvor i na apovieść «Pa što idzieš, voŭča?» 

Kamientary3

  • Andrej
    16.10.2023
    Šanoŭnaja redakcyja, źmianicie, kali łaska, "tenor"na "tenure" ŭ tekście - heta typo
  • JJ
    16.10.2023
    Maksim Bahdanovič - supierski chłopiec!
  • Vorša
    16.10.2023
    Vialiki dziakuj našym ziamlakam! Hodnuju sravu robicie!

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →