Hramadstva66

Zatrymali byłoha vykładčyka BDUIR. Za kamientary, jakija jon daŭno vydaliŭ — HUBAZiK pakazaŭ, jak ich zachoŭvaje

Imavierna, ciapier zatrymany mužčyna za kratami.

Vital Drazdoŭ. Fota: jahonaja staronka «UKantakcie» (archiŭnaja kopija)

Zatrymanamu Vitalu Drazdovu 30 hadoŭ. Jon minčuk, vučyŭsia ŭ 129-j škole ŭ Sierabrancy, a paśla pastupiŭ u Licej №2, jaki znachodziŭsia tamsama. Ad 2009 da 2014-ha Vital vučyŭsia ŭ BDUIR na fakultecie kampjutarnaha prajektavańnia, a paśla pastupiŭ u mahistraturu na śpiecyjalnaść «Psichałohija pracy, inžyniernaja psichałohija, erhanomika». Paśla zastaŭsia pracavać asistentam na kafiedry inžyniernaj psichałohii i erhanomiki.

Znajomyja mužčyny raspaviadajuć, što jon vielmi tvorčy čałaviek. «Jon artystyčny, na niejkim sportkary starym haniaŭ va ŭnivier. Pieŭ, zdymaŭ akciorskija videa, kaspłeiŭ, čytaŭ rep i prydumlaŭ šmat žartaŭ. Vielmi kruty čałaviek, niefarmatny.

U čatach jon byŭ zorkaj, bo maje vielmi dobraje pačućcio humaru. Paśla 2020-ha jaho z univiersiteta zvolnili, čym jon zajmaŭsia dalej, ja nie viedaju», — kaža naš surazmoŭca.

Ciapier Vitala zatrymali. Hubazikaŭcy śćviardžajuć, što jon raniej napisaŭ 15 000 kamientaroŭ, ale daŭno ich vydaliŭ. Pakazali jany i toje, jak siłaviki ich «vyciahvajuć» — na skrynšocie pakazanaja častka starych paviedamleńniaŭ zatrymanaha mužčyny z čata «[Nia]mirny BDUIR», pratesnaha čata aktyvu ŭniviersiteta.

Kavałki paviedamleńniaŭ Vitala, jakija pakazaŭ HUBAZiK

Vyhladaje tak, što ŭ ich nie było na momant 2020 hoda aŭtamatyzavanaj sistemy dla analizu čataŭ (jakuju jany pakazali raniej) i jany prosta impartavali ich całkam — hetaja funkcyja ŭ telehramie isnuje ŭžo daŭno. Paśla jany majuć mahčymaść zachoŭvać ich prosta ŭ vyhladzie fajłaŭ na kampjutarach i «dastavać» pry patrebie. U takim vypadku niknejmy buduć staryja, bo jany nie abnaŭlajucca. Technična heta vielmi niedaskanałaje rašeńnie, ale jano pracuje.

Taksama Vitala zmušajuć kazać, što jon «administratar čata BDUIR». Praŭda, našy surazmoŭcy heta asprečvajuć. «Ja nie viedaju, jakoha čata BDUIR jon administratar, ale da viadzieńnia «[Nia]mirnaha» jon dačynieńnia nie maje. Adminam jon tam nikoli nie byŭ — nie pamiataju, moža, tam u jaho dziela žartu była niejkaja asobnaja paznaka. Moža, jany sprabujuć vydać niejki čat nakštałt «Abituryjenty kafiedry» abo ŭnutrany čat supracoŭnikaŭ za niešta značnaje? Ja nie viedaju».

Ciapier mužčyna, jak vyhladaje, za kratami — kala tydnia jaho nie było ani ŭ jakich sacsietkach. 

«Naša Niva» — bastyjon biełaruščyny

PADTRYMAĆ

Kamientary6

  • viestki z Kitaja
    26.09.2023
    Spadziajusia na videa buduć patrabavać nazvać zarobak u VNU?
  • Njoy
    26.09.2023
    Jaki ž “biezopasnyj” miesandžar zrabiŭ rasiejac Duraŭ - z funkcyjaj ekspartu ŭsiaho źmieściva čataŭ razam ź infoj ab karystalnikach, z pastajannymi źlivami dannych, dzirkami i bahami, jakija nie vypraŭlajucca hadami. A kožny karystalnik telegram, u jakoha vy jość u telefonavaj knižcy, bačyć vaš telefonny numar u telegram, a taksama atrymlivaje paviedamlenni ad telegram, što vy źmianili akaunt. I višeńka na torcie u vyhladzie admysłovych botaŭ dla śpiecsłužb, jakija skanujuć, źbirajuć i akumulujuć usio hetyja dadzienyja kab možna było “prabić” luboha karystalnika. Pryčym hetyja boty Duraŭ navat nie błakuje. Nie prahrama, a prosta niejkaja nievierahodnaja kazka i padarunak dla fsb/khb.
  • Čorny Kocik
    26.09.2023
    Njoy, kožny chto razumieje što apošnija 30 hadoŭ suprać biełarusaŭ i Biełarusi idzie vajna i hienacyd pavinien navučycca chavać svaju asobu, nie krystacca mesandžarami z pryviazkaju pa numaru telefonu i źviazanymi z Mordaram, vykarystoŭvać unikalnyja imiony, časovuju poštu, šyfravańnie i h.d.. Nu ničoha, dubcami, kanclahierami i kulami ŭ patylicu biełarusaŭ ź ciaham času navučać kiberbiazpiecy, historyi, movie, kanśpiracyi i tamu chto jość sapraŭdny vorah. Kali ŭsio nijak nie mohuć navučycca sami.

Stała viadoma pra aryšt historyka Ihara Mielnikava7

Stała viadoma pra aryšt historyka Ihara Mielnikava

Usie naviny →
Usie naviny

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

Jeŭrasajuz pačynaje pieramovy pra biaźvizavy režym z Armienijaj3

Biaźvizam u Biełaruś pieršym skarystaŭsia hramadzianin Hiermanii9

Zianon Paźniak vydaŭ čarhovuju knihu19

U čornych busłoŭ u Biełarusi stała vyvodzicca bolš ptušaniat. U čym pryčyna?

bolš čytanych navin
bolš łajkanych navin

Stała viadoma pra aryšt historyka Ihara Mielnikava7

Stała viadoma pra aryšt historyka Ihara Mielnikava

Hałoŭnaje
Usie naviny →