Alaksandr Michałkovič atrymlivaje ŭznaharodu ad staršyni žury Hanny Fierens. Fota: facebook.com/festiwal.filmowy.nnw.

Alaksandr Michałkovič atrymlivaje ŭznaharodu ad staršyni žury Hanny Fierens. Fota: facebook.com/festiwal.filmowy.nnw.

Staršynia žury Hanna Fierens, začytaŭšy vierdykt, padkreśliła, što ŭznaharoda prysudžajecca napružanaj dramie, jakaja ŭ šmatsłojnym apaviadańni raspaviadaje pra maralnuju eroziju ludziej, jakija apynulisia ŭ pastcy tatalitaryzmu.

«Dziakuj, što možacie być na hetaj scenie z hierojami baraćby za niezaležnaść, dziakuj za dapamohu, za padtrymku Biełarusi z momantu stvareńnia telekanała «Biełsat». Ja chaču pryśviacić hetuju ŭznaharodu biełaruskim palitviaźniam i ŭkraincam na froncie», — padčas cyrymonii ŭznaharodžańnia režysior karciny Alaksandr Michałkovič padziakavaŭ kinaforumu.

Nahadajem, što film biełaruskich aŭtaraŭ daśleduje hvałt u vojsku i hramadstvie i sacyjalnyja normy, jakija za im stajać.

U kino raspaviadajecca pra maci, jakaja straciła syna, kali jon słužyŭ u vojsku. Jaho znajšli miortvym.

«Pakul Śviatłana sprabuje pralić śviatło na kulturu hvałtu i ździekaŭ u biełaruskich Uzbrojenych siłach, hrupie maładych siabroŭ z techna-andehraŭndu nieŭzabavie samim pahražaje pryzyŭ u vojska, — adznačajecca ŭ anatacyi da karciny. — Jany chodziać na rejv-viečaryny ŭ majkach i kruhłych soncaachoŭnych akularach, ale praź imhnieńnie viečarynka moža skončycca — prynamsi, datul, pakul na vulicach nie ŭspychnuć masavyja pratesty paśla niadaŭniaha «pieraabrańnia» dyktatara-prezidenta i prychilnika Pucina Alaksandra Łukašenki. Problisk nadziei i abiacańnie pieramienaŭ, jakija tolki prymušajuć žorstkaść aŭtarytarnaha hramadstva prajavicca ŭ poŭnuju siłu».

Stužka sioleta ŭžo była adznačana na mižnarodnych fiestyvalach, a taksama vyłučana na premiju Jeŭrapiejskaj akademii.

Čytajcie taksama:

«Pačaŭsia film — z zały stali sychodzić ludzi». Biełarus raskazaŭ, jak ludzi prahladajuć karcinu «Na inšym bierazie»

Dyrektar «Biełaruśfilma» nazvaŭ premjery 2024 hoda

Novy «Znachar», rymiejk supierchita 1980-ch. Što ŭ im?

Клас
6
Панылы сорам
0
Ха-ха
0
Ого
0
Сумна
2
Абуральна
1