Za apošnija sutki rasijanie nanieśli kala 100 avijaŭdaraŭ i zapuścili 40 «Šachiedaŭ» — Hienštab Ukrainy
Rasija naniesła čarhovy ŭdar pa Ukrainie, zapuściŭšy kala 40 iranskich udarnych BPŁA typu «Shahed-136/131» z paŭdniovaha napramku. Siłami SPA źniščana 30 varožych dronaŭ u miežach Adeskaj, Mikałajeŭskaj i Vińnickaj abłaściej, havorycca ŭ zvodcy Hienštaba USU.
U vyniku rasijskich atak bieśpiłotnikami jość zahinułyja i paranienyja siarod cyvilnaha nasielnictva. Razbureńni i paškodžańni atrymali pryvatnyja žyłyja damy i inšaja hramadzianskaja infrastruktura, paviedamlaje Hienštab.
Siły abarony Ukrainy praciahvajuć abaronu na ŭschodzie i poŭdni Ukrainy, nastupalnaj apieracyi na Mielitopalskim, a taksama na Bachmuckim kirunku.
Za minułyja sutki adbyłosia 38 bajavych sutyknieńniaŭ. Rasijanie nanieśli 8 rakietnych i 99 avijacyjnych udaraŭ, ździejśnili 45 abstrełaŭ z reaktyŭnych sistem załpavaha ahniu jak pa pazicyjach ukrainskich vojskaŭ, tak i pa hramadzianskich abjektach našaj dziaržavy, paviedamlaje Hienštab.
Avijacyjnyja ŭdary zaznali Čarnihaŭskaja, Łuhanskaja, Danieckaja, Zaparožskaja, Chiersonskaja vobłaści.
Pad artyleryjskim ahniom akazalisia bolš nasielenyja punkty Čarnihaŭskaj, Sumskaj, Charkaŭskaj, Łuhanskaj, Danieckaj, Zaparožskaj i Chiersonskaj abłaściej.
Kamientary