Mierkavańni22

Svoj vodhuk na intervju Krasulinaj nam dasłaŭ były paplečnik Capkały

Śviatasłaŭ Barbuk, były namieśnik kiraŭnika inicyjatyŭnaj hrupy Valeryja Capkały, krytykuje Hannu Krasulinu za niedaskazanaść u jaje vykazvańniach ab pracy štaboŭ apazicyjnych vyłučencaŭ. Sam Barbuk u 2010 hodzie źbiraŭ podpisy za Alaksandra Łukašenku i byŭ adnym z kiraŭnikoŭ minskaha BRSM, ale ŭ 2020-m dałučyŭsia da kampanii Capkały. «Našaj Nivie» jon skazaŭ, što navažyŭsia publična adreahavać na intervju Krasulinaj, bo, na jaho pohlad, kamanda Capkały i jaje zasłuhi całkam ihnarujucca, abo padajucca miedyjami niehatyŭna.

Śviatasłaŭ Barbuk. Fota: jaho asabisty archiŭ

Śviatasłaŭ Barbuk kaža, što da aryštu 2021 hoda pracavaŭ u pryvatnaj kampanii, jakaja zajmałasia inžyniernym zabieśpiačeńniem srodkaŭ suviazi. Pa vyzvaleńni zrazumieŭ, što adbyty palityčna matyvavany aryšt moža być nie apošni i ŭ vieraśni 2021 hoda z žonkaj emihravaŭ. Na čužynie zarablaŭ taksujučy, pracavaŭ achoŭnikam. Ciapier u adnoj z krain Jeŭrapiejskaha sajuza prachodzić navučańnie pa pierakvalifikacyi. 

Što kamanda Babaryki pieraniała ŭ štaba Capkały

Śviatasłaŭ Barbuk ličyć, što Hanna Krasulina, havoračy pra abjadnańnie štaboŭ, nie adznačyła ŭniosku kamandy Valeryja Capkały.

Pretenzij da kamandy Śviatłany Cichanoŭskaj u Barbuka niama, ale, jak jon adznačaje, Cichanoŭskaja stała kandydatkaj u prezidenty prosta dziakujučy tamu, što ŭłady nie bačyli ŭ joj niebiaśpieki.

«Ja razumieju, čamu nie zhadvajecca kamanda Capkały, bo Valera [Capkała], vidać, pavodzić siabie nie vielmi hodna z hledzišča Abjadnanaha pierachodnaha kabinieta, ale, kali my havorym pra 2020 hod, to čamu pradstaŭniki Babaryki nie raskažuć, što ich zasłuha tolki ŭ tym, što jany skinulisia hrašyma i ŭkłalisia ŭ miedyja», — tłumačyć svaju pazicyju Śviatasłaŭ Barbuk.

Na jaho pohlad, u štabie Babaryki pracavali dyletanty, bo tolki jany mahli prydumać aznačeńnie «staraja apazicyja», jakaja im nie padabałasia.

«Usia ciapier kamanda Śviatłany Hieorhijeŭny, pavodle kamandy Viktara Dźmitryjeviča, heta marhinały i staraja apazicyja. Kali my chočam havaryć ab praŭdzie, to jana takaja», — padkreślivaje Barbuk.

Valeryj Capkała ŭ 2020 hodzie

Barbuk ličyć, što ŭkład kamandy Capkały — u adpracoŭcy mietodyki źbirańnia podpisaŭ.

Pavodle jaho, babarykincy pavodzili siabie ahresiŭna adnosna kankurentaŭ. Jany adpraŭlali ŭ štaby apanientaŭ ludziej, jakich nie chacieli brać sabie, i vykarystoŭvali ich dla źbirańnia infarmacyi ab pracy kankurentaŭ.

Tak, da Capkały pranik Juryj Vaskrasienski, a taksama Śviatasłaŭ Milejkoŭski, jaki byŭ kaardynataram pa zboru podpisaŭ pa Frunzienskim rajonie. Tolki praz tydzień stała viadoma, što jon łazutčyk babarykincaŭ i jamu ŭdałosia vyviedać sakrety źbirańnia podpisaŭ, miarkuje Barbuk.

«U štaba Babaryki była ahresiŭnaja pazicyja z hledzišča zapazyčvańnia sposabaŭ pracy apanientaŭ. U našym vypadku — heta my. Jany raŭniva stavilisia da taho, što ŭ niekaha niešta vyhladaje lepiej», — havoryć jon.

Śviatasłaŭ Barbuk kaža, što ŭ pieršyja dni stvareńnia inicyjatyŭnaj hrupy kansultavaŭsia ŭ palittechnołaha Vitala Šklarava, jak najlepiej vykarystać jaho napracoŭki, jakija jon ukaraniaŭ na vybarach u Rasii. Adna z aktyvistak štaba Capkały raskazała pra hutarku babarykincam i nieŭzabavie Šklaraŭ abjaviŭsia ŭ Minsku.

«Štab Capkały nie mieŭ stolki resursaŭ, kab z ZŠA «vypisać» biezumoŭna talenavitaha, palittechnołaha. A Šklaraŭ svajoj kansultacyjaj sapraŭdy dapamoh adtačyć majo bačańnie mietodyki zboru podpisaŭ. I babarykincy paśpiachova jaje skapijavali», — adznačaje Barbuk.

«Z Capkałam pracavali aktyvisty z dośviedam udziełu ŭ vybarčych kampanijach jak na baku apazicyi, tak i ŭłady»

Barbuk ličyć, što babarykincy vybudoŭvali pieradvybarčuju kampaniju na kamiercyjnaj asnovie, ale bačańnia taho, jak treba pravodzić jaje, u ich było dyletanckim, u adroźnieńnie ad kamandy Capkały, dzie pracavali prafiesijanały.

«Valeryj Capkała padbiraŭ ludziej ź dziaržaŭnaha aparata. U inicyjatyŭnaj hrupie było šmat dziaržaŭnych słužboŭcaŭ, ludziej z dypłamatyčnym stažam», — davodzić Barbuk.

Akramia taho, dadaje jon, z Capkałam pracavali aktyvisty z dośviedam udziełu ŭ vybarčych kampanijach, jak na baku apazicyi, tak i ŭłady. Tamu praces u štabie byŭ adładžanym, padkreślivaje Śviatasłaŭ.

«U kamandzie pracavali ludzi, jakich babarykincy nazyvali «marhinałami» i «staroj apazycyjaj», — akcentuje ŭvahu surazmoŭca.

Śviatasłaŭ Barbuk upikaje Hannu Krasulinu ŭ niaščyraści adnosna taho, što štab Babaryki dziejničaŭ zhodna z zakanadaŭstvam.

Naadvarot, śćviardžaje jon, Valeryj Capkała, kab mieć srodki na vybarčuju kampaniju zakłaŭ svoj dom. Za heta jon atrymaŭ 100 tysiač jeŭra lehalnych srodkaŭ.

Pavodle Barbuka, Capkała byŭ zacikaŭleny, kab u jaho štabie pracavali partyjnyja aktyvisty, navat z «sumnieŭnaj reputacyjaj», bo jany ŭmieli pracavać ź ludźmi.

«Miakki administracyjny resurs, jaki hruntujecca na ŭmieńni, pierakonvać, a nie prymušać, pavinien prysutničać u luboj struktury. Čałaviek, jaki pracavaŭ u joj, viedaje, što takoje źjezd, spravazdača, praca z dakumientami. Jana biez vopytu nie pryjdzie», — davodzić Barbuk.

Valeryj Capkała ŭ 1994 hodzie byŭ adnym z kiraŭnikoŭ pieradvybarčaha štaba Alaksandra Łukašenki.

Tudy 29-hadovy juryst pierabieh z kamandy Stanisłava Šuškieviča. U Łukašenki Capkała pracavaŭ na dypłamatyčnych pasadach. Kiravaŭ administracyjaj Parku vysokich technałohij.

U 2020 hodzie zajaviŭ ab svaich prezidenckich ambicyjach. Kandydatam u prezidenty jaho nie zarehistravali, zabrakavaŭšy bolš za pałovu sa 160 tysiač padadzienych u Centrvybarkam podpisaŭ. Sproba dakazać u sudzie niepravamiernaść rašeńnia viedamstva Jarmošynaj nie dała plon.

Dalej u vybarčaj kampanii brała aktyŭny ŭdzieł žonka Valeryja Capkały Vieranika. Razam sa Śviatłanaj Cichanoŭskaj i Maryjaj Kaleśnikavaj jana stvaryła tryumvirat vybarčaj kampanii.

Rašeńnie ab abjadnańni štaboŭ Valeryja Capkały, Śviatłany Cichanoŭskaj i Viktara Babaryki ich pradstaŭniki pryniali 16 lipienia 2020 hoda.

Pavodle Hanny Krasulinaj, dałučeńnie da kamandy Śviatłany Cichanoŭskaj kamandaŭ Viktara Babaryki i Valeryja Capkały adbyłosia dziakujučy miesiedžu, ź jakim Cichanoŭskaja išła na vybary: «Jak tolki ja pryjdu da pieramohi, to praviadu česnyja vybary». 

«Byli svaje ŭjaŭleńni ab śvietapohladzie»

Śviatasłaŭ Barbuk z 2007 hoda ŭdzielničaŭ va ŭsich vybarčych kampanijach. U 2010 hodzie źbiraŭ podpisy za Łukašenku, a ŭ 2012 hodzie byŭ siabram terytaryjalnaj vybarčaj kamisii.

U 2020 hodzie dałučyŭsia da kamandy Capkały i staŭ namieśnikam kiraŭnika jaho inicyjatyŭnaj hrupy. U 2021 hodzie byŭ asudžany na 10 dzion administracyjnaha aryštu za «niesankcyjanavanaje pikietavańnie». Stolki ž prysudzili i žoncy Śviatasłava. Jany siadzieli ŭ izalatary na Akreścina i ŭ Baranavičach.

Za Łukašenku, kaža Śviatasłaŭ, jon źbiraŭ podpisy, kali jamu było trochu za dvaccać i ŭ jaho tady «byli svaje ŭjaŭleńni ab śvietapohladzie», ale jany źmianilisia.

Pa jaho słovach, praca na vybarach u łukašystaŭ była admietnaj chłuśnioju.

«Sabrali dvaccać, a zajaŭlałasia pra 20 tysiač», — tłumačyć jon.

Barbuk zhadvaje, jak u 2010 hod, kali zamianili načalnika štaba Łukašenki z Kozika na Šejmana, apošni zajaviŭ, što za Łukašenku sabrana ŭžo bolš za 100 tysiač podpisaŭ. Ale «Biełaja Ruś» tady štodnia publikavała statystyku i tam było kala 10 000 podpisaŭ.

Jon kaža, što bolšaja častka podpisaŭ za Łukašenku źbirałasia ŭ pracoŭnych kalektyvach.

«Dziasiatki padpisnych listoŭ na vulicaŭ i tysiačy padpisnych listoŭ na pradpryjemstvach. Tak było ŭ majoj akruzie, dzie ja byŭ pamočnikam deputata i druhim sakratarom harkama BRSM. Tamu, havaryć pra vialikuju padtrymku Łukašenki nie vypadaje», — adznačaje Śviatasłaŭ Barbuk.

«Naša Niva» — bastyjon biełaruščyny

PADTRYMAĆ

Hladzicie taksama:

Dva hady tamu Maryju Kaleśnikavu i Maksima Znaka asudzili na hihanckija terminy. Užo niekalki miesiacaŭ pra ich niama nijakich źviestak

Paplečnik Vaskrasienskaha Mikałaj Sierykaŭ raskazaŭ pra siabie: Letaś zvolniŭsia z KDB, byŭ u štabie Capkały, a ciapier pavieryŭ Juru

Adzin z kiraŭnikoŭ štaba Babaryki ščyra raskazaŭ pra vybarčuju kampaniju, svaju rolu ŭ joj, aryšt i vyzvaleńnie

Dypłamatyčnyja krynicy: Vaskrasienski viarzie łuchtu

Kamientary2

  • Paŭluk
    08.10.2023
    Asabista ŭ mianie ŭviosnu 2020 było adčuvańnie, što ŭvachod u kampaniju Capkały vyhladaŭ čymści raptoŭnym i niełahičnym. Babaryka adrazu staviŭ na pierakulajučaje hałasavańnie, i heta było bačna pa tym, nakolki staranna jon abychodziŭ usie druhasnyja u tyj momant pytańni, jakija mahli b niejak diekansalidavać usich niezadavolenych šmathadovym niekampetentnym aŭtarytaryzmam Łukašenki. Uvachod u honku Capkały, jaki z usioj mocy sprabavaŭ stvaryć sabie imidž kampietentnaha technakrata (nasamreč, nie) vyhladaŭ jak avanturnaja sproba pieraciahnuć sabie hałasy ad Babaryki praź viadomaść siarod namienkłatury. A Cichanoŭski svaim haračym papulizmam nahadvaŭ Kazulina z 2006. U pryncypie, kali b Łukašenka nie hnaŭsia za idejaj fiks namalavać sabie vidavočna chłuślivyja 80+ adsotkaŭ, to jon moh spakojna dapuścić ich usiech da vybaraŭ, namalavać sabie 60 adsotkaŭ, Babarykie - 16, Capkały i Cichanoŭskamu - pa 10, Dźmitryjevu - 2, a sumlennym spojleram Čeračniu i Kanapackaj - pa suciašalnamu adsotku. Pa sutnaści paŭtaryŭsia b 2010 hod, ale biez płoščy. Zachad vykazaŭ by svaje fi, ale pryncypova vybary pryznaŭ by. Babaryku zrazumieła nazad u bhpb nie ŭziali b, a pry adsutnaści ŭłasnaj palityčnaj partyi i miakkam supraćdziejańni śpiecury taktyčnaja papularnaść Babaryki pastupova syjšła b. Bo "Razam" by nichto nie zarehistravaŭ, a zachapić AHP u Babaryki, ŭ adroźnieńni ad zachopa Čieračniem BSDH u 2018, naŭradci b atrymałasia. Jak nasamreč adbyłosia - my viedajem, a ŭ vyniku ŭ pałacy čakajuć usiaho - śpiecnaza HRU RF, adkaznaści za saŭdzieł u pucinskaj avantury va Ŭkrainie, ordera z MKS i paŭstańnia "5j kałony zmaharoŭ" ŭnutry.
  • Kub
    08.10.2023
    "Barbuk ličyć, što ŭkład kamandy Capkały — u adpracoŭcy mietodyki źbirańnia podpisaŭ."

    Ja pravilna razumieju, što heta mienavita toje, što kamanda Valery NIE zrabiła. Podpisy jany nie sabrali.... Vo ŭniosak!

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →