Usiaho patrochu88

«Dakładna 10 rubloŭ?» Biełaruska raskazała, jak pradavała 18-hadovy noŭtbuk

Žančyna ŭ peŭny momant vyrašyła rasstacca sa stareńkim, ale aryhinalnym hadžetam. Vykidać jaho było škada, a za simvaličnuju płatu, zdavałasia, jon sydzie lohka i prosta. Ale ŭ vyniku było krychu nie tak, piša Tochka.by.

Noŭtbuk Toshiba Satellite A80 Ina (imia źmieniena) kupiła ŭ 2005 hodzie ŭ Paŭdniovaj Karei. U toj čas brend byŭ adnym ź lidaraŭ u vytvorčaści mabilnych hadžetaŭ, a madel ličyłasia pieradavoj.

Hadžet byŭ nabyty ŭ najbujniejšym handlovym centry bytavoj techniki i elektroniki «Jensa». Ina adpraviłasia tudy z kalehami pa tancavalnym kalektyvie, ź jakim vystupała ŭ parku zabaŭ niedaloka ad Sieuła. Dziakujučy «masavaści» biełarusam zrabili dobruju źnižku, a taksama padaryli myšku, kilimok i sumku.

Tahačasnuju canu noŭtbuka za daŭninoj padziej Ina ŭžo nie pamiataje, a ciapier pry prodažy vyrašyła pastavić čysta simvaličny košt. Nie tolki z-za ŭzrostu, ale i z-za złamanaha trymalnika viečka, z-za čaho noŭt adkryvaŭsia na 180 hradusaŭ, a z dynamikaŭ vychodziŭ skažony huk.

Cana pytańnia

U svoj čas Satellite A80 pierajšoŭ da baćkoŭ Iny, ale z ulikam pałomki i kolkaści novych nabytych hadžetaŭ urešcie akazaŭsia lišnim.

Elektronika za svajo žyćcio paśpieła pabyvać u rukach ramontnikaŭ, jakija chvalili jaje jakaść i źviarnuli ŭvahu, što mnohija detali ŭ tyja časy rabilisia z kaštoŭnych mietałaŭ, tamu ŭ «mašynie» možna znajści što-niebudź sapraŭdy kaštoŭnaje.

Fota pradastaŭleny surazmoŭnicaj, kałaž Tochka.by

Ina nie vykidała noŭtbuka, chočučy tak ci inakš padaryć jamu druhoje žyćcio. A simvaličnuju sumu ŭ 10 rubloŭ pastaviła, kab zacikavić tych, kamu jon sapraŭdy patrebny, a nie tamu što biaspłatna.

Tym nie mienš, navat takaja nievialikaja suma nie źbierahła ad šmatlikich, časam dziŭnych, paviedamleńniaŭ, jakich chočacca paźbiehnuć pry nieabchodnaści pradać chutka.

A pahavaryć?

Łot byŭ raźmieščany na papularnaj handlovaj internet-placoŭcy. Niekalki karystalnikaŭ prasili ŭdakładnić charaktarystyki, jakija ź lohkaściu možna znajści ŭ internecie.

Adzin z pakupnikoŭ pryznaŭsia, što choča kupić noŭtbuk dziciaci. Ina adkryta rekamiendavała pašukać dla dziaciej niešta bolš sučasnaje, kali ŭ pryncypie pryjšoŭ čas paznajomić ich z takim hadžetam.

Skrynšot surazmoŭcy Tochka.by

Čałaviek pa imieni «Karystalnik» prapanoŭvaŭ za 20 rubloŭ pierasłać poštaj u Barysaŭ. Chtości paprasiŭ źnižku ŭ piać rubloŭ, kali ŭžo źjavilisia achvotnyja kupić biez torhu.

Zrešty, mnohija adrazu pytalisia, dzie zabirać i daviedvalisia numar telefona, ale ŭ vyniku tak nichto i nie pryjazdžaŭ. Heta jašče adna z pryčyn, čamu surazmoŭnica ŭsio ž pastaviła ceńnik. Joj nie chaciełasia prosta tak marnavać čas na «ździełki, jakija nie adbylisia».

Pieramahła vietlivaść

U vyniku noŭtbuk kupiŭ čałaviek, jaki ŭ pierapiscy byŭ maksimalna vietlivym. Jon akazaŭsia kalekcyjanieram takoj staryzny.

Mužčyna niekalki razoŭ udakładniaŭ, ci sapraŭdy hety noŭtbuk pradajecca za 10 rubloŭ. Pavodle jaho, ludzi časta vystaŭlajuć za staruju techniku nieabhruntavana vysokuju canu.

Skrynšot surazmoŭcy Tochka.by

Ina zadavolenaja vynikam. Jana ŭpeŭnienaja, što sastarełaja technika trapiła ŭ patrebnyja ruki. Kalekcyjanier dakładna nie «pakryŭdzić» svajho novaha «hadavanca» i daviadzie jaho da ładu.

Da samoha pracesu jana pastaviłasia z zamiłavańniem i razumieńniem: kali nie chočaš lišnich pytańniaŭ i «dziŭnych» pakupnikoŭ, to nie pradavaj rečy na «barachołcy».

Kamientary8

  • Hela
    23.09.2023
    Treba i mnie pasprabavać tak pradać svoj 14-ci hadovy Asus. Vyhladaje jak novy. Nikoli nie łamaŭsia. U majsterni byŭ paru razoŭ na čystcy i adzin raz na aphrejdzie (dadali 1 Hb apieratyŭnaj pamiaci).
  • baradzied
    23.09.2023
    vy kali łukašysckija resursy kapirujecie to chacia b spasyłku prybirajcie, a to niechta moža vypadkova pierajści
  • Trust
    23.09.2023
    Nie sovsiem poniatno, o čiem staťja. Luboj čiełoviek, prodajuŝij čto-to staroje na kufarie, s etim stałkivałsia.

Voś čamu ŭ Kitai mohuć prysłuchoŭvacca da Polščy6

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

U minskim parku Čaluskincaŭ zabaranili jeździć na šerynhavych elektrasamakatach

Čarha z aŭtobusaŭ pierad pierachodam «Kamienny Łoh» rassmaktałasia2

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień16

U Bajdena dyjahnastavali karanavirus1

788 ukrainskich vajskoŭcaŭ źnikli bieź viestak u bajach za siało Krynki Chiersonskaj vobłaści6

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy6

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →