Śviet99

U Mali raźbiŭsia mahčyma biełaruski samalot, u jakim mahli być vahnieraŭcy. Raskazvajem, što viadoma na hety momant

U siecivie stała masava raspaŭsiudžvacca navina ab krušeńni hruzavoha samalota Ił-76 u Mali. Miarkujecca, što jon moh naležać jak PVK «Vahnier», tak i armii Mali, adnak niekatoryja miascovyja krynicy paviedamili i ab najaŭnaści treciaj viersii, niepasredna źviazanaj ź Biełaruśsiu.

Hruzavy samalot, jaki ruchnuŭ u Mali i moh mieć vahnieraŭcaŭ na borcie. Taksama paviedamlajecca, što samalot moža naležać Biełarusi. Fota: prarasijskija telehram-kanały

23 vieraśnia ŭ subotu ranicaj kala aeraportu horada Hao, što ŭ afrykanskim Mali, paciarpieŭ krušeńnie vajskova-transpartny samalot Ił-76 ź nieviadomym ekipažam na borcie. Pra heta siońnia paviedamiŭ dziaržaŭny malijski partał Malijet. Pachodžańnie samalota, pryčyna jaho krušeńnia i kolkaść paciarpiełych taksama da hetaha času nieviadomyja.

Adrazu paśla źjaŭleńnia hetaj naviny ŭ rasijskich prakramloŭskich telehram-kanałach (u tym liku i ŭ apazicyjnych malijskich miedyja) stała raspaŭsiudžvacca infarmacyja, što ŭłaśnikam źniščanaha samalota byŭ PVK «Vahnier», a na borcie znachodzilisia najmity z hetaha farmavańnia.

Pry hetym adzin z asnoŭnych kanałaŭ «Vahniera» razam ź niekalkimi inšymi resursami paśpiašalisia abvierhnuć suviaź vahnieraŭcaŭ z razburanym samalotam i zajavili, što transpart vykarystoŭvaŭsia tolki «miascovymi siłami» ŭ Mali.

Adnak znajšłasia i treciaja viersija zdareńnia.

Pavodle niekatorych miascovych krynic i žurnalistaŭ, krušeńnie moh paciarpieć samalot Ił-76 biełaruskaj hruzavoj avijakampanii Rubystar Airways, čyj hałoŭny ofis znachodzicca ŭ Nacyjanalnym aeraporcie Minska. Ab prysutnaści vahnieraŭcaŭ na borcie napramuju nie paviedamlajecca.

Fota hruzavoha samalota Ił-76 biełaruskaj avijakampanii Rubystar Airways, jakoje raspaŭsiudžvajecca niekatorymi resursami ŭ Mali. Jany śćviardžajuć, što mienavita hety samalot moh paciarpieć krušeńnie kala malijskaha horada Hao. Krynica: @khalediskef

Maskva i Minsk pakul nie kamientavali heta zdareńnie.

Nahadajem, što kiraŭnik PVK «Vahnier» Jaŭhien Pryhožyn amal miesiac tamu taksama zahinuŭ u avijakatastrofie. Spadčynu jaho biznes-impieryi ciapier aktyŭna dzielać nie tolki pradstaŭniki Kramla, ale, pavodle krynic, i davieranyja asoby režymu Łukašenki.

Sami ž vahnieraŭcy ŭsio jašče zastajucca ŭ Afrycy (asabliva ŭ Mali), dzie praciahvajuć pravodzić apieracyi pa arhanizacyi dziaržaŭnych pieravarotaŭ z zamienaj miascovych kanstytucyjnych ładaŭ na prarasijskija režymy, a taksama zdabyvać tam hrošy i karysnyja vykapni dla patreb Kramla.

«Naša Niva» — bastyjon biełaruščyny

PADTRYMAĆ

Kamientary9

  • K
    23.09.2023
    Hori hori jasno, čtoby nie pohasło. Tak dołžien był horieť A50 v mačuliŝach
  • Žvir
    23.09.2023
    Varta čakać na sytuacyju, kali liotčyki pačnuć admaŭliacca vykonvać palioty z vahnieraŭcami na borcie... :)
  • Eject
    23.09.2023
    Niachaj adpraŭlajucca ŭ piekła.

Niemiec, prysudžany da rasstrełu, datyčny da dyviersij? Voś što za historyja heta mahła być

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

Pra što maŭčaŭ Piotra Sierhijevič2

U Minsku ŭčora zatapiła sałon pryhažości. Jon całkam syšoŭ pad vadu VIDEA1

Andreju Kudziku ź Vilejki dali jašče čatyry hady kałonii1

U Dniapry ŭ rybie zavioŭsia strašny parazit. Pierachodzić na čałavieka!1

Ci možna ŭ Biełarusi prysudzić da rasstrełu zamiežnika? Adkazvajuć jurysty 2

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →