BYSOL raspaviadaje historyju byłoha palitviaźnia Dzianisa, jaki žartuje, što, «jak pakazvaje praktyka, byłych palitviaźniaŭ nie byvaje». Jon byŭ evakujavany ź Biełarusi i ciapier jamu ź siamjoj nieabchodnaja dapamoha.
«Pačynajučy ź leta 2020 hoda my z žonkaj Nastaj aktyŭna ŭdzielničali ŭ akcyjach za Volnuju Biełaruś (mitynhi, łancužki salidarnaści, maršy). A 29 listapada 2020 hoda mianie zatrymali na maršy rajonaŭ i asudzili pa administracyjnym artykule na 15 sutak.
U červieni 2022 hoda da nas u kvateru ŭvarvaŭsia HUBAZiK z hrupaj SACHR i paśla praviadzieńnia pieratrusu nas z žonkaj aryštavali i advieźli ŭ IČU Akreścina. Kanfiskavali ŭsie hrašovyja srodki, a na rachunki i majomaść nakłali aryšt. Mianie asudzili pa «narodnym» art. 342 KK na paŭtara hady. Majoj žoncy było pradjaŭlena abvinavačańnie pa troch artykułach — jana była ekstrana evakuavanaja ź Biełarusi.
Ciapier ja sa svajoj siamjoj u biaśpiecy. Ja straciŭ svoj biznes i aktyŭna šukaju pracu, adnak finansava my nie stabilnyja. Bolšaja častka našaj majomaści i hrašovych srodkaŭ tak i zastałasia pad aryštam. Tamu prašu vas ab finansavaj dapamozie dla mianie i majoj siamji».
Dla apłaty dla siamji arendnaha žylla na 3 miesiacy nieabchodna € 2000, na ŭtrymańnie i zabieśpiačeńnie dziciaci (hurtki i abiedy ŭ škole, adzieńnie, charčavańnie) — € 700, jašče € 800 siamja płanuje patracić na reabilitacyju, vyvučeńnie polskaj movy i miedycynskaje abśledavańnie.
Dapamahčy siamji Dzianisa možna na staroncy BYSOL.
Va Ukrainie zahinuŭ biełaruski dobraachvotnik Haz4
Kamientary