Rada Biaśpieki AAN sklikała ekstrannaje pasiadžeńnie z-za situacyi ŭ Izraili
Rada Biaśpieki AAN praviadzie ekstrannaje pasiadžeńnie za začynienymi dźviarami pa Blizkim Uschodzie ŭ niadzielu, 8 kastryčnika.

Pavodle źviestak AAN, pasiadžeńnie Rady Biaśpieki AAN pa situacyi na Blizkim Uschodzie budzie zakrytym i pačniecca ŭ 22.00 pa minskim časie ŭ niadzielu, 8 kastryčnika. Pra heta paviedamlaje CNN.
Tym časam kolkaść zahinułych u Izraili pieravysiła 600 čałaviek. Bolš za sotniu hramadzian Izraila znachodziacca ŭ zakładnikach u radykalnaj hrupoŭki CHAMAS paśla subotnich atak bajevikoŭ, paviedamiŭ urad Izraila. Avijacyja hetaj krainy ŭžo naniesła ŭdary pa sotniach abjektaŭ bajevikoŭ, a na poŭnačy mahčymaja evakuacyja.
Nahadajem, u piatnicu, 6 kastryčnika, spoŭniłasia 50 hadoŭ z pačatku «vajny Sudnaha dnia», a 7 kastryčnika bajeviki pačali apieracyju «Bura Al-Aksy» — vypuścili pa Izraili niekalki tysiač rakiet i prarvalisia na terytoryju krainy. CHAMAS vinavacić izrailski bok u akupacyi i «apahańvańni śviaščennaha miesca musulman», a taksama ŭ nieadnarazovych uvarvańniach u miačeć Al-Aksa na Chramavaj hary ŭ Ijerusalimie.

Lidar vajennaha kryła ruchu CHAMAS Muchamied Def zajaviŭ, što pa vinie Izraila zahinuli i atrymali ranieńni sotni paleścincaŭ, a taksama sotni ź ich znachodziacca ŭ izrailskich turmach. Taksama, pavodle jaho słoŭ, Izrail admoviŭsia ad pieramoŭ pa ich abmienie.
Izrailski ŭrad faktyčna abviaściŭ pra stan vajny — zadziejničaŭ parahraf «40-Alef». Takim čynam, armija atrymała poŭnuju svabodu dziejańniaŭ. U minuły raz hety parahraf uvodzili ŭ dziejańnie 50 hadoŭ tamu, padčas vajny Sudnaha dnia.
Kamientary
v Ukrainie, budiet duť ŝioki v SOVBIEZIE OON i vietirovať lubyje riešienija vieduŝije k Miru v Ukrainie i Izraile...