Mierkavańni1616

Doktar patłumačyŭ padtrymku Pucina hibrystafilijaj

Vajna ahaliła pytańnie, čamu vialikaja kolkaść ludziej stanoŭča adhukajecca pra Pucina, choć, zdajecca, što ŭsie hetyja ludzi suprać usiaho drennaha za ŭsio dobraje. Doktar Andrej Biełavieškin prapanavaŭ svajo tłumačeńnie hetamu.

Pavodle jaho, sprava ŭ hibrystafilii.

Hibrystafilija — heta ŭ vuzkim sensie eratyčnaja ciaha da ludziej, jakija ździajśniajuć złačynstvy, a ŭ šyrokim sensie — ciaha da partnioraŭ abo ludziej, jakija aktyŭna prajaŭlajuć rysy asoby ciomnaj tryjady-tetrady (psicha, sacyjapatyja, narcysizm, makijavielizm, sadyzm), tłumačyć doktar.

Žančyny, jakija aktyŭna zastupajucca za hvałtaŭnikoŭ, što ich źbivajuć; mihranty, jakija padtrymlivajuć Trampa, što abražaje ich; abyvacieli, jakija padtrymlivajuć pravadyroŭ, jakija ich abkradajuć, abražajuć i zabivajuć; karystalniki sacsietak, što łajkajuć narcysa, jaki źnievažaje ich — usiudy my bačym iracyjanalnyja pavodziny, pryvodzić prykłady Biełavieškin.

Pry hetym cikava, što navat uśviedamleńnie hetaha nie mianiaje pavodziny, padkreślivaje doktar.

Pavodle daśledavańniaŭ, žančyny, jakija adčuvajuć ciahu da złačyncaŭ, uśviedamlali nienarmalnaść i niebiaśpieku hetaha, ale siła ciahi ad hetaha nie źnižałasia. Pry hetym čym bolš kryvavyja byli złačynstvy, tym macniejšaja ciaha: sieryjnyja zabojcy abo terarysty źbirajuć sotni prychilnic i tysiačy listoŭ z pryznańniami ŭ kachańni, piša Biełavieškin.

Jak paŭstała heta zjava? Z punktu hledžańnia evalucyjnaj psichałohii, archaičnyja płasty našaj psichiki błytajuć antysacyjalnyja pavodziny, prymatavaść z sacyjalnym statusam, ličyć doktar.

Kaliści ŭ ijerarchičnych zhrajach prymataŭ pravadyr trymaŭsia na pakarańniach i prynižeńniach astatnich členaŭ zhrai i hetym padtrymlivaŭ svoj aŭtarytet. Ale časy prajšli, i ŭłasna Homo sapiens raźvilisia ŭ ehalitarnych plamionach.

«Tak, školnic mohuć pryciahvać «drennyja chłopčyki», ale bolšaść dziaŭčatak pierarastajuć heta, a «drennyja chłopčyki» traplajuć na zonu abo pamirajuć ad cyrozu piečani.

Tym nie mienš, pry vysokim uzroŭni stresu, niaŭpeŭnienaści, niavyznačanaści, adčuvańni pahrozy psichika rehresuje da archaičnych pieravah. Časta ciaha da złačyncaŭ stanovicca vynikam hvałtu abo žorstkaha abychodžańnia ŭ dziacinstvie, adzinoty i nizkaj samaacenki.

Infantylnamu abo zapałochanamu vybarščyku pačynajuć padabacca «drennyja chłopčyki», jakija parušajuć praviły, padtrymlivajuć destruktyŭnyja i złaślivyja impulsy, naprykład, kryŭlajucca, ździekujucca sa słabych», — piša Biełavieškin.

Pavodle daśledavańniaŭ, nośbity ciomnaj tryjady mohuć zdavacca «sapraŭdnymi mužykami», «hodnymi lidarami», u paraŭnańni ź jakimi inšyja palityki — heta prosta «miamli» i «batany», tłumačyć jon.

Trapiŭšy va ŭładu, nośbity ciomnaj tryjady pačynajuć pavodzić siabie jak narkamany — im chočacca bolš.

Biespakaranaść raspalvaje złačyncaŭ i padšturchoŭvaje ich da bolš ciažkich złačynstvaŭ. Lubyja demakratyčnyja abmiežavańni vyklikajuć u ich lutaść, prahu nieabmiežavanaj u časie i ŭ mahčymaściach ułady, mahčymaść biespakarana zabivać, hvałtavać i rabavać.

Usio heta vabić hibrystafiłaŭ, miarkuje doktar.

Mienavita tamu jany raspalvajucca pry najaŭnaści nośbitaŭ takoj absalutnaj ułady. Tajemna žadajučy jaje, jany hatovyja vysłužvacca pierad «mocnymi hetaha śvietu», jak, naprykład Tramp i Mask pierad Pucinym — tamu, što ščyra zachaplajucca ŭzroŭniem jaho ŭłady.

Biełavieškin prapanuje łajfchak: «Padtrymlivaješ Pucina? Ty ci złačyniec, ci chočaš im stać».

Što ž z hetym zrabić?

Zrazumieć, što ahresiŭnaść i chamstva — heta nie prajava lidarstva i ŭpeŭnienaści, a archaičnyja płasty psichiki, kali ŭ prymatach pravadyr — heta toj, chto zabivaje supiernikaŭ i pastajanna prajaŭlaje ahresiju ŭ adnosinach da astatnich asobin statka.

Pavažać čałaviečyja jakaści: sumlennaść, vietlivaść, pryncypovaść, prytrymlivańnie ideałaŭ. Dla prymatyvaha rozumu «praviły» abo vietlivyja pavodziny — heta słabaść.

Šanavać instytuty. Usie sapraŭdnyja čałaviečyja instytuty — heta ŭtajmavańnie i vychavańnie, plon rozumu, plon damoŭlenaściaŭ, uzajemapavahi, viery ŭ čałaviečy patencyjał. Jak i ŭsio dobraje, heta doŭha i ciažka stvarajecca i lohka rujnujecca, piša Biełavieškin.

Kamientary16

  • Čarkaškvarka
    04.10.2023
    Šyzija. Mazaičnaja. Heta zaraznaje. Tamu što šyziki sami, jak i jany, chvoryja...
  • Žvir
    04.10.2023
    Heta  nie toje. Tut viadziecca pra inšaje, pra inšuju zjavu. Heta nia moža tyčycca socyjuma, alie tolki asobnych pryvatnych vypadkaū. 
    Socyjum sam pa sabie nivieliuje takija rečy, praz najaūnasc zdarovaj alternatyvy, jakaja pieravažaje. 
    U vypadku Rasieji i Bielarusi, nahoda -  hliabaļnaja doūhaterminovaja dezaryjentacyja hramadztva i hvalt, u jakasci alternatyvy. Tolki i ūsiaho. 
    Pry hetym Bielaruskaje hramadztva zboļšaha zachavala rozum, u Bielarusi dezaryjentacyja nie haloūny čyņnik, haloūny čynnik -  hvalt, bo zanadta vidavočnaja nieracyjanaļnasc, i prazmiernaja tupizna haloūnaha "žraca", nie padmanula pryrodnuju zaščytu zdarovaj psychiki baļšyni hramadztva, i dezaryjentacyja nie prakacila. 
    U hetym adyhrala svaju niemaluju roliu i blizkasc Bielarusi da narmaļnych susiedziaū, što davala bielarusam mahčymasc naviedvacca da ich i, u svaju čarhu, silkavala i ūmacoūvala zdarovy sens kankretnym prykladam racyjanalnaj alternatyvy, jakuju ūnutry krainy sustrec bylo ciažka...
  • Akaryna
    04.10.2023
    >Tramp i Mask pierad Pucinym — tamu, što ščyra zachaplajucca ŭzroŭniem jaho ŭłady

    Heta jany, doktar, vam asabista skazali? A zaraz jany z vami ŭ adnym pakoi?

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →