Troje vychadcaŭ ź Biełarusi zahinuli ŭ Izraili, jašče adzin biełarus prapaŭ bieź viestak — MZS
Troje vychadcaŭ ź Biełarusi zahinuli ŭ Izraili. Ab hetym zajaviŭ žurnalistam Nadzvyčajny i Paŭnamocny Pasoł Biełarusi ŭ Izraili Jaŭhien Varabjoŭ, pieradaje BIEŁTA.
«Na žal, vymušany paviedamić novuju infarmacyju: ustanoŭlena, što pry trahičnych abstavinach zahinuli troje vychadcaŭ z našaj krainy», — skazaŭ pasoł.
Jašče adzin z hramadzian Biełarusi ličycca ŭ śpisie źnikłych. «Jaho los nie ŭstanoŭleny. Va ŭzajemadziejańni ź Interpałam i izrailskimi siłavymi viedamstvami my pracujem nad vyśviatleńniem jaho losu». i ad usioj dušy spadziajemsia na lepšaje», — paviedamiŭ dypłamat.
Imionaŭ pasoł nie nazvaŭ.
Pavodle jaho, za apošnija dni pa telefonach ekstrannaj suviazi ŭ biełaruskuju ambasadu źviarnulisia bolš za 500 čałaviek.
Raniej stała viadoma, što Vital Karasik, uradženiec Mahilova, zahinuŭ u vyniku ataki bajcoŭ CHAMAS na pamiežnyja rajony na poŭdni habrejskaj dziaržavy. 11 kastryčnika taksama stała viadoma pra hibiel 25-hadovaj uradženki Rečycy Aleny Astapienka, jakaja słužyła ŭ palicyi i zahinuła ŭ bai z bajevikami CHAMAS.
-
U žodzinskaj paliklinicy abviarhajuć, što ŭ ich u rehistratury pamior mužčyna
-
Biełarus, jaki haładaŭ u Kłajpiedzie z-za niemahčymaści vyvieźci aŭtamabil, ciapier pratestuje za akijanam
-
U Hrodnie ŭvadnačas zakryli pałovu kijoskaŭ, dzie možna nabyć kvitki na hramadski transpart. U aŭtaparku prablemy nie bačać
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary