Ekanomika1818

«Źniali ź jaho niasłaba». Bankructva pahražaje «Vostravu čyścini»

Kampanija «Romaks», jakaja kiruje «Vostravam čyścini i smaku» dy «Vostravam zdaroŭja», sutykajecca ź finansavymi ciažkaściami. Vializny vykup łukašystam za vychad ułaśnika ź SIZA, prablemnaja biznes-madel i ekanamičnyja šoki pahražajuć paznavalnaj kampanii nakaŭtam. Heta chvaluje rynak i rabotnikaŭ: «Vostraŭ čyścini» — adzin z najbolšych pryvatnych pracadaŭcaŭ krainy.

«Vostraŭ čyścini» pradaje nie tolki bytavuju chimiju, ale i pradukty, i ałkahol. Fota: Naša Niva

«Vostraŭ čyścini» — adzin z dvuch najbujniejšych handlaroŭ pobytavaj chimijaj u Biełarusi. Tavary dla čyścini, rečy dla kuchni i hetak dalej — heta toje, z čaho jany pačynali. 

Z časam jany pašyryli prapanovu tavaraŭ i stali «Vostravam čyścini i smaku», a taksama zapuścili sietku sa 100 aptek «Vostraŭ zdaroŭja». 

U siehmiencie handlu chimijaj «Vostraŭ čyścini» sastupaje pa pamierach tolki «Mile», maje 650 kram va ŭsioj krainie. 

Kiruje kramami i brendami hrupa kampanij «Romaks». Jaje asnoŭnyja bienieficyjary — siamja Viktara Ramuka. Na Ramukoŭ pracujuć bolš za 7000 čałaviek. 

Viktar i Aksana Ramuki

Viktara Ramuka razam z žonkaj aryštoŭvali vosieńniu 2022-ha.

Čytajcie taksama: 

«Užo niekalki sutak nie možam da ich dazvanicca»: DFR z maski-šou pryjšoŭ u «Vostraŭ čyścini»

Zatrymany hiendyrektar «Vostrava čyścini» Viktar Ramuk

Niejki čas Ramuk pravioŭ u SIZA i, pa infarmacyi surazmoŭcaŭ «Našaj Nivy», vyjšaŭ pa zvyčajnaj schiemie, pahadziŭšysia vypłacić łukašystam naličanyja štrafy. 

«Źniali ź jaho niasłaba», — kažuć našy surazmoŭcy, nazyvajučy sumu 7 miljonaŭ dołaraŭ. 

Dla łukašenkaŭskaj Biełarusi vykupy stali zvyčajnaj praktykaj. Najbolš za vychad, jak ličycca, niekali zapłaciŭ ułaśnik «Siervaluksa» Jaŭhien Baskin. Tam dvuchznačnaja ličba, 35 miljonaŭ dołaraŭ. 

Čytajcie taksama: «Nie svołač». Jak multymiljanier Baskin niečakana trapiŭ u sankcyjnyja śpisy. Daśje

Nakładzienyja štrafy pachisnuli i biez taho niestabilnuju finansavuju situacyju ŭ kampanii, ličać surazmoŭcy «Našaj Nivy», jakija pradrakajuć «Romaksu», kali nie zdarycca cudaŭ, bankructva ŭ pierśpiektyvie šaści miesiacaŭ.

«Ramuk zaŭsiody bolš dumaŭ pra maštabavańnie, čym pra jakaść kiravańnia. Skažam ščyra, što mieniedžmient u jaho zaŭsiody byŭ biestałkovy, ale chiby ŭ finansavaj madeli i kiravańni asabliva nie prajaŭlalisia, pakul rynak pior», — ličyć adzin z našych surazmoŭcaŭ, čyja kampanija adzin z kontrahientaŭ «Romaksa». 

«Kab zrazumieć, nakolki heta byŭ sałodki biznes i jakuju zorku jon złaviŭ, možna paraŭnać ceny na adnolkavyja myjnyja abo hihijeničnyja srodki za miažoj i ŭ Biełarusi. Nu i lubaja haspadynia, kaniečnie, imkniecca karystacca impartam, bo ličycca, što jon i lepšy, i na daŭžej chapaje», — kaža inšy surazmoŭca. 

«U vyniku, złaviŭšy zorku na rytejle chimii, im pačało zdavacca, što ŭsio ŭ Biełarusi tak pracuje. Tolki biary i pradavaj. Jany ŭleźli ŭ pradukty, ałkahol i, što samaje strašnaje, u farmaceŭtyku. I tut pad usie jahonyja płany jamu 713-ty ŭkaz — na!

Skaračeńnie kupčaj zdolnaści, rost cany impartu praz padzieńnie rubla, abmiežavańnie maksimalnaj nacenki pa 713-m ukazie, padaražeńnie kredytaŭ, pahašeńnie abaviazkaŭ pa kryminalnaj spravie. Tut prosta ŭsio suprać jaho syhrała, nu i hihantamanija zahubiła — u takich umovach ich biznes-płany nie sychodziacca z samymi piesimistyčnymi prahnozami dla akupnaści. Ciapier užo jasna, što treba było dumać pra jakaść, a nie pra rost», — daje acenku adzin ź biełaruskich bankiraŭ. 

«Vostraŭ čyścini» nie toje što vielmi zakredytavany, ale ŭ jaho i vielmi šyroki partfiel. Tam bolš za 10 kredytoraŭ. A ŭjavić, što 10 biełaruskich bankaŭ źbiarucca za adnym stałom, kab damovicca i vyratavać kampaniju… nie, takoje małaimavierna. Pakul što kožny sprabuje dastać svajo ź jašče žyvoj kampanii, razumiejučy, što praz paŭhoda tam budzie bankructva i ty stanieš u čarhu kredytoraŭ, u jakoj budzieš i nie pieršym, i nie druhim. Voś tady ŭžo jany buduć damaŭlacca, moža być, a pakul heta nikomu nie treba», — dadaŭ inšy bankir, znajomy ź situacyjaj. 

Niekatoryja ŭdzielniki rynku i bankiry sychodziacca ŭ dumcy, što varta čakać bankructva «Romaksa» ŭ pierśpiektyvie šaści miesiacaŭ. Kali nie zdarycca cudaŭ. 

Nahadajem, niadaŭna ŭ Biełarusi zahinuła sietka kramaŭ «Chatni». Ź vialikimi namahańniami i stratami z kryzisu sprabuje vykaraskacca «Vitalur», abapirajučysia na intares kankurenta — «Santy», jakaja paŭdzielničała ŭ ratavańni sietki pazykami i arendaj płoščaŭ. 

«Chto daść hrošaj «Romaksu», nie zusim jasna, tamu što toj, kamu b u teoryi mahło być cikava — inšy rytejł, — sam sutykajecca z tymi samymi prablemami, što i Ramuk. U kaho bolš prablem, u kaho mienš. Častka kampanij sapraŭdy trymajecca tolki na lepšaj finansavaj madeli i starych zapasach. I pašyracca siońnia ryzykoŭna.

U toje, što dapamohuć ruskija, ja nie vieru, tam niama durnych leźci na śpiecyfičny rynak pad 713-y ŭkaz, kali heta nie schiema, jak z Wildberries. 

Nu i ŭ «Romaksa» składanaja struktura biznesu, tam šmat kirunkaŭ: vytvorčaść, rytejł, impart. Usio aformlena na roznych ludziej, usio jak by paasobku, jak z hetym raźbiracca źniešniamu hulcu, mnie asabista niezrazumieła», — kaža surazmoŭca «Našaj Nivy».

Hrupa kampanij Ramuka — adzin z najbolšych pryvatnych pracadaŭcaŭ Biełarusi, u joj pracujuć 7000 čałaviek, tamu napružanaja finansavaja situacyja vyklikaje ŭ ludziej tryvohu.

«Daviadziecca šukać inšuju pracu. A dzie šukać?» — pieražyvaje adna z pradavačak. 

Ci stanie paśla śmierci «Romaksa» pobytavaja chimija ŭ Biełarusi tańniejšaj?

«Nie. Bolšaja kankurencyja heta zaŭsiody lepš, čym jaje adsutnaść. U niejkim nievialikim horadzie dźvie kramy, umoŭna, «Miła» i «Vostraŭ čyścini». Jany jašče niejak pamiž saboj badajucca, źnižki robiać, sprabujuć dzieści źnizić canu ŭ paraŭnańni z kankurentam. Kali hetaha nie stanie, ludzi pačnuć płacić jašče bolš. Usio prosta», — reziumavaŭ surazmoŭca «Našaj Nivy». 

«Naša Niva» — bastyjon biełaruščyny

PADTRYMAĆ

Kamientary18

  • mikola
    30.09.2023
    Idyioty ! Znisczac usio dobrae-tannae.....Ne mazliva vesci Narmalny Biznes u getai Kraine !
  • daviedka
    30.09.2023
    U sieti «Ostrov čistoty i vkusa» mahaziny jesť dažie v krupnych ahrohorodkach, no cieny na hihijeničieskuju produkciju, tu žie zubnuju pastu, v poślednije miesiacy vźletieli v nieskolko raz. Vidannoje li dieło, kohda-to diešiovyje biudžietnyje pasty užie stojat dorožie iźviestnych briendov. Sama biźnies-modiel biełorusskoho ritiejła poroj otkrovienno udivlajet, o čiom možno sudiť na primierie iźviestnoj polskoj tualetnoj bumahi «Regina», importiorom kotoroj vystupajet matierinskaja kompanija sieti «Miła», no pri etom v konkurirujuŝiem «Emall» ona stoit v połtora raza diešievle, čiem v mahazinach samoj sieti «Miła».
  • *
    30.09.2023
    jakaja tam čyścinia... la hetych mahazinaŭ, jak i ŭnutry ich čamuści tak brudna

Rasijski šachied vybuchnuŭ za 55 km ad Babrujska16

Rasijski šachied vybuchnuŭ za 55 km ad Babrujska

Usie naviny →
Usie naviny

Maładoj ajcišnicy pahražaje da dziesiaci hadoŭ kałonii za achviaravańni Ukrainie7

Pamior Michaił Vierhiejenka1

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva6

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Hałoŭnaje
Usie naviny →