Śviet1818

U Polščy siońnia parłamienckija vybary i refierendum. Buduć hałasavać i pa źviazanym ź Biełaruśsiu pytańni

U Polščy siońnia prachodziać parłamienckija vybary i refierendum. Ad ich vyniku moža zaležać dalejšy kurs krainy ŭnutry ES i padtrymka Ukrainy.

Parłamienckija vybary ŭ Polščy, 15 kastryčka 2023 hoda. Fota: Omar Marques / Getty Images

Apošnija apytańni pakazvajuć, što kiroŭnaja partyja «Prava i spraviadlivaść» maje bolšuju padtrymku, čym lubaja inšaja partyja, ale niedastatkovuju dla taho, kab atrymać monabolšaść, piša «Jeŭrapiejskaja praŭda».

Pavodle apytańniaŭ, try apazicyjnyja partyi — «Hramadzianskaja płatforma», «Treci šlach» i «Levyja» — majuć krychu bolš vysoki ŭzrovień padtrymki, čym dziejnaja ŭłada, tamu mohuć razam atrymać bolšaść miescaŭ u novym Siejmie (233 mandaty pry minimalnaj bolšaści ŭ 231 mandat). Adnak hetyja ž raskłady śviedčać, što takaja kaalicyja budzie vielmi niaŭstojlivaj i zaležnaj ad kožnaha deputackaha hołasu.

«Supiernictva pamiž dźviuma hałoŭnymi palityčnymi siłami na hetych vybarach — heta kankurencyja archietypaŭ. Uvasableńnie Polščy libieralnaj, adkrytaj Jeŭropie i śvietu, z abmiežavanaj rolaj carkvy ŭ žyćci hramadstva — heta «Hramadzianskaja kaalicyja», kanhłamierat apazicyjnych partyj i hramadskich arhanizacyj pad kiraŭnictvam byłoha premjera Polščy i kiraŭnika Jeŭrapiejskaj Rady Donalda Tuska. Polšča kansiervatyŭnaja, katalickaja, jakaja čerpaje siłu sa svajoj samabytnaści, asudžanaja na viečnaje supraćstajańnie z Maskvoj i Bierlinam — heta karcina śvietu «Prava i spraviadlivaści» jašče adnaho byłoha premjera, Jarasłava Kačyńskaha», — piša Bi-bi-si.

«Intryha vybaraŭ u Polščy ŭ tym, što nivodnaja z palityčnych sił nie ŭ stanie samastojna stvaryć urad. Daviadziecca damaŭlacca i iści na kampramisy. Ale, jak pakazvaje praktyka prynamsi apošnich 20 hod, jaki b urad u Polščy ni kiravaŭ, panadpartyjnym kampramisam, jaki navat nie abmiarkoŭvaŭsia, była padtrymka demakratyčnaj Biełarusi i biełarusaŭ», — źviartaje ŭvahu «Radyjo Svaboda».

Niekatoryja nazyvajuć hetyja vybary samimi važnymi z 1989 hoda. Pierad imi prajšli dva vialikija apazicyjnyja maršy — u červieni i kastryčniku. Apošni sabraŭ da miljona ŭdzielnikaŭ.

Adnačasova z parłamienckimi vybarami prachodzić refierendum. Na jaho vyniesiena čatyry pytańni. Adno ź ich — ci treba likvidavać ścianu na biełaruska-polskaj miažy. Palaki taksama buduć hałasavać pa pytańniach ab prodažy dziaržaŭnaj majomaści zamiežnikam, pavyšeńni piensijnaha ŭzrostu da 67 hadoŭ dla mužčyn i žančyn i dopusku nielehalnych imihrantaŭ ź Blizkaha Uschodu i Afryki.

Kamientary18

  • Pavieł
    15.10.2023
    Only business, Polšča ni z čyjej "ruki" nia kormicca, a tym bolš ź niamieckaj. Jeŭraźviaz dahetul nie zapłaciŭ Polščy hrošy na postkavidnuju adbudovu ekanomiki, chacia inšyja krainy ich daŭno atrymali, i šmat jakich jašče vypłat. Što tyčycca Tuska, to jahonnaja Płatforma Obywatelska šybčej nie prajeŭrapiejskaja partyja a praniamieckaja. Kali Płatforma była pry uładzie, to pasłuchmiana vykonvała usie zahady ź Bierlina, a sam Tusk byŭ lepšym siabram Mierkiel. A ciapier niamieckija palityki i ŹMI aktyŭna umiešvajucca va unutrannyja spravy Polšy, sprabujuć paupłyvać na vyniki vybaraŭ, ahitujuć za Płatformu.
  • Ejuja
    15.10.2023
    Only business, šanoŭny nie ŭ kursie, što Hiermanija da apošniaha błakiravała ŭstupleńnie Ukrainy ŭ NATA, zaviazvpła svaju ekanomiku i ekanomiku ES na rasijskija resursy, a dva niamieckich kanclera pracujuć na rasiejskija kantory. Možna jašče biaskonca pieraličvać, ale niama času. Čamu tak adbyvałasia, tamu što Hiermanii, jak i Francyi vyhadnaje isnavańnie RF i padzieł Jeŭropy na zony ŭpłyvu. U hetym jany byli sajuźniki, adzin adnamu padyhryvali. Faktyčna, Hiermanija vyraściła Pucina i dała jamu instrumienty ŭpłyvu, u zamien na biznes, rescrsy i mirnaje isnavańnie. U hety zamien Hiermanija addavała Pucinu Ukrainu i Biełaruś, a sabie zabirała prybałtyku i krainy Varšaŭskaj damovy. Vajna va Ukrainie trochu sapsavała płany. Palaki heta viedajuć i nie žadajuć być raźmiennaj manietaj. Voś i ŭsio.
  • Nothing Personal
    15.10.2023
    Only business, moža havorka pra vykanańnie roznych patrabavańniaŭ ES, kštałtu pryjomu musulmanskich mihrantaŭ

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu4

Kamała Charys zaručyłasia davieram usich lidaraŭ Demakratyčnaj partyi1

Kamału Charys užo padtrymali Klintany, Abama maŭčyć

Jak apytańni aceńvajuć šansy Kamały Charys pieramahčy Donalda Trampa na vybarach u ZŠA1

Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj9

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena8

Miž tym u Bajdena navat hałava nie tresłasia28

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →