Hramadstva1919

Siłaviki patłumačyli, kamu dazvalajuć adkupicca za danaty. Sumy kampiensacyj dla niekatorych kaśmičnyja

Orhany praciahvajuć pieraśled tych, chto pieravodziŭ hrošy ŭ fondy salidarnaści z achviarami represij ci padtrymlivaŭ rublom pratesnyja inicyjatyvy. 

Palitviazień Alaksandr Zijazetdzinaŭ, zatrymany za danaty, i prapahandyst ANT Alaksiej Krakvin. Skryn videa ANT

Pra hetu praktyku i zatrymanych raskazali ŭ siužecie ANT.

Pa słovach Uładzisłava Łaryjonava, načalnika adździeła Departamienta finansavych rasśledavańniaŭ Kamiteta dziaržkantrolu, DFR razam z SK za pieršaje paŭhodździe 2023 hoda vyjaviŭ 70 złačynstvaŭ, źviazanych ź finansavańniem ekstremisckaj dziejnaści, i 6 złačynstvaŭ, źviazanych ź finansavańniem terarystyčnaj dziejnaści.

«Nie maje značeńnia, kali niejkaje abjadnańnie hramadzian pryznana ekstremisckim ci terarystyčnym. Pryznańnie ich takimi — heta padviadzieńnie rysy pad ich dziejnaściu, a nie adpraŭny punkt dla mahčymaści kvalifikacyi dziejańniaŭ asob, jakija ich spansujuć», — patłumačyŭ jon łohiku, jakoj kirujucca siłavyja orhany, faktyčna paćviardžajučy, što prymianiajuć zakon zadnim čysłom.

Uładzisłaŭ Łaryjonaŭ, načalnik adździeła Departamienta finansavych rasśledavańniaŭ Kamiteta dziaržkantrolu. Skryn videa ANT

Ale niekatorych hatovy vyzvalić ad kryminalnaj adkaznaści. Naprykład, tych, chto zrabiŭ danat adnarazova i aktyŭna raskajaŭsia.

Jak viadoma z historyj tych, kaho vyklikali ŭ orhany na tłumačeńnie za danaty, minimalnaja suma kampiensacyi — 500 ci 1000 dalaraŭ. Kali ž čałaviek pieravodziŭ fondam salidarnaści značnuju sumu, to kampiensacyju zvyčajna prosiać u 10-kratnym pamiery. Časam sumy kaśmičnyja.

U siužecie ANT raskazvajuć pra Antona Fiedarenku. U jakaści kampiensacyi jamu daviałosia pieraličyć u dziciačy fond chvorych ankałohijaj 60 tysiač dalaraŭ.

Na ANT kažuć, što časta takija «adkupnyja» iduć RNPC dziciačaj ankałohii, hiematałohii i imunałohii.

U siužecie pakazvajucca taksama niekalki čałaviek, užo asudžanych za danaty da pazbaŭleńnia voli. Adzin ź ich — Alaksandr Fikaŭ, kandydat techničnych navuk, dacent, były prarektar pa navukovaj i mietadyčnaj rabocie «Haz-Instytuta». Jon pieravodziŭ kryptavalutu na rachunak «Bajsoł». Mužčynu zatrymali zimoj 2023-ha i asudzili za finansavańnie ekstremisckaj dziejnaści (termin nie nazyvajecca).

Asudžany za danaty Alaksandr Fikaŭ. Skryn videa ANT

Prahramista ź Minska Alaksandra Zijazetdzinava vinavacili ŭ danatach kryptavalutaj roznym inicyjatyvam — «Kibierpartyzanam», «MotolkoPomohi», «Bajsoł», «Bajpoł». Zatrymali letaś, dali 3 hady kałonii. A ciapier prapanujuć adkupicca.

U siužecie raskazvajecca, što mužčyna dla hetaha abmianiaŭ 31 bitkoin i zaličyŭ sumu na rachunki miedustanoŭ, a taksama padaŭ chadajnictva ab pamiłavańni. Ciapier adzin bitkoin kaštuje 25 tysiač dalaraŭ.

Čytajcie taksama:

Kaho sadziać za danaty, a kamu dazvalajuć adkupicca. Voś jakaja łohika

Kamientary19

  • Majkł Džiekson
    11.10.2023
    On čto s biełorusskich birž donatił tuda ? Ili za čto to druhoje vziali a tam užie v tielefonie našli?
  • Ihoŕ Ivanovič
    11.10.2023
    Donaty v karman fond piervoho tožie budut sčitaťsia ekstriemistskimi? Jeho žie možno žie priznať takovym zadnim čisłom, jeśli čto.
  • a sud́ji kto?
    11.10.2023
    Nie maje značeńnia, kali niejkaje abjadnańnie hramadzian pryznana ekstremisckim ci terarystyčnym.
    ****************************
    Fiejeričnyj kommientarij DFR. Otkryvajem Konstituciju Staťja 104 - Zakon nie imiejet obratnoj siły, za isklučienijem słučajev, kohda on śmiahčajet ili otmieniajet otvietstviennosť hraždan. Po faktu DFR, prokuratura i sud́ji vyniesšije obvinitielnyj prihovor po takim diełam sovieršili priestuplenije i narušili Konstituciju. A vied́ pridiotsia otviečať, nikto nie zabudiet i nie zabył. 

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ2

Zamach na Donalda Trampa płanavaŭ Iran — CNN11

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami30

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →