Volha Šnip. Fota: asabisty archiŭ

Volha Šnip. Fota: asabisty archiŭ

«Heta pieršy punkt dla mastakoŭ «Doma tvorcaŭ», jaki moža ŭzraści da niečaha bolšaha — a heta ŭžo ŭ płanach», — raskazvaje Vola pra halereju, jakaja abjadnała 15 mastakoŭ. Siarod ich Antoś Radzivonaŭ, Tasia Vałoška, Michaś Čyboŭski, Viktar Siarhiej, Volha Šnip. I ŭsio ž bolšaść rabot u halerei — ananimnyja.

«Nie ŭsie mohuć padpisvacca svaimi sapraŭdnymi imionami pa zrazumiełych nam usim pryčynach. I heta vielmi baluča. Ale, źbirajučy tvory ŭ katałoh, my takim čynam možam zachoŭvać tvory i davać roznym ludziam mahčymaść paznajomicca z hetymi pracami. Chaj navat pakul bieź imion», — adznačaje Volha. 

Zrešty, na situacyju možna pahladzieć i ź inšaj pierśpiektyvy:

«Zatoje jak cikava budzie potym daznacca ŭ budučyni, što ty kaliści nabyŭ karcinu voś takoha biełaruskaha mastaka!»

S-T. Pałatno, akrył. 2023 hod 

S-T. Pałatno, akrył. 2023 hod 

«Nad katałoham asabista pracuju ja. Ale mnie na radaść źjaviłasia adna vielmi talenavitaja mastačka Daša, jakaja dapamahaje. Joj pryvitańnie», — praciahvaje svoj apovied Volha.

Hladzieć halereju «Doma tvorcaŭ»

«U našaj halerei — pracy mastakoŭ, jakija prajšli tym ci inšym šlacham praz «Dom tvorcaŭ», jaho roznyja prajekty, rezidencyi, vystavy. Tamu my ŭsich nazyvajem ź luboŭju «našymi» mastakami. Ale jość i aŭtary, jakija pišuć nam u asabistyja z prośbaj ab raźmiaščeńni ich prac u katałohu. I my adkrytyja da zvarotnaj suviazi i zaŭsiody idziom nasustrač. Bo naša meta — paznajomić śviet z raznastajnaściu stylaŭ, technik i žanraŭ biełaruskaha mastactva».

U halerei — samyja roznyja raboty. Pieravažna heta žyvapisnyja pałotny, košt jakich startuje ad 100 dołaraŭ. Samaja darahaja praca — 1500.

Michaś Čyboŭski. Pałatno, akrył. 2023 hod

Michaś Čyboŭski. Pałatno, akrył. 2023 hod

— Vola, a što ciabie kranaje ŭ hetym prajekcie?

— Toje, što, niahledziačy na ŭsiakija ciažkaści, ź jakimi my sutykajemsia, z našym biaskoncym altruizmam dziela papularyzacyi biełaruskaha mastactva my nie spyniajemsia. A našy mastaki ŭražvajuć svaimi pracami, svaimi dumkami, idejami i svaim asabistym śvietam.

— Jość lubimyja karciny ŭ katałohu?

— Mnie šmat tvoraŭ padabajecca. Ja lublu roznaje mastactva. I, darečy, sam «Dom tvorcaŭ» ja ŭpryhožvaju karcinami našych mastakoŭ. I dla kožnaj pracy znachodzicca svajo miesca. Ale ścien nie tak šmat, tamu ja pieryjadyčna mianiaju našu stacyjanarnuju halereju, kab astatnim karcinam nie kryŭdna było.

Antoś Radzivonaŭ. Pałatno, alej. 2023 hod

Antoś Radzivonaŭ. Pałatno, alej. 2023 hod

Lubuju pracu z anłajn-katałoha možna zamović z dastaŭkaj pa ŭsim śviecie. Volha kaža, što halereja budzie abaviazkova papaŭniacca novymi pracami, bo navat ciapier heta daloka nie ŭsie karciny i nie ŭsie mastaki, jakija prajšli praz prajekt.

— Chutka buduć novyja pracy. I katałoh stvorany takim čynam, kab my mahli jaho zaŭsiody abnaŭlać. Tamu sačycie za našymi navinami.

Mastactva, na moj pohlad, — heta najlepšy padarunak. A nabyvajučy mastacki tvor, vy sapraŭdy dapamahajecie ŭ raźvićci adnoj z halin našaj kultury.

Čytajcie taksama:

Žerar Depardjo pradaŭ skulpturu ŭradženca Biełarusi — pradstaŭnika Paryžskaj škoły

«Prynižaŭ razumovyja zdolnaści studentak». Čamu ŭ Vilni sa skandałam admianili vystavu biełaruskaha mastaka

Nahavory i stukactva, pakaznaja łajalnaść, kvaterniki i mižsabojčyki. Apublikavany vyniki apytanki dziejačaŭ kultury ŭnutry Biełarusi

Клас
15
Панылы сорам
0
Ха-ха
2
Ого
0
Сумна
0
Абуральна
2