Hramadstva2121

Biełarusy raskazvajuć, jak polskija konsulstvy admaŭlajuć im u vizach

Z 4 vieraśnia ŭ biełarusaŭ znoŭ źjaviłasia mahčymaść atrymlivać turystyčnyja vizy ŭ Polšču. Vizavyja ahienctvy kažuć, što z hetaha ž dnia pajšli admovy ŭ vydačy viz, pryčym nie tolki turystyčnych. «Miedyjazona» sabrała historyi biełarusaŭ, jakim admovili — što im adkazvali vizavyja centry i jak aceńvajuć situacyju ahienctvy, jakija zajmajucca afarmleńniem dakumientaŭ dla viz.

«Chodziać čutki, što chutka turystyčnyja vizy prykryjuć»

Z 4 vieraśnia biełarusy znoŭ mohuć zapisvacca na polskuju turystyčnuju vizu. Polšča prypyniła vydaču hetaha typu viz dla biełarusaŭ z pačatku pandemii ŭ 2020 hodzie. U dakavidnyja časy ŭ palakaŭ lohka možna było atrymać turystyčnuju vizu na 3-5 hadoŭ. Paśla adnaho razavaha polskaha turystyčnaha «šenhiena» ŭ pašparcie nastupnaja viza była na hod, potym na try, i paśla možna było atrymać piacihadovuju vizu. Tamu navina ab viartańni turystyčnych viz vyklikała vialikuju cikavaść.

Anastasija ź Pinska źbirałasia pryjechać na paru dzion u Poznań pa turystyčnaj vizie. U siaredzinie vieraśnia padałasia na vizu, pierad hetym zabraniravała chosteł. Ale 28 vieraśnia dziaŭčynie pryjšła admova: praz «nieadpaviednaść zajaŭlenaj mecie».

— Usim, chto padavaŭsia da 20 vieraśnia na turyzm, — admovy. 90% [zajavak] — admovy niezaležna ad vizavaj historyi i dachodu. Paśla 20 vieraśnia [ambasady] stali patrabavać maršrutnyja listy, kvitki na mierapryjemstvy, — raspaviadaje Anastasija sa svaich nazirańniaŭ pa tematyčnych čatach, dzie dapamahajuć z łoŭlaj dat na padaču abo składańniem apielacyi na admovu.

Viktoryja płanavała źjeździć na adpačynak u polskija Tatry. Zabraniravała hateli: na 4 dni ŭ Varšavie, 7 dzion u Krakavie i 9 dzion u Zakapane. Da zajavy na vizu prykłała bankaŭskuju vypisku za 3 miesiacy i reštu na rachunku — 1000$, paśviedčańnie ab rehistracyi IP i dekłaracyju za 6 miesiacaŭ. Biełaruscy pryjšła admova praz «adsutnaść paćvierdžańnia mety znachodžańnia».

U adnym sa staličnych vizavych ahienctvaŭ «Miedyjazonie» paćvierdzili, što tendencyja admovaŭ pa turvizach dla biełarusaŭ jość:

— 4 vieraśnia, jak adkrylisia słoty na turystyčnuju vizu, adrazu pajšli admovy. Admovaŭ vielmi šmat. A kali kamu i ŭchvalajuć, to na razavuju pajezdku. Takoj chalavy, jak była ŭ 2019 hodzie, užo nie budzie. Dachodziać čutki, što chutka turystyčnyja vizy prykryjuć.

Padobnaja historyja była ŭ Andreja z Hrodna: jon padaŭ dakumienty na turystyčnuju vizu ŭ hrodzienski vizavy centr. Z paćvierdžańniaŭ pajezdki ŭ biełarusa byli kvitki da Varšavy i nazad, zabraniravany hatel na 5 dzion. U kancy vieraśnia jamu pryjšła admova praz «nieadpaviednaść zajaŭlenaj mecie».

«Admovy byli i da skandału ŭ Polščy»

7 vieraśnia stała viadoma, što ŭ polskim MZS prachodzić pravierka praz zanadta vialikuju kolkaść vydadzienych zamiežnikam viz. Polskija ŚMI pisali pra karupcyjnyja schiemy, źviazanyja z vydačaj polskich viz zamiežnikam z krain Afryki i Blizkaha Uschodu. Tady polskija deputaty zajavili, što z parušeńniem praviłaŭ za try hady mahli vydać 350 tysiač viz. Firmy-pasiaredniki dapamahali abychodzić vizavyja pravierki, košt takoj «harantyi» — 4-5 tysiač dalaraŭ. MZS Polščy źbirajecca razarvać kantrakty ź firmami, jakija dapamahajuć ź vizami i byli zamiašanyja ŭ karupcyjnaj schiemie, ale pakul nieviadoma, ci zakranie rašeńnie VFS Global u Biełarusi.

Biełaruskija vizavyja ahienctvy raspaviali «Miedyjazonie», što hety kanflikt paŭpłyvaŭ na vydaču nie tolki turystyčnych viz. Naprykład, Viktoryja z Hrodzienskaj vobłaści vučyłasia ŭ polskaj VNU, ale paśla pieršaha siemiestra zabrała dakumienty i pastupiła ŭ inšuju polskuju VNU.

Biełaruska padałasia na studenckuju vizu, prykłała daviedku pra pastupleńnie, bankaŭskuju vypisku i astatnija dakumienty, jakija patrabuje vizavy centr. Adnak joj u kancy vieraśnia pryjšła admova ab vydačy vizy praz «sumnievy ŭ dakładnaści zajaŭlenaj mety znachodžańnia».

— Admovy byli i da skandału ŭ Polščy. Ale ciapier admovy staviać, niahledziačy na apłačanyja broni haścinic. Pa dziełavych metach i raniej byli admovy, nie taki vialiki pracent, ale byli. Pa inšych metach — redkaść, — raspaviali «Miedyjazonie» jašče ŭ vizavym ahienctvie.

Padobnaja situacyja sa studenckaj vizaj była ŭ Vitalii. Dziaŭčyna padavałasia ŭ Baranavičach i atrymała admovu praz «niepaćvierdžańnie mety znachodžańnia». Charakterna, što ŭ biełaruski da hetaha ŭžo byli dźvie hadavyja studenckija vizy.

Admovu pa PBH-vizie atrymała siamja Stanisłava ź Minska — jon atrymaŭ takuju vizu ŭ listapadzie, ale pierajezd siamji ŭ Polšču zaciahnuŭsia i blizkija padalisia na vizu ŭ kancy lipienia ŭ bresckaje konsulstva.

— U pačatku žniŭnia atrymali admovu pa punkcie «nie abhruntavanaja meta abo ŭmovy znachodžańnia» za podpisam ministra. Miarkujučy pa ŭsim, konsuł pieranakiroŭvaje papiery ŭ Varšavu ŭ vypadku sumnievaŭ. Usie, z kim ja mieŭ znosiny (u tym liku «pamočniki na zapis»), pra admovy ŭ takich kiejsach nie čuli.

Stanisłaŭ padaŭ apielacyju ŭ konsulstva na pierahlad rašeńnia i spravu vyjhraŭ. Konsuł uchvaliŭ vizy dla siamji minčuka.

«Dafiha biełarusaŭ jeździć»

Admovy pa turystyčnych vizach prychodziać nie tolki ad polskaha konsulstva. Minčuk Pavieł niadaŭna praz turfirmu chacieŭ zrabić sabie vizu ŭ Hrecyju. Turfirma zajmałasia braniravańniem miescaŭ u hateli, apłataj pierajezdu i pieralotu. U kancy vieraśnia pryjšła admova: «abhruntavańnie mety i ŭmoŭ znachodžańnia nie byli padadzienyja» i «infarmacyja pra metu i ŭmovy znachodžańnia nie nadziejnaja».

— Ale ŭ turfirmie papiaredžvali, što bieź miesca pracy aficyjnaha abo IP mohuć nie dać. I na padačy dokaŭ pytalisia heta ž, — kaža Pavieł.

Hanna ź Minska raspaviała, što admovu atrymała ŭsia hrupa — kampanija płanavała pajechać na ekskursiju ŭ Paryž u kastryčniku. Dakumienty afarmlała turfirma. U kancy biełarusam paviedamili, što pajezdki nie budzie — konsulstva Francyi nie pryniało dakumienty na vizy.

— Turahienctva skazała, što im u ambasadzie nibyta skazali, što dafiha biełarusaŭ jeździć. Ja nie viedaju, što za admazka takaja dziŭnaja. Nam prapanavali pierazapisacca na studzień, — raspaviała Hanna.

— My nie bačym usioj karciny pa ŭsich ahienctvach i asabistych padačach zajaŭnikaŭ. Admovy zaŭsiody byli, i za apošnija paŭtara miesiaca, pa našaj subjektyŭnaj acency, pačaścilisia pa Polščy, — prakamientavali «Miedyazonie» situacyju jašče ŭ adnym bujnym vizavym ahienctvie.

Kamientary21

  • Versus in the rain
    15.10.2023
    Ja sčitaju vsio spraviedlivo.
    Vy dołžny postradať.
    Vsie, kto ujechał iz Biełarusi so słovami, čto v Biełarusi bjut, ubivajut i nasiłujut - tiepieŕ piervymi kričat viezdie, čto Palestinu nužno sravniať s ziemloj. A čiem vy łučšie Palestiny? Počiemu koho-to možno rovniať s ziemloj, a vas niet? Tak čto dyšitie rovno: nienavisť i złoba vozvraŝajetsia k vam bumieranhom.
  • rom
    15.10.2023
    a potym jany vsie udziulajucca,,,, jak tak... biełarusy usie u rasiju jezdiať i na kancerty Lepsa chodiať
    nu bo sasiedzi źleva pakazali svaju "lubou"))
    i k ukraincam takija ž adnosiny! jašče i chuže,,,
    i jak vy chočajet intehravacca u ES???

  • Only business
    15.10.2023
    U panoŭ vybary, tamu zamiest realnaha zmahańnia z karupcyjaj, im zaraz treba pakazać svaju značnaść i bačnaść dziejnaści, a jak vybary prajduć, to mabyć znoŭ zapuściać schiemu kab abychodzić vizavyja pravierki za 4-5 tysiač dalaraŭ. Dziakujučy hetaj schiemie było vydadziena bolej za 350 tys. viz (ahulnaja suma niezakonna atrymanych takim čynam hrošaj užo pieravyšaje 1.5 miljarda), to bok zaraz mabyć užo niekatoryja supracoŭniki polskaha MZS źjaŭlajucca multymiljanierami. I nikoha nie zvolnili z-za takoj karupcyjnaj schiemy na miłljard. I jašče, u Polšču pierajechała niekalki sotniaŭ tysiač biełarusaŭ, a ciapier svajaki nie mohuć atrymać turystyčnaja vizy kab ich naviedać.

18-hadovaha chłopca z Bychava sudziać za «zdradu dziaržavie»3

18-hadovaha chłopca z Bychava sudziać za «zdradu dziaržavie»

Usie naviny →
Usie naviny

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel1

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask20

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

bolš čytanych navin
bolš łajkanych navin

18-hadovaha chłopca z Bychava sudziać za «zdradu dziaržavie»3

18-hadovaha chłopca z Bychava sudziać za «zdradu dziaržavie»

Hałoŭnaje
Usie naviny →