Hramadstva33

«Mnie nie soramna ni za adnu siekundu svajho žyćcia». Žurnalist Pavieł Mažejka patłumačyŭ matyvy pavodzin na sudzie

Žurnalista praciahvajuć utrymlivać u hrodzienskaj turmie, dzie jon čakaje razhladu apielacyi na prysud.

Pavieł Mažejka. Fota: sacsietki

U lipieni Paŭła Mažejku asudzili na 6 hadoŭ kałonii ŭzmocnienaha režymu za «sadziejničańnie ekstremisckaj dziejnaści» pavodle artykuła 361-4 Kryminalnaha kodeksa. Žurnalist viny nie pryznaŭ i abskardziŭ prysud. Pryznačany sudom termin jon prakamientavaŭ u adnym ź listoŭ, jaki niadaŭna atrymali svajaki žurnalista, piša Radyjo Svaboda.

«Termin, biezumoŭna, vialiki. Tak doŭha asobna my jašče nie byli. Ale toje, što nas nie źniščaje, pieratvaraje nas u kincuhi», — zaznačyŭ Pavał Mažejka. «Kincuhi» — staražytnaje japonskaje majsterstva sklejvańnia raźbitaj kieramiki, paśla jakoha adnoŭlenaja reč moža vyhladać jašče pryhažejšaj. Hetym majsterstvam zachaplalisia ŭ siamji Paŭła Mažejki.

U tym ža liście na volu žurnalist Mažejka napisaŭ pra matyvy svaich pavodzinaŭ na sudovym pracesie.

«Dla mianie było važnym zachavać honar i hodnaść, nie zmaładušničać. Mnie nie soramna ni za adnu siekundu svajho žyćcia».

Padčas adnaho z pasiadžeńniaŭ Pavieł Mažejka i Julija Jurhilevič demanstratyŭna adviarnulisia. Julija była ŭ aryštanckaj robie z nadpisam «Karcar».

Svajaki Paŭła Mažejki kažuć, što ŭ apraŭdalny vynik apielacyi jon nie vieryć i ŭžo rychtujecca da etapavańnia ŭ kałoniju.

«Paprasiŭ brytvu z patrebnymi charaktarystykami. Taksama rečy z adzieńnia, jakija prydaducca ŭ kałonii. Jašče prasiŭ leki, ale pieradača, jakuju my sabrali, «zavisła». Pakul nie pryniali, skazali, što nibyta nie było ad jaho zajavy», — padzialilisia svajaki palitviaźnia.

Pavodle ich słoŭ, na ŭmovy ŭtrymańnia jon nie skardzicca.

Svajaki nazvali toje, što, na ich dumku, dapamahaje žurnalistu zachoŭvać u źniavoleńni aptymistyčny nastroj.

«Šmat čytaje knih. Udałosia padpisać jaho na niekatoryja pieryjadyčnyja vydańni, prykładam na časopis «Mastactva». Taksama pieradavaŭ, što rehularna hulaje ŭ dvoryku, starajecca nie prapuskać prahułak navat u drennaje nadvorje. Na charčavańnie nie skardzicca, jamu rehularna prychodziać charčovyja pieradačy z voli. Piša, što fizična adčuvaje siabie narmalna. Listujecca ź siamjoj, šle malunki dzieciam i atrymlivaje ad ich listy», — raskazali svajaki pra palitviaźnia Paŭła Mažejku.

Razhlad skarhi Paŭła Mažejki adbudziecca 17 kastryčnika ŭ Viarchoŭnym sudzie Biełarusi.

Paŭła Mažejku zatrymali ŭ žniŭni 2022 hoda pa viartańni ŭ Biełaruś z Polščy i abvinavacili ŭ pieradačy infarmacyi telekanału «Biełsat», jaki byŭ pryznany ekstremisckim.

U hrodzienskaj turmie № 1 u žurnalista bačyli ślady pabićcia, pra jakija jon tłumačyŭ, što heta nastupstvy zatrymańnia.

U Paŭła Mažejki było paškodžańnie nad vokam i ślady ad kajdankoŭ na rukach, jakija zachavalisia ŭ žurnalista i praź niekalki miesiacaŭ paśla zatrymańnia. Taksama krynicam viadoma, što ŭ pieršyja miesiacy znachodžańnia ŭ haradzienskim SIZA Pavał Mažejka pabyvaŭ u karcary.

Kamientary3

  • Anž
    04.10.2023
    Sapraŭdny hieroj! Siłaŭ i mocy kab vytrymać usie pakuty i dažyć da voli
  • Sudździa ú adstaúcy
    04.10.2023
    Biesspornoje jarkoje dokazatielstvo naličiestvujuŝieho fašizma-totalitarizma eto ohraničienije svobody priessy. Uhołovnoje prieśledovanije žurnalistov za ich profieśsionalnuju diejatielnosť - eto dvojnoje priestuplenije. Biez svobodnoj priessy hraždan možno obołvanivať propahandoj, vrańjem skolko uhodno. Riezultaty my vidim s 96 hoda. Vsie pričastnyje k prieśledovaniju žurnalistov otvietiat po vsiej surovosti zakona! tiuriemnyje sroki s konfiskacijej i požiźniennym zaprietom na lubuju hossłužbu.
  • daviedka
    04.10.2023
    Nikołaj Šviec poviedał včiera na BT, čto postojanno nachoditsia i dažie śpit v naručnikach v kamierie SIZO KHB.

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →