SBU znajšła ludziej, jakija naviali «Iskander» na kafe ŭ Hrazie, kali zahinuli 53 čałavieki. Heta byli adnaviaskoŭcy
Imi akazalisia dvoje miascovych žycharoŭ — 30-hadovy Uładzimir Mamon i jaho małodšy brat 23-hadovy Dźmitryj Mamon, jakija padčas akupacyi rehijona pierajšli na bok rasijcaŭ.
Słužba biaśpieki Ukrainy vyśvietliła asoby dvuch zdradnikaŭ, jakija skarektavali rasijski rakietny ŭdar pa kaviarni ŭ vioscy Hraza na Charkaŭščynie 5 kastryčnika, piša «Ukrainskaja praŭda».
Imi akazalisia dvoje miascovych žycharoŭ — 30-hadovy Uładzimir Mamon i jaho małodšy brat 23-hadovy Dźmitryj Mamon, jakija padčas akupacyi rehijona pierajšli na bok rasijcaŭ.
Za heta fihuranty atrymali pasady ŭ šerahach akupacyjnaha «ŭpraŭleńnia ŭnutranych spraŭ vajenna-hramadzianskaj administracyi Charkaŭskaj vobłaści». Tam adnaho ź ich pryznačyli «kiroŭcam kanvojnaj hrupy», inšaha — «inśpiektaram darožna-patrulnaj słužby».
Adnak napiaredadni vyzvaleńnia rehijona abodva razam ź siemjami źbiehli ŭ Rasiju. Jany dystancyjna pačali farmavać ułasnuju sietku infarmataraŭ na padkantrolnaj Ukrainie terytoryi.
Pad vyhladam siabroŭskich razmoŭ i pierapiski ŭ miesiendžary jany vypytvali ŭ ludziej źviestki ab dysłakacyi Sił abarony i masavych mierapryjemstvach na terytoryi rehijona.
Pavodle źviestak śledstva, z pačatku kastryčnika abodva pačali źbirać infarmacyju ab zapłanavanym pierapachavańni zahinułaha ŭkrainskaha abaroncy ŭ vioscy Hraza. Pry hetym jany razumieli, što ŭ vyniku varožaj ataki abaviazkova zahinuć mirnyja žychary — ich znajomyja ź vioski Hraza, u tym liku i tyja, chto davaŭ im infarmacyju, adznačajuć u śpiecsłužbie.
Daviedaŭšysia dakładny adras i čas praviadzieńnia paminak z pryčyny pierapachavańnia vajskoŭca, Uładzimir Mamon pieradaŭ hetyja źviestki rasijskim akupantam.
Atrymanyja źviestki rasijcy vykarystoŭvali dla ažyćciaŭleńnia prycelnaha ŭdaru pa ŭkrainskim siale z užyvańniem apieratyŭna-taktyčnaha rakietnaha kompleksu «Iskander M».
Tady ŭ vyniku pavietranaj ataki RF zahinuli 53 mirnyja žychary, siarod ich — małaletniaje dzicia. Jašče šaściora cyvilnych byli paranienyja.
Udar rakiety pa kaviarni i kramie na Charkaŭščynie: 53 zahinuły
U momant udaru pa kaviarni ŭ Charkaŭskaj vobłaści tam prachodzili paminki — MUS Ukrainy
Padčas udaru pa kaviarni ŭ Kupianskim rajonie Ukrainy zahinuli syn i ŭdava vajskoŭca, paminki pa jakim ładzili
«Było b lepš, kab ja pamior». Što kažuć žychary ŭkrainskaj vioski Hraza paśla rakietnaha ŭdaru
Jak Rasija patłumačyła ŭ AAN rakietny ŭdar pa kafe ŭ Charkaŭskaj vobłaści, u jakim prachodzili paminki
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku23
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary