Navuka i technałohii66

«Biełaruski starlink» sapraŭdy isnuje. Praŭda, jon nie biełaruski, a franka-italjanski. I nie starlink, a tanny anałah. Voś jak jon pracuje

Biełaruś sapraŭdy moža stvarać ułasny kanał spadarožnikavaha internetu, u tym liku dla vajskoŭcaŭ. Heta mahčyma dziakujučy spadarožniku, u jakim staić jeŭrapiejskaje abstalavańnie.

Padčas pajezdki na Brestčynu 6 kastryčnika Alaksandru Łukašenku pakazali abstalavańnie, jakoje nazvali biełaruskim anałaham Starlink — sputnikavaj sistemy, što zabiaśpiečvaje vysokachutkasny dostup u internet.

«Ty toje, što Mask za miljardy dalaraŭ rabiŭ, sam zrabiŭ biaspłatna?» — spytaŭ Łukašenka ŭ vajskoŭca.

«Nu, nie biaspłatna, ale za vielmi maleńkija hrošy», — adkazaŭ toj.

«To-bok Mask nam nie patrebny?» — «Nam — nie».

«Dzieści ŭ Minsku punkt dostupu ŭ internet: jon tranślujecca praz stancyju spadarožnikavaj suviazi, vychodzić siudy i praz roŭtar Wi-Fi razdaje internet», — rastłumačyŭ tady pryncyp pracy vajskoviec.

Što pakazali Łukašenku?

Na videa bačny roŭtar, vielmi padobny da madeli D-Link DWR-921.

Jahonaja admietnaść u tym, što jon moža prymać sihnał jak z ustaŭlenaj u jaho sim-karty, hetak i praz kabiel, abo pracavać u režymie retranślatara Wi-Fi-sihnału.

Maršrutyzatar D-Link DWR-921. Fota: «Puł pieršaha», dlink.com

Dalej — niešta, padobnaje da rasijskaj anteny «Tryjada MA-993». Jana zdolnaja ŭzmacniać 2G i 3G-sihnały.

Antena «Tryjada MA-993». Foty: «Puł pieršaha» i, sprava, opt-union.ru

Taksama bačnaja zaradnaja stancyja EcoFlow RIVER 2. Jana dazvalaje zabiaśpiečvać bieśpierabojnaje siłkavańnie elektryčnych pryboraŭ i moža taksama zabiaśpiečvacca soniečnymi batarejami. Vyrablajecca jana ŭ Kitai.

Zaradnaja stancyja EcoFlow RIVER 2. Fota: «Puł pieršaha» i, sprava, ecoflow.com

Sami vajskoŭcy skazali, što časta vykarystoŭvajuć zvyčajny roŭtar ź sim-kartaj. Kali sihnał pieradajecca sa spadarožnika, to niezrazumieła, praz što mienavita jon tranślujecca na roŭtar, bo vajskoŭcy pakazvajuć Łukašenku niešta za kadram. Adziny varyjant, jak heta mahło b być — praz razdaču Wi-Fi abo 3G-sihnału ad spadarožnikavaha madema.

Vajskoviec kaža, što ŭ Minsku jość punkt dostupu da internetu i sihnał adtul retranślujecca praz stancyju sputnikavaj suviazi, a paśla pieradajecca na roŭtar. Takim čynam, jość dva režymy pracy hetaj kanstrukcyi — «mabilny» i «spadarožnikavy». Nieviadoma, ci mohuć jany pracavać paralelna.

Heta mahčyma, ale nieviadoma, ci pracuje heta na praktycy, abo Łukašenku znoŭku pakazali pšyk. Prynamsi, vajskoŭcy zajavili, što spadarožnikavy internet u ich pracuje. Spadarožnikavyja mademy ŭ takim vypadku łahičniej padklučajuć niepasredna da maršrutyzatara, jaki moža stvarać Wi-Fi-punkt — na videa schiema inšaja.

Heta b dazvalała atrymlivać stabilnaje złučeńnie z abiedźviuch krynic. To-bok u pryjarytecie złučeńnie sa spadarožnikam praz kabiel Ethernet, ale kali jano hublajecca, to maršrutyzatar łović sihnał z mabilnaj sietki. U lubym vypadku, sistema, jakuju pakazała Minabarony, ad sistemy Starlink maje vialikija adroźnieńni.

Dyk ci moža Biełaruś uvohule pieradavać internet praz spadarožnik?

Tak. U Biełarusi sapraŭdy jość ułasny spadarožnik, zdolny ŭstaloŭvać internet-złučeńnie — heta «Bielintersat-1». Apieratar spadarožnika — biełaruskaje pradpryjemstva «Zavod dakładnaj elektramiechaniki», jaki bazujecca ŭ vioscy Stańkava Dziaržynskaha rajona. Na hety momant jon pad sankcyjami tolki z boku Kanady.

«Bielintersat-1». Fota: belintersat.by

Spadarožnik vyrableny ŭ Kitai karparacyjaj «Vialikaja ściana» na bazie płatformy DFH-4. Ale nie abyšłosia i biez dapamohi zachodnich kampanientaŭ — pastaŭščykom pieradatčykaŭ i ŭsioj aparatury pieradačy była jeŭrapiejskaja kampanija Thales Alenia Space.

Heta franka-italjanski kancern, jaki zajmajecca vytvorčaściu aerakaśmičnaj aparatury. Karysnaja nahruzka ad hetaj kampanii jość na bolšaści telekamunikacyjnych spadarožnikaŭ śvietu, uklučajučy rasijskija. Kitajcam jaje pastaŭlajuć pa kantrakcie.

Navat u vypadku, kali b tearetyčna suprać «Zavoda dakładnaj elektramiechaniki» ŭviali niejkija sankcyi, na funkcyjanavańnie spadarožnika heta b nie paŭpłyvała — u ich nie praduhledžanaja mahčymaść ramontu, tamu ŭžo zapuščany spadarožnik asabliva ad ich nie zaležyć. Z ulikam taho, što Biełaruś maje ŭłasny kamandny centr, jaki absłuhoŭvajecca Kitajem, sankcyi ES ci ZŠA nie paŭpłyvajuć na jahonaje funkcyjanavańnie.

Pierad zapuskam spadarožnika biełarusy jeździli ŭ Kitaj, a pad Stańkavam byŭ stvorany kamandny centr. «Bielintersat» umieje pieradavać pa spadarožniku videa i huk, a taksama zabiaśpiečvać vychad u internet.

Što moža «Bielintersat»

Hałoŭnaja kamiercyjnaja funkcyja spadarožnika — heta spadarožnikavaje viaščańnie. Nasamreč, vialikaha popytu na jaho, miarkujučy z paviedamleńniaŭ, niama, bo kampanija-apieratarka spadarožnika pryznavałasia, što jahonaja zahruzka — kala 35%. Najbolš klijentaŭ u spadarožnika — u Nihieryi, dzie praź jaho tranślujuć vosiem efirnych kanałaŭ.

Ale jon moža i vychodzić u internet. Z ulikam taho, što biełaruskija vajskoŭcy mohuć karystacca tolki biełaruskim spadarožnikam, jany abmiežavanyja jahonymi parohavymi paramietrami. U prezientacyi spadarožnika stvaralniki «Bielintersata» raskryli hetyja mahčymaści.

Kadr z prezientacyi spadarožnika Belintersat

Niahledziačy na toje, što stvaralniki śćviardžajuć, što spadarožnik moža pieradavać danyja z chutkaściu da dvuch hihabit za siekundu, karystalnikam kampanija prapanuje značna mienšuju chutkaść — 6 miehabit na pryjom danych i 4 miehabity na pieradaču.

Kadr z prezientacyi spadarožnika Belintersat

Prapanujucca taksama i hatovyja rašeńni dla hetaha, to-bok vajskoŭcy ničoha novaha nie prydumali, jano i tak było ŭ Biełarusi. Prezientacyja, jakuju my cytujem, datujecca 2018 hodam.

Kadr z prezientacyi spadarožnika Belintersat. Toje, što pakazali Łukašenku, realizavanaje pa druhoj schiemie

Čamu «Bielintersat» — usio ž nie Starlink?

Spadarožnik «Bielintersat» realizuje davoli staruju ideju i technałohii. Jon maje hieastacyjanarnuju arbitu — znachodzicca na vyšyni 35 786 kiłamietraŭ nad uzroŭniem mora i abaračajecca vakoł ziamli ŭ kirunku jaje kručeńnia. To-bok jon uvieś čas «hladzić» na adnu i tuju ž zonu ziamli.

Heta treba dla taho, kab amal nieruchomaja antena, nakiravanaja na spadarožnik, mahła atrymlivać pastajanny sihnał ź jaho.

Hałoŭny minus hieastacyjanarnaj arbity ŭ našych šyrotach — heta toje, što ŭ niekatoryja pieryjady času antena hublaje ź im suviaź. Hetaja źjava nazyvajecca «soniečnaj zaśvietkaj», i adbyvajecca jana tady, kali spadarožnik i sonca akazvajucca na adnoj vosi. Sihnał ad spadarožnika pierabivajecca vypramieńvańniem sonca. Suviaź hublajecca na pieryjad da dziesiaci chvilinaŭ za sutki.

Jašče adna prablema — heta zatrymki. Čas pieradačy tudy-nazad ad spadarožnika składaje da paŭtary siekundy, što moža być krytyčna, kali treba pieradavać źviestki ŭ režymie realnaha času.

U Starlink arbita nie hieastacyjanarnaja, spadarožniki pastajanna ruchajucca ŭzdoŭž pavierchni ziamli i znachodziacca na vyšyni ad 300 da 600 kiłamietraŭ. Kab jany pracavali, patrebnyja naziemnyja stancyi, jakija buduć retranślavać sihnał ad spadarožnika.

Spadarožniki Starlink u niebie nad ZŠA. Fota: Jud McCranie / Commons.wikipedia.org

Bieśpierabojny dostup da sietki z našmat mienšaj, čym u hieastacyjanarnych spadarožnikaŭ, zatrymkaj, zabiaśpiečvajecca za košt taho, što takich mikraspadarožnikaŭ na arbicie ŭžo bolš za čatyry tysiačy. Chutkaści taksama našmat bolšyja — da socień miehabit za siekundu. Navat kali ŭličyć, što karystalnikaŭ bolš za miljon, starlink moža biez prablemaŭ zabiaśpiečyć patreby ŭ internecie dla ŭsioj ukrainskaj armii.

Mahutnaści ž «Bielintersata», navat kali ŭjavić sabie, što jon budzie pieradavać infarmacyju tolki dla vajskoŭcaŭ, budzie niedastatkova, kab zabiaśpiečyć bolš-mienš stabilnym internet-złučeńniem usiu biełaruskuju armiju.

«Naša Niva» — bastyjon biełaruščyny

PADTRYMAĆ

Kamientary6

  • Ajfon Płafonovič
    11.10.2023
    Starlink eto avtonomnyj, mobilnyj punkt intiernie-sojedinienija vychodiaŝij priamo na sputnik. To, čto pokazali diktatoru, eto parodija. Nakroj tomahavkom komandnyj punkt v Stańkovo ili prosto osnovnuju sputnikovuju antiennu i vsio biełorusskoje vojsko lišiťsia sputnikovoho intiernieta. S takim žie uśpiechom vojaki mohli pokazať obyčnyj smartfon v riežimie točki doutspa połučajuŝij trafik po mobilnoj śviazi. Śmiech. 
  • Čarhovy Starpuk u łukašystaŭ, a nie Starlink
    11.10.2023
    Ajfon Płafonovič , tak i jość, heta bačna i na słajdzie z prezińacyi, dastatkova vyrubić chab (kamandny punkt) pad Stańkova i na linii chrenina źniknie internet, jak i va ŭsich vajak taksama.
  • jo
    11.10.2023
    Sania riealno vyhladieł niedalekim, kotoromu raźviešivali na ušach łapšu.

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

«Lusterka» prakamientavała situacyju ź videa rodnych kaleh partała2

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →