Hramadstva

Pamior prafiesar BDUIR i były rektar univiersiteta Viktar Iljin

Viktar Makaravič Iljin byŭ rektaram BDUIR (jaki spačatku byŭ Minskim radyjotechničnym instytutam) u 1973-2000 hadach. Prafiesara nie stała ŭ 92 hady.

Fota: bsuir.by

Pra heta paviedamlajecca na sajcie ŭniviersiteta.

Viktar Iljin — kandydat techničnych navuk, akademik Mižnarodnaj akademii navuk vyšejšaj škoły, zasłužany rabotnik vyšejšaj škoły BSSR.

Jon pryjšoŭ u Minski radyjotechničny instytut u 1971 hodzie na pasadu prarektara pa vučebnaj rabocie. 8 lutaha 1973 hoda byŭ pryznačany rektaram MRTI.

Pry im instytut staŭ raści. Pa kolkaści studentaŭ dzionnaha adździaleńnia MRTI ŭ 1978 hodzie vyjšaŭ na 3 miesca ŭ respublicy.

Fota: bsuir.by

Paśla raspadu SSSR ustanova zaznała składanaści: skaraciŭsia pryjom, rezka źniziłasia finansavańnie, piedahahičnyja i navukovyja kadry sychodzili ŭ kamiercyjnyja VNU i firmy. Pačatak BDUIR jak univiersiteta taksama prypaŭ na pracoŭnuju dziejnaść Viktara Makaraviča: u 1993 hodzie MRTI byŭ pieratvorany ŭ BDUIR. 

«Viktar Makaravič Iljin — čałaviek, całkam addany spravie, jakoj słužyŭ na praciahu doŭhich hadoŭ. Dobra viedaŭ historyju, litaraturu, paeziju, mieŭ šyroki kruhahlad i zaŭsiody byŭ naceleny na dasiahnieńnie pastaŭlenych zadač», — adznačaje VNU.

Viktar Iljin pisaŭ vieršy, naprykład, «Himn univiersiteta».

Za šmathadovuju pracu ŭznaharodžany ordenam Ajčyny III stupieni, ordenam Pracoŭnaha Čyrvonaha Ściaha, miedalom «Vieteran pracy», hanarovymi hramatami Viarchoŭnaha Savieta BSSR, Savieta Ministraŭ Respubliki Biełaruś, Nacyjanalnaha schodu Respubliki Biełaruś.

Raźvitańnie z prafiesaram adbudziecca 23 vieraśnia pa adrasie: h. Minsk, Daŭhinaŭski trakt, 160A z 14.00 da 15.00.

Kamientary

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →