Fota: «Naša Niva»

Fota: «Naša Niva»

14 kastryčnika pravasłaŭnyja, što trymajucca julijanskaha kalendara, śviatkujuć Pakroŭ Najśviaciejšaj Baharodzicy.

Pakroŭ ušanoŭvajuć tolki chryścijanie ŭschodniaj tradycyi i pieravažna na ŭschodniesłavianskich ziemlach.

Kataliki łacinskaha abradu hetaha śviata ŭ svaim kalendary nie majuć. Hreki pierastali jaho śviatkavać u XV stahodździ.

Asnovaj śviata ličycca źjaŭleńnie ŭ 910 hodzie Baharodzicy śviatomu Andreju, dziela Chrysta bažavolnamu, va Ułachiernskim chramie Najśviaciejšaj Baharodzicy ŭ Kanstancinopali.

Padčas malebnu za ŭratavańnie stalicy Vizantyi ad jazyčnikaŭ, jakija abłažyli horad, śviaty Andrej i jahony vučań Epifan ubačyli Dzievu Maryju, jakaja razharnuła nad viernikami biełuju chustku (amafor). Zastupnictva dapamahło — vorahi adstupili. Pakroŭ-amafor staŭ simvałam zastupnictva i apieki Božaj Maci nad ludźmi.

«Axini nas pačesnym pakrovam Tvaim, axavaj nas ad usiaho błahoha i mali Syna Tvajho, Xrysta Boha našaha, zbavić dušy našy», — prosiać Baharodzicu chryścijanie padčas śviatočnaj liturhii.

Клас
12
Панылы сорам
4
Ха-ха
0
Ого
2
Сумна
0
Абуральна
1