Usiaho patrochu33

Lemanhras, chamon z kački, chleb ź lisičkami. Top-10 niezvyčajnych praduktaŭ u kramach i na rynkach Minska

Žurnalisty vydańnia Myfin.by prajšlisia pa minskich mahazinach i rynkach u pošukach niezvyčajnych praduktaŭ. Jany znajšli 10 jadomych tavaraŭ, jakija ich ździvili, i sabrali ŭ nievialikuju padborku z cenami.

Lemanhras

Fota: Myfin.by

Heta limonnaja trava (na fota źleva). Adroźnivajuć bolš za 50 vidaŭ. Lemanhras dastaŭlajuć da nas z Kitaja, Indyi, Tajłanda. U ježu idzie nižniaja častka ściabła, dzie zapasicca bolš za ŭsio aleistaha soku. Trava vielmi papularnaja ŭ azijackaj kuchni. Jaje dadajuć u supy, sousy, kary, marynady, napoi. Ličycca, što stravy, pryhatavanyja z hetaj travoj, nabyvajuć śviežy vodar i miakki prysmak, jaki nahadvaje sumieś limona i korania imbiru.

Košt: 65 rub. za kh.

Dzie znajšli: Kamaroŭski rynak.

Suničnyja maliny

Fota: Myfin.by

Heta asablivy hatunak malin, raskazaŭ mužčyna, jaki pradavaŭ hetuju jahadu na rynku. Pa jaho słovach, smak jahady bolš padobny da smaku malin, choć smakavyja jakaści mienš jarkija. Jahady jaduć jak śviežymi, tak i hatujuć ź ich džemy, uzvary, vareńnie.

Košt: 10 rub. za šklanku 250 h.

Dzie znajšli: Kamaroŭski rynak.

Kaŭbasa ź miasa alenia i łasia ź jadłoŭcam, fundukom i čarnaślivam

Fota: Myfin.by

Hetyja dalikatesy ź dzičyny vyrablaje pradpryjemstva «Krasny Bor Ekapradukt». Tam pierapracoŭvajuć dzičynu, jakaja zdabyvajecca palaŭničaj haspadarkaj «Krasny Bor». Zatym dadajuć takija niezvyčajnyja inhredyjenty, jak jadłoviec, čarnaśliŭ i funduk.

Cana: «Dzičyna ź jadłoŭcam», «Dzičyna z fundukom» — 63-64 rub. za kh, «Palaŭničy trafiej», «Dalikates jehierski ź jadłoŭcam» — kala 67 rub. za kh.

Dzie znajšli: hipiermarkiet Green.

Kare z łani

Fota: Myfin.by

Hetuju pradukcyju vyrašyli ŭklučyć u nievialikuju padborku, bo kare łani — heta ŭsio ž redkaść na biełaruskich pryłaŭkach. Pradaviec adznačyŭ, što miasa łani pa smaku blizkaje da baraniny, a voś miasa alenia — da jałavičyny.

Cana: 61 rub. za kh.

Dzie znajšli: fiermierski rynak «Valarjanava».

Chamon z kački

Fota: Myfin.by

My pryvykli, što pad chamonam čaściej za ŭsio majecca na ŭvazie syravialeny śviny kumpiak. Tut ža ŭdałosia znajści na rynku chamon z kački. Pradavačka skazała, što i na taki chamon jość svoj pakupnik. Što i nie dziŭna.

Cana: 18,80 rub. za kh.

Dzie znajšli: fiermierski rynak «Valarjanava».

Chleb ź lisičkami i vialenymi pamidorami

Fota: Myfin.by

Cana: 7,90 rub. za kh.

Dzie znajšli: fiermierski rynak «Valarjanava».

Syr «Sent-Mor de Turen»

Fota: Myfin.by

Syry pasprabavali znajści sapraŭdy niezvyčajnyja i vielmi cikavyja. Adnym ź ich źjaŭlajecca «Sent-Mor de Turen». Heta miakki kaziny syr. Jon maje formu cylindra, pakryty bieła-čornaj skarynačkaj, jakaja składajecca sa słajoŭ ćvili i popiełu. Na rynku akazaŭsia samym darahim z vykładzienych syroŭ.

Cana: 110 rub. za kh.

Dzie znajšli: fiermierski rynak «Valarjanava».

Syr «Bulet d'Avien»

Fota: Myfin.by

Nastupny syr u našaj padborcy — francuzski «Bulet d'Avien» u formie konusa. Jak nam raskazała pradavačka, — jana ž sama jaho i robić — heta miakki syr. Na smak jon rezki, pikantny. Vyrablajecca z karovinaha małaka. U syrnuju masu dadajucca estrahon, piatruška i hvaździk dla nadańnia asablivaha smaku.

«Hety syr byvaje śviežy, a byvaje vytrymany. Voś u nas ciapier pradajecca druhi varyjant. Padčas pracedury paśpiavańnia abcirajecca pivam. Kamuści syr da smaku, kamuści — nie vielmi. Padajuć jaho da vina.

Cana: 15 rub. za 1 št.

Dzie znajšli: fiermierski rynak «Valarjanava».

Trachieja jałavičnaja

Fota: Myfin.by

Jašče adzin niezvyčajny pradukt — trachieja jałavičnaja. Spytalisia ŭ pradaŭca, što ź jaje možna pryhatavać i ci jość na takuju pradukcyju kupiec.

«Viadoma, kuplajuć. My b tut nie stajali, — uśmichajecca žančyna. — Heta vielmi karysny pradukt. U trachiei jałavičyny źmiaščajecca kałahien, a jon, jak viadoma, umacoŭvaje kostki. Možna varyć ź jaje chałodnaje. A jašče kuplajuć dla sabak.

Košt: 4,90 rub. za kh.

Dzie znajšli: fiermierski rynak «Valarjanava».

Alenievyja rohi

Fota: Myfin.by

Viadoma, žurnalisty ździvilisia, ubačyŭšy rohi alenia na praduktovym rynku. Jak akazałasia, ich kuplajuć u jakaści prysmakaŭ dla sabak. Pahadziciesia, taksama niezvyčajna.

Cana: 10 rub. za 100 h.

Dzie znajšli: fiermierski rynak «Valarjanava».

Čytajcie taksama:

«Nie, heta nie ź Italii». Biełarusy pabudavali fiermu mary i zanialisia niezvyčajnaj harodninaj

«U hod źbiraju ad 5 da 10 ton». Patomny pčalar raskazaŭ pra vydatki prafiesii i čamu siarod pčalaroŭ amal nie byvaje machlaroŭ

«Pakaštavać možna?» — «Treba». Što pačym sioleta na siezonnych sielhaskirmašach

Kamientary3

  • mikola
    06.10.2023
    Malaicy ! Moguc usio -kali zahoczuc !
  • Žvir
    06.10.2023
    Chamon. Toje, što ciapier modna nazyvać chamonam maje dziedy-pradziedy spradvisku rabili, dy taki, što hišpancam i nia śniŭsia. Nazyvali prosta - vietċyna.
  • Maksim Dizajnier
    06.10.2023
    Biednyja!Biednyja i hałodnyja biełarusiki!Praklataja kryvavaja dyktatura!Million koptiaŝich korčiej na 1,9 młn žitielej Minska!

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →