Śviet1111

Zialenski ci Arastovič? Kamu najbolš daviarajuć ukraincy? Źjaviŭsia novy rejtynh

Uzbrojenyja siły Ukrainy ŭznačalvajuć rejtynh davieru da instytutaŭ siarod nasielnictva, na 7-m miescy — prezident. Ale Uładzimir Zialenski ŭznačaliŭ rejtynh palitykaŭ, hramadskich dziejačaŭ i inšych. Vyniki sacyjałahičnaha apytańnia, praviedzienaha z 21 pa 27 vieraśnia sacyjałahičnaj słužbaj Centra Razumkova, publikuje «UP».

Chłopčyk razmachvaje ŭkrainskim ściaham, kali bronietransparcior ukrainskaj armii nakiroŭvajecca da Bachmuckaj linii frontu ŭ Słaviansku, 27 červienia 2023 h. Fota: Celestino Arce NurPhoto via Getty Images

Siarod dziaržaŭnych i hramadskich instytutaŭ čaściej za ŭsio davier vykazvajecca da ŭzbrojenych sił (im daviarajuć 93% apytanych), dobraachvotnickich atradaŭ (85%), vałanciorskich arhanizacyj (84%), Dziaržaŭnaj słužby pa nadzvyčajnych situacyjach (83%), Nacyjanalnaj hvardyi (81%), Dziaržaŭnaj pamiežnaj słužby (76,5%), prezidenta (72%), Ministerstva abarony (71%), Słužby biaśpieki Ukrainy (66%), hramadskich arhanizacyj (60,5%), Carkvy (59%), Nacyjanalnaj palicyi Ukrainy (57%), kiraŭnika horada (pasiołka, vioski), u jakim žyvie respandent (54%).

Čaściej vyjaŭlajecca davier, čym niedavier, da Rady horada (pasiołka, vioski), u jakim žyvie respandent (adpaviedna 49% i 41%), da ŭkrainskich ŚMI (adpaviedna 47% i 43%), da Nacyjanalnaha banka (adpaviedna 46% i 42%), da ŭpaŭnavažanaha Viarchoŭnaj Rady pa pravach čałavieka (adpaviedna 44% i 31%). 

Bolšaść respandentaŭ vykazvajuć niedavier palityčnym partyjam (nie daviarajuć 74%), čynoŭnikam (72%), sudovaj sistemie (70%), Viarchoŭnaj Radzie Ukrainy (64%), prakuratury (61%), uradu Ukrainy (60%), kamiercyjnym bankam (59%), Nacyjanalnamu antykarupcyjnamu biuro (53%), śpiecyjalizavanaj antykarupcyjnaj prakuratury (52%), Nacyjanalnamu ahienctvu pa pytańniach praduchileńnia karupcyi (52%). 

Taksama čaściej vykazvajecca niedavier, čym davier, prafsajuzam (nie daviarajuć im 46%, tady jak daviarajuć — 25%). 

Palityčnaja siła, jakoj možna davieryć uładu ŭ paślavajenny pieryjad, čaściej za ŭsio, na dumku respandentaŭ, moža zjavicca z asiarodździa vajskoŭcaŭ (tak ličać 52% apytanych).

30% respandentaŭ prytrymlivajucca dumki, što jana moža zjavicca z vałanciorskaha asiarodździa (što na 5% bolš, čym u lipieni 2023 h.), 25% — z koła humanitarnaj abo techničnaj intelihiencyi (na 7% bolš, čym u lipieni 2023 h.), 23% — z užo isnujučych palityčnych partyj (što na 3% mienš, čym u lipieni), 19% — z arhanizacyj hramadzianskaj supolnaści, 8% — ź biznes-asiarodździa. 

Siarod palitykaŭ, čynoŭnikaŭ, hramadskich dziejačaŭ, žurnalistaŭ, uzrovień davieru da jakich aceńvaŭsia padčas hetaha daśledavańnia,

čaściej za ŭsio respandentami vykazvaŭsia davier da Uładzimira Zialenskaha (75%), Vitala Kima (64%), Siarhieja Prytuły (51%). 

Čaściej vykazvali davier, čym niedavier, Michaiłu Padalaku (adpaviedna 45% i 30%), Vitalu Kličko (adpaviedna 44% i 39, 5%), Alaksieju Daniłavu (adpaviedna 42% i 35,5%), Vasilu Maluku (adpaviedna 34% i 21%), Juryju Butusavu (adpaviedna 31% i 25%), Rustemu Umieravu (adpaviedna 25% i 21%).

Bolšaść apytanych nie daviarajuć Juryju Bojku (82%), Julii Cimašenka (82%), Piatru Parašenku (73%), Alaksieju Arastoviču (71%), Dźmitryju Hardonu (58%), Davidu Arachamiju (54%) i Andreju Jermaku (53%). 

Apytańnie mietadam face-to-face pravodziłasia va ŭsich abłaściach, akramia Danieččyny, Łuhanščyny i Kryma. U Zaparožskaj, Mikałajeŭskaj, Charkaŭskaj, Chiersonskaj abłaściach — tolki na tych terytoryjach, jakija kantralujucca ŭradam Ukrainy i na jakich nie viaducca bajavyja dziejańni. 

Apytana 2016 respandentaŭ, jakim ad 18 hadoŭ. Tearetyčnaja chibnaść vybarki nie pieravyšaje 2,3%. 

Kamientary11

  • Šalnaja impieratrica
    11.10.2023
    dovieriaj no provieriaj , do 2022 hoda tak i było.
  • Mora
    11.10.2023
    Navošta pierakładać imiony ŭkraincaŭ, kali my majem amal usie huki kab pieradać ich imiony tak jak jany hučać na ukrainskaj movie? Vy ž nie havorycie Julija zamiest Džulii, 
  • Dadać kamientar
    11.10.2023
    Mora, to bok Padalak, kali pracavaŭ u Minsku, byŭ Michaiłam, a zaraz prapanuješ pisać Mychajło?

Kruty: Boh pasłaŭ urahan, kab prezident paradavaŭsia, što stvoranaja im sistema vystajała22

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Usie naviny →
Usie naviny

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?15

U Lidzie zatrymali ŭładalnika kaviarni «Tutaka»

bolš čytanych navin
bolš łajkanych navin

Kruty: Boh pasłaŭ urahan, kab prezident paradavaŭsia, što stvoranaja im sistema vystajała22

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Hałoŭnaje
Usie naviny →