Hramadstva1414

Łukašenkaŭcy nazyvajuć foty zabitych CHAMAS dziaciej fejkam, dakazvajuć heta zhienieravanym ščaniukom

Nianaviść da Zachadu splatajecca z antysiemityzmam i biełarusafobijaj u novych dopisach łukašenkaŭskich prapahandystaŭ.

Uvaha! U skrynšotach dopisaŭ dalej pa tekście ŭtrymlivajucca fota abharełaha cieła. Kali vy nie hatovyja heta bačyć, kali łaska, nie čytajcie hety tekst.

Adny prapahandysty kažuć pra «hienietyčnuju schilnaść da kryŭd» u jaŭrejaŭ, druhija ŭbačyli «adsutnaść pravoŭ čałavieka» pry dziejańniach u adkaz z boku Izraila u dačynieńni da CHAMAS, a trecija znajšli «simvał skančeńnia epochi kalektyŭnaha chipstara» u masavaj bojni izrailcian na muzyčnym fiestyvali kala siektara Haza.

Znajšlisia i tyja, chto adkapaŭ u internecie fota ščaniuka i dakazvaŭ, što nasamreč jaŭrejskich dziaciej paleścincy nie zabivali.

Ananimnyja karystalniki bujnych internet-płatform 4chan i Reddit niadaŭna napisali pra toje, što fatahrafii zabitych i spalenych terarystami CHAMAS izrailskich dziaciej źjaŭlajucca fejkavymi. Dakazać heta jany pasprabavali fatahrafijaj ščaniuka, jakuju vydajuć za aryhinalnaje fota bieź ličbavych umiašańniaŭ. Fota: 4chan / Reddit

«A potym raskažycie, što vam u Biełarusi žyć chranova»

Prapahandyst Ihar Tur na fonie padziej u Izraili vyrašyŭ parazmaŭlać z «viadomym jaŭrejem ź Biełarusi», jaki pa sumiaščalnictvie źjaŭlajecca jaho «ideałahičnym apanientam», i parazvažać na temu kryŭdlivaści izrailcian.

Abodva pryjšli da mierkavańnia, što jaŭrei nibyta «schilnyja macniej za inšyja narody kryŭdzicca na abrazy pa nacyjanalnaj prykmiecie», bo heta abumoŭlena «ich hienietykaj».

— Śmieju zaŭvažyć, što jaŭrei na žarty i abrazy pa nacyjanalnaj prykmiecie reahujuć kudy bolš baluča, čym inšyja nacyjanalnaści.

— Heta ŭ ich hienietyčna. Vy viedajecie jakuju-niebudź inšuju nacyju, jakuju, naprykład, u carskaj Rasii, urezali ŭ pravach i adsialili ŭ hieta?

— Tak, ale hienietyčnaja kryŭdlivaść jaŭrejaŭ časta pierakładajecca na tych, chto ich abražaje. Heta tak sabie ŭ płanie racyjanalnaści i spraviadlivaści.

Ideołah Alaksiej Dzierman u svaju čarhu nie staŭ analizavać hienietyku, a šukaje znaki i sensy ŭ tym, što adbyvajecca ŭ Izraili. 

U svaich pošukach jon pryjšoŭ da vysnovy, što masavyja rastreły i katavańni naviedvalnikaŭ muzyčnaha fiestyvalu pobač ź siektaram Haza źjaŭlajucca «svojeasablivym simvałam kanca chipstarskaj epochi».

A Alaksandru Špakoŭskamu nie spadabałasia toje, što palityčnyja represii ŭ Biełarusi asudžajuć i krytykujuć, u adroźnieńnie ad izrailskich bambardzirovak Hazy.

Pry hetym bambiožki ŭkrainskich haradoŭ rasijskaj armijaj, u tym liku z terytoryi Biełarusi, jak heta było napačatku vajny, Špakoŭski złačynstvam nie nazyvaje. Nu i pra toje, što Izrail hety raz paciarpieŭ napad pieršym, Špakoŭski taksama nie zhadvaje.

U toj ža čas prapahadyst Ryhor Azaronak aburyŭsia žorstkaściu zatrymańnia bajevikoŭ CHAMAS, ad ruk jakich zahinuła bolš za 1300 izrailcian. 

Ën taksama ŭspaminaje pra mižnarodnyja kanviencyi, a jašče vykazvaje dumku, što rasstreły rasijanami ŭkraincaŭ u Bučy blaknuć na ​​fonie razbureńniaŭ u paleścinskaj Hazie. 

A telehram-kanały «Biełaruski siłavik» i «Žoŭtyja źlivy» admaŭlajuć sam fakt zabojstvaŭ izrailskich dziaciej bajevikami CHAMAS i nazyvajuć fejkavymi foty, jakija dniami vykłali aficyjnyja resursy ŭrada Izraila.

Dla hetaha prapahandysty pościać paraŭnalnyja foty zabitaha dziciaci i ščaniuka, zdymak jakoha byŭ niadaŭna apublikavany nieviadomymi na internet-płatformach 4chan i Reddit. Apošniaje fota ŭ dačynieńni da pieršaha vystaŭlajuć u jakaści aryhinała.

Ich dopisy pad kapirku pieradrukavali bolš drobnyja kanały, u tym liku Volha Bondarava.

Uvaha! U skrynšotach dopisaŭ utrymlivajucca fota abharełaha cieła. 

Ale ci sapraŭdny sam ščaniuk? Pierad tym, jak znajści adkaz na hetaje pytańnie, my spačatku vyrašyli pravieryć na ličbavyja ŭmiašańni aficyjnyja zdymki, jakija niadaŭna byli vykładzienyja uradam Izraila.

Dla hetaha my vykarystali papularny internet-servis AI or Not, jaki vyznačaje, ci zroblena vyjava pry damapozie štučnaha intelektu. Vyniki akazalisia admoŭnymi, servis paličyŭ aficyjnyja zdymki za sapraŭdnyja.

Aściarožna! Žorstkija foty.

Skrynšoty pravierak fota na zhienieravanaść niejrasietkami. Vyniki admoŭnyja, foty zrobleny ludźmi. Krynica: AI or Not

Što da fota ščaniuka, to jaho vyvučeńniem niadaŭna zaniaŭsia internet-partał Arlington Post. Pry dapamozie analizu ŭzroŭniu pamyłak (Error Level Analysis, ELA) było vyznačana, što fatahrafija sabaki demanstruje vidavočnyja prykmiety ličbavych manipulacyj, a taksama maje nievialikija anamalii va ŭzroŭniach ściskańnia, šumu i rezkaści vyjavy. 

Pry hetym aryhinalnaje fota z achviaraj CHAMAS, pa vynikach analizu, źjaŭlajecca niekranutym i sapraŭdnym.

Arlington Post pierad analizam taksama adznačyŭ, što zvyčajnyja servisy pa vyjaŭleńni ličbavych albo niejrasietkavych umiašańniaŭ u foty mohuć časta pamylacca pry analizie spalenych abjektaŭ na zdymkach i vyznačać ich u jakaści štučnych.

Akramia taho, pad publikacyjaj sa ščaniukom na internet-płatformie Reddit bolšaść karystalnikaŭ taksama vykazała sumnieŭ u praŭdapadabienstvie sabaki i źviarnuła ŭvahu na niekatoryja vizualnyja anamalii žyvioły.

«Sabaka bolš vyhladaje namalavanym, čym pieršaja vyjava. Pahladzicie na jaho levaje plačo, vyhladaje tak, byccam jon, jak čałaviek, padkłaŭ levuju ruku pad hałavu ŭ jakaści paduški. Ja, kaniešnie, nie ekśpiert, ale nie dumaju, što ŭ sabak z takoj afarboŭkaj byvajuć błakitnyja vočy. Addaje štučnym intelektam značna macniej, čym na pieršapačatkovym fota», — piša adzin z karystalnikaŭ Reddit pad publikacyjaj sa ščaniukom, jakuju vydajuć za aryhinał.

Sama publikacyja ŭžo vydalena z płatformy.

Reakcyi karystalnikaŭ pad publikacyjaj ź niesapraŭdnym ščaniukom na internet-płatformie Reddit
Fota ščaniuka, jakoje padavałasia nienazvanymi aŭtarami ŭ jakaści aryhinała zamiest zdymkaŭ zabitych CHAMAS izrailskich dziaciej

Nahadajem, što heta nie pieršyja reakcyi łukašenkaŭskaj prapahandy na napad paleścincaŭ na Izrail. «Minskaja praŭda» zaklikała ŭzarvać atamnuju bombu nad Izrailem, a ŭvarvańnie CHAMAS u Izrail nazyvałasia «pieramohaj Maskvy i Minska». 

Hetuju kałonku zaŭvažyli centralnyja izrailskija miedyja. Jany adhuknulisia na antyizrailskuju rytoryku «Žoŭtych źlivaŭ».

«Naša Niva» — bastyjon biełaruščyny

PADTRYMAĆ

Kamientary14

  • Jany chvoryja j varjackija
    14.10.2023
    Prapahandysty Łukašenki novyja nacysty hetaha stahodździa j dzieci Giebielsa. Ichnyja jazyki čornyja ad paliru maskalskich botaŭ, jakija jany ablizvajuć. Ichnaja nianaviść da praŭdy, da svabody, da biełarusaŭ, da habrejaŭ i da mnohich inšych maje psychapatyčny j sacyjapatyčny charaktar. Ichnaje taksyčnaje śmiećcie, jakoje pachnie hnojem, nie patrebna Biełarusi j śvietu.
  • Oleh
    14.10.2023
    [Red. vydalena]
  • Hańba
    15.10.2023
    Budzie "śviata" i na vulicy łukašysckich kišennych antysiemitaŭ.

Padaje kurs dalara — čamu tak?6

Padaje kurs dalara — čamu tak?

Usie naviny →
Usie naviny

Zvarot Bajdena da nacyi nahadvaŭ pachavalny marš — Bild

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu9

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

bolš čytanych navin
bolš łajkanych navin

Padaje kurs dalara — čamu tak?6

Padaje kurs dalara — čamu tak?

Hałoŭnaje
Usie naviny →