Prezident Barak Abama pryabdymaje Łuizu Hluk pierad uručeńniem joj Nacyjanalnaha humanitarnaha miedala za 2015 hod padčas cyrymonii ŭ Biełym domie ŭ Vašynhtonie 22 vieraśnia 2016 hoda. Fota: Carolyn Kaster / AP

Prezident Barak Abama pryabdymaje Łuizu Hluk pierad uručeńniem joj Nacyjanalnaha humanitarnaha miedala za 2015 hod padčas cyrymonii ŭ Biełym domie ŭ Vašynhtonie 22 vieraśnia 2016 hoda. Fota: Carolyn Kaster / AP

Va ŭzroście 80 hadoŭ pamierła amierykanskaja paetka Łuiza Hluk, łaŭreatka Nobieleŭskaj premii pa litaratury 2020 hoda.

Jana pamierła ŭ svaim domie ŭ Kiembrydžy (štat Masačusiets). Apošnija hady jana pakutavała ad ciažkaha zachvorvańnia. Pra śmierć Hluk paviedamiŭ Džonatan Hałasi, jaje redaktar u vydaviectvie Farrar, Straus & Giroux.

Łuiza Hluk naradziłasia ŭ siamji jaŭrejskich vychadcaŭ z Rasijskaj impieryi i Aŭstra-Vienhryi. Vučyłasia ŭ kaledžy Sary Łoŭrens i ŭ Kałumbijskim univiersitecie. Vykładała anhlijskuju movu ŭ kaledžy Uiljamsa ŭ Uiljamstaŭnie (Masačusiets), u Jelskim, Bostanskim i Ajoŭskim univiersitetach.

Była aŭtarkaj bolš za 20 knih vieršaŭ i ese.

Łuiza Hluk była plamieńnicaj amierykanskaha ekanamista Sajmana Kuźniaca, jaki naradziŭsia ŭ Pinsku ŭ 1901 hodzie. U 1910-m jahony baćka Abram praviarnuŭ vialikuju finasavuju afieru i źbieh u Amieryku. U 1971 hodzie Sajman Kuźniec atrymaŭ Nobieleŭskuju premiju pa ekanomicy, staŭšy pieršym uradžencam Biełarusi, jaki atrymaŭ Nobiela.

Клас
0
Панылы сорам
1
Ха-ха
2
Ого
5
Сумна
19
Абуральна
0