Vajna44

Karabli Čarnamorskaha fłotu Rasii adstupili ź Sievastopala ŭ Novarasijsk i Fieadosiju

Pa danych zachodnich čynoŭnikaŭ i spadarožnikavych zdymkaŭ, pravieranych ekśpiertami, nie mienš za 10 karabloŭ Čarnamorskaha fłotu Rasii pierabazavalisia ŭ Novarasijsk, a inšyja byli pierakinutyja ŭ Fieadosiju na paŭdniovym bierazie Kryma. Heta vialiki pośpiech Ukrainy.

Čarnamorski fłot Rasii ŭ Sieviestopali Russian Black Sea Fleet of Sevastopol Čiernomorskij fłot Rośsii v Sievastopole
Ilustracyjnaje fota. Parad Čarnamorskaha fłota Rasii ŭ Sievastopali. Fota: Sergey Ponomarev / AP Photo 

Jak piša The Wall Street Journal, Rasija vyvieła bolšuju častku svajho Čarnamorskaha fłota sa svajoj hałoŭnaj bazy ŭ akupavanym Krymie. Heta adbyłosia paśla sieryj udaraŭ Ukrainy, naniesienych u apošnija tydni, u vyniku jakich byli surjozna paškodžanyja rasijskija sudny i sam štab fłotu.

Kamandujučy pavietranymi siłami Ukrainy paćvierdziŭ, što rasijskija karabli ŭ Krymie byli padbityja zachodnimi rakietami Storm Shadow.

Vyvad vojskaŭ zjaŭlajecca svoječasovym stymułam dla Ukrainy, bo jaje kontrnastupleńnie prasoŭvajecca pavolniej, čym płanavałasia, na fonie ciažkich strat i palityčnaha roznahałośsia ŭ ZŠA pa pytańni ab finansavańni namahańniaŭ Kijeva pa vyhnańni rasijskich akupacyjnych sił.

Vydańnie cytuje dziaržaŭnaha ministra uzbrojenych sił Vialikabrytanii Džejmsa Chipi (James Heappey), jaki na kanfierencyi pa biaśpiecy ŭ Varšavie na hetym tydni nazvaŭ razhrupavańnie karabloŭ «funkcyjanalnaj parazaj Čarnamorskaha fłotu».

Spadarožnikavyja zdymki, datavanyja 1 kastryčnika i pradstaŭlenyja Planet Labs, pakazali, što asnoŭnaja častka vajskovych karabloŭ była pierakinutaja ŭ Novarasijsk, u tym liku try dyzielnyja padvodnyja łodki, piać desantnych karabloŭ i niekalki małych rakietnych karabloŭ.

Jak zajaviŭ vydańniu staršy analityk Centra analizu stratehij i technałohij u Maskvie Michaił Barabanaŭ, inšyja sudny, u tym liku vialiki desantny karabiel, šerah małych rakietnych karabloŭ i novyja tralščyki, byli pierakinutyja ŭ port Fieadosija, raźmieščany dalej na ŭschod uzdoŭž Krymskaha paŭvostrava.

Redeployment of ships of the Black Sea Fleet of RussiaPieriemieŝienije korablej Čiernomorskoho fłota Rośsii Pieramaščeńnie karabloŭ Čarnamorskaha fłotu Rasii
Pieramiaščeńnie karabloŭ Čarnamorskaha fłotu Rasii. Fota: rybar.ru

Adnak i z novych pazicyj karabli pa-raniejšamu zmohuć stralać kryłatymi rakietami pa Ukrainie. 

Pry novym raskładzie adlehłaść ad linii sudakranańnia ŭ Chiersonskaj vobłaści i z boku Adesy składzie 400 da Fieadosii i 580 km da Novarasijska, što pieravyšaje bajavuju dalnaść kryłatych rakiet Storm Shadow i SCALP.

Choć hety krok moža ŭjaŭlać saboj tolki časovuju mieru dla abarony ad dalejšych udaraŭ Ukrainy, łahistyčny hałaŭny bol, źviazany ź pieramiaščeńniem niekatorych z samych ciažkich rasijskich karabloŭ, padkreślivaje pahrozu ŭdarnaha patencyjału Kijeva.

Joruk Isik (Yoruk Isik), vajenna-marski ekśpiert i kiraŭnik kansałtynhavaj firmy Bosphorus Observer, zajaviŭ, što na spadarožnikavych zdymkach bačnyja sietki i baržy, ustanoŭlenyja la ŭvachoda na vierf u Fieadosii, što ilustruje zaniepakojenaść Rasii z nahody dalejšych napadaŭ Ukrainy na hety abjekt.

Natalla Humianiuk, načalnica pres-centra Paŭdniovaha vajskovaha kamandavańnia Ukrainy, zajaviła, što Ukraina adsunuła liniju frontu ŭ Čornym mory jak minimum na 100 marskich mil (185 km) ad svajoj bierahavoj linii. Ciapier rasijskija karabli i katary Čarnamorskaha fłotu nie zachodziać dalej mysa Tarchankut na zachodnim uskrajku Krymskaha paŭvostrava.

Jak paviedamlaje «Radyjo Majak», pradstaŭnik prezidenta Dźmitryj Piaskoŭ admoviŭsia kamientavać paviedamleńni ab pieravodzie Čarnamorskaha fłotu Rasii ź Sievastopala ŭ Novarasijsk i stvareńni marskoj bazy ŭ Abchazii.

«Nie, ja nijak nie mahu heta kamientavać. Naturalna, pytańni, źviazanyja z dysłakacyjaj našych padraździaleńniaŭ, našych karabloŭ, našych čaściej, heta <…> kampietencyja Ministerstva abarony», — skazaŭ Piaskoŭ.

Ekśpierty zaŭvažajuć, što dziakujučy hetym pośpiecham Ukraina ŭžo prarvała błakadu ŭkrainskich partoŭ, pazbaviŭšy Čarnamorski fłot Rasii dostupu da zachodniaj častki Čornaha mora i adkryŭšy dla Ukrainy novy kalidor dla ekspartu ŭkrainskich tavaraŭ, najpierš zbožža.

Pieršaje sudna, jakoje vyjšła pa hetym kalidory, adpłyło ŭ žniŭni, pry hetym u apošnija dni kolkaść sudnaŭ, jakija zachodziać na sudnachodny šlach i pakidajuć jaho, raście z narastajučaj chutkaściu. Pa danych VMS Ukrainy, na hetym tydni jašče 12 karabloŭ čakali ŭvachodu ŭ kalidor.

Čytajcie jašče:

Paśla ŭdałych atak na Krym Rasija pieraviała try vialikija desantnyja karabli z Čornaha mora ŭ Azoŭskaje — VMS Ukrainy

Kamandujučy pavietranych sił Ukrainy paćvierdziŭ, što rasijskija karabli ŭ Krymie padbili zachodnimi rakietami

Na mysie Fijalent u akupavanym Sievastopali prahučali vybuchi, tam vajskovaja čaść

Kamientary4

  • Žyvie Biełaruś!
    06.10.2023
    Słava ŭkrainskim vajaram, słava zachodniaj zbroi i ŭsim tym chto dapamahaje razdušyć rašysckuju hadzinu!
  • Čarkaškvarka
    06.10.2023
    Pryjdziecca viartać Krym.
  • bel
    06.10.2023
    mikola, tut pavinien być vaš dziažurny kamientar: “malajcy, dobra prydumali”

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

TEST: Ci dobra vy viedajecie historyju biełaruskich habrejaŭ?

U Homielskaj vobłaści abjaŭlena nadzvyčajnaja situacyja1

Tramp raskazaŭ, što cudam jaho vyratavała ad kuli3

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie1

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →