Śviet22

U Niamieččynie vystavili abvinavačvańni 99-hadovamu eks-šarahoŭcu — apošniamu achoŭniku kancłahiera Zaksienchaŭzien

Jaho vinavaciać u bolš jak 3300 zabojstvach.

Šylda «Praca vyzvalaje» nad uvachodam u kancłahier. Hetaje vysłoŭje stała adnym ź simvałaŭ nacysckaha režymu. Fota: Wikimedia Commons

Hrehar Farmaniek žyvie ŭ nievialikim miastečku na zachadzie krainy razam z žonkaj. Pavodle adukacyi jon kandytar. Jon naradziŭsia ŭ Rumynii ŭ niamieckaj siamji. A ŭ lipieni 1943 h. ustupiŭ u SS. Da kanca vajny jon byŭ achoŭnikam kancłahiera Zaksienchaŭzien niedaloka ad Bierlina, paviedamlaje Bild.

U 1947 hodzie saviecki vajenny sud prysudziŭ jaho da 25 hadoŭ turmy. Jon adsiedzieŭ 10 hadoŭ. U dakumientach HDR jaho abvinavačvali ŭ «złačynstvach suprać čałaviečnaści» i «špijanažy». Niadaŭna reparcioram brytanskaj haziety Sun udałosia vysačyć i sfatahrafavać piensijaniera. Jon admoviŭsia ź imi razmaŭlać.

Niekalki tydniaŭ tamu prakuratura Niamieččyny vystaviła suprać jaho novyja abvinavačvańni ŭ dačynieńni da bolš jak 3300 zabojstvaŭ u Zaksienchaŭzienie. Ciapier sud maje vyrašyć, ci adkryvać praces na ich asnovie.

Adnym z pazoŭnikaŭ moža stać 96-hadovy Simon Rotšyld, nad jakim u kancłahiery stavili miedycynskija dośledy.

Na dumku ekśpiertaŭ, dziejazdolnaść Farmanieka abmiežavanaja. Imavierna, jon stanie apošnim achoŭnikam z Zaksienchaŭziena, jaki adkaža za svaje dziejańni. Ciapier rasśledavańnie viadziecca ŭ dačynieńni da čatyroch čałaviek.

***

Łahier Zaksienchaŭzien byŭ stvorany ŭ lipieni 1936 hoda ŭ vakolicach horada Aranijenburh pad Bierlinam. Kolkaść viaźniaŭ u roznyja hady dachodziła da 60 000 čałaviek. Na terytoryi łahiera roznym čynam zahinuła zvyš 100 000 čałaviek. Savieckaja armija vyzvaliła jaho ŭ mai 1945 hoda i zrabiła tam łahier dla pieramieščanych asob.

Padčas nacysckaha panavańnia ŭ łahiery siadzieli syn Stalina Jakaŭ Džuhašvili, Ściapan Bandera, hienierał Dźmitryj Karbyšaŭ.

Kamientary2

  • Duvet
    26.09.2023
    Spadziajusia što tak sama buduć sudzić i siońniašnich łukašenaŭskich karnikaŭ
    za złačynstva suprać čałaviečnaści jakija nie majuć terminu daŭnaści. Sudzić u volnaj Biełarusi niahledziačy na ich ŭzrost.
  • mikola ramanau
    26.09.2023
    Duvet, / Zgodzen na use 100% ! Ja b ih(kali dazyvu) z Magilau  Vykoupau kab asudzic !

Raniej terminu vyjšaŭ na volu staršynia AHP Mikałaj Kazłoŭ

Raniej terminu vyjšaŭ na volu staršynia AHP Mikałaj Kazłoŭ

Usie naviny →
Usie naviny

«Maja daŭniaja mara — žyć u Ispanii — akazałasia rasčaravańniem». Saliharčanka try hady pažyła ŭ Alikante i viarnułasia ŭ Biełaruś54

Pudynh, pica i roł — niebanalnyja stravy z bulby

Kašteli, ranety, piepinki: usio pra staryja biełaruskija sady i sarty. I dzie ich kupić4

Niekatorym žurnalistam ź Biełarusi zabaranili aśviatlać Alimpijadu3

Jakoha nadvorja čakać biełarusam na nastupnym tydni

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu20

bolš čytanych navin
bolš łajkanych navin

Raniej terminu vyjšaŭ na volu staršynia AHP Mikałaj Kazłoŭ

Raniej terminu vyjšaŭ na volu staršynia AHP Mikałaj Kazłoŭ

Hałoŭnaje
Usie naviny →