Mody33

Biary prykład! Dziesiać stylovych biełarusaŭ, vobrazami jakich možna natchniacca

Jak i ŭ kaho padhledzieć vobrazy, kab heta dapamahała ŭ pracy nad piersanalnym stylem.

Kapiravańnie — adna z papularnych mietodyk pracy nad ułasnym stylem. Jaje sutnaść prostaja: znachodzicie ŭ sietcy błohieraŭ, vobrazy jakich vam impanujuć, vybirajecie pryhožyja łuki i sprabujecie ich paŭtaryć. Ale jość niuans: aŭtfity, jakija vy prykmiecili, musiać prajści praź filtr vašaha asabistaha hustu.

Reč nie tolki ŭ tym, što biez hetaj pracy vy ryzykujecie pieratvarycca ŭ kłona — usio kudy cikaviej. Styl pavinien adlustroŭvać unutrany śviet čałavieka: raskazvać jaho historyju, pakazvać kulturny bekhraŭnd, a kapirujučy čužyja vobrazy ŭ całkam, my kapijujem i častku historyi, jakaja nam nie naležyć. Tamu časta ŭ idealna spłahijačanych vobrazach pierajmalnik vyhladaje jak inšarodnaje cieła.

Kab zaścierahčy siabie ad padobnaha, treba pravieści analiz zapałych u dušu kamplektaŭ i adaptavać ich pad siabie. Dla pačatku varta vyznačycca, ci padobna pryznačeńnie ŭpadabanaha vobraza z tym, kudy vy źbirajeciesia jaho nasić: kamplekt u styli biznes-best na dziciačaj placoŭcy budzie hladziecca dziŭna. Zatym uklučajem tvorčaść — źmianiajem adnu reč z kamplekta na tuju, što ŭžo jość u vašym harderobie. Nie varta zabyvać i pra asablivaści fihury: kab nie pamylicca z pasadkaj, lepš pieršapačatkova padhladvać za błohierami, čyja kamplekcyja padobnaja na vašu.

Ciapier, kali toje, jak piśmienna kapijavać łuki, stała zrazumieła, pierachodzim da nie mienš cikavaha pytańnia — u kaho ich kapijavać. Voś padborka suajčyńnikaŭ, u jakich možna pavučycca dobramu hustu i zapazyčyć cikavyja fashion-formuły.

Volha Šatyka

73-hadovaja madel, lekar i papularnaja błohierka ščodra dzielicca sa svaimi padpisantami paradami «pryhožaha staleńnia». U pastach Volha śćviardžaje, što nie karystajecca «ŭkołami pryhažości», a addaje pieravahu bolš naturalnym mietadam dohladu — jozie dla tvaru i masažu šyacu.

Volha Šatyka
Fota: instahram błohierki

Što datyčycca harderoba, to da jaho stvareńnia žančyna stavicca tvorča: «Ja hulaju ŭ modu i styl dziela samavyjaŭleńnia. Vobrazam možna raspavieści pra siabie bolš, čym słovami. Hetaja hulnia dazvalaje zastavacca volnaj ad standartaŭ i być adkrytaj usiamu novamu. A što jašče treba dziaŭčynie 70+?». Takomu staŭleńniu da siabie sapraŭdy varta pavučycca.

Jaŭhien Bułka

Siońnia Jaŭhien Bułka pačynaje žyćcio ŭ novaj krainie z nula. Artyst pryznajecca, što ŭ Izraili jamu pryjšłosia pasprabavać novyja dla siabie prafiesii: jon pracavaŭ roznarabočym, majstram na zavodzie elektroniki, a zaraz sprabuje rolu sanitara ŭ pryvatnaj klinicy płastyčnaj chirurhii.

Jaŭhien Bułka
Fota: instahram błohiera

Zrešty, źmieny nie zakranuli hust niekali papularnaha viadoŭca: mužčyna pa-raniejšamu vydatna vyhladaje. Tym, kamu pa dušy rassłablenyja paŭsiadzionnyja vobrazy, varta pryhledziecca da jaho akaŭnta.

Kacia Hierman

Pa natchnieńnie možna adpravicca i ŭ akaŭnt prafiesijnaj stylistki Kaci Hierman. Dziaŭčyna adnoj ź pieršych zaniała svajo miesca na biełaruskim fešn-rynku: jana stylizuje modnyja pakazy, źbiraje vobrazy dla rekłamnych kampanij i adziavaje pryvatnych klijentaŭ.

Kacia Hierman
Fota: instahram stylistki

U svaich asabistych vobrazach Kacia miksuje paŭsiadzionnaje adzieńnie ź jarkimi akcentnymi rečami — atrymlivajecca vielmi śvieža i kruta.

Alena Leŭčanka

Byłaja baskietbalistka pierajechała ŭ ZŠA i buduje karjeru ŭ Nike. Spartsmienka arhanična vyhladaje na vulicach Ńju-Jorka: jaje łuki nibyta stvorany dla miascovych stryt-stajł pablikaŭ.

Alena Leŭčanka
Fota: instahram spartoŭki

Alena nie baicca jarkich koleraŭ i śmieła miksuje kłasičny čorny kaścium z kisłotna-zialonym pinžakom. Dziaŭčyna pa-majstersku abyhryvaje dziełavyja vobrazy, dapaŭniajučy ich elemientami spartyŭnaha adzieńnia — atrymlivajecca vydatny smart-kežuał.

Hleb Siamionaŭ

Źniešnaść zavajoŭnika ajčynnaj ryłs-prastory i suviadoŭcy jutub-šou «O(b)sudžajem» vyklikaje šmat sprečak u biełaruskich sacsietkach. Niechta łaje pryčosku chłopca, niechta, naadvarot, zachaplajecca jaho stylem. Z upeŭnienaściu možna skazać adno — Hlebu sapraŭdy ŭdałosia pabudavać śmieły i zapaminalny vobraz.

Hleb Siamionaŭ
Fota: Hanna Shot

Ksienija Čartovič

Fešn-błohierka fajna miksuje kłasičnaje i viačerniaje adzieńnie, prydumlaje śviežyja idei vykarystańnia dobra znajomych aksiesuaraŭ i stvaraje ultra-žanockija vobrazy. Akramia hetaha Ksienija dzielicca z padpisčykami nazvami cikavych brendaŭ i kram, u jakich amatary šopinhu mohuć atrymać asałodu ad stylnych pakupak.

Ksienija Čartovič
Fota: instahram błohierki

Darja «Ciemra» Siamčuk

Maładaja mastačka ŭžo paśpieła paŭdzielničać u najbujniejšych biełaruskich vystavačnych prajektach. U 2019 hodzie jana pieramahła ŭ prajekcie «Vosieński sałon ź Biełhazprambankam», u 2020-m — arhanizavała pieršuju piersanalnuju vystavu ŭ halerei «Art-Biełaruś». Siońnia talenavitaja dziaŭčyna skaraje Jeŭropu: jaje raboty ź sieryi «Ciemra» ŭžo vystaŭlalisia ŭ Varšavie, a nieŭzabavie adpraviacca ŭ Prahu.

Daša Ciemra
Fota: instahram mastački

Piersanalny styl mastački adpaviadaje jaje roli. Darja apranajecca kreatyŭna i prytrymlivajecca asensavanaha padychodu da adzieńnia: usie rečy ź jaje harderoba nabyty ŭ vintažnych mahazinach.

Anastasija Karasiova

U minułym fashion-redaktarka ​​biełaruskaha hlancavaha časopisa, a ciapier suviadoŭca šou «Žančyny lohkich pavodzin» stvaraje jarkija vobrazy. Anastasija lubić niezvyčajnyja spałučeńni, aviersajz i prykmietnyja aksiesuary. Pry hetym kamplekty nie pierahružany i cudoŭna padkreślivajuć jarkuju źniešnaść dziaŭčyny.

Anastasija Karasiova
Fota: instahram viadoŭcy

Jaŭhien Pierlin

U styli papularnaha viadoŭcy zaŭvažny pieramieny — kłasičnyja pinžaki stali sastupać miesca bolš kreatyŭnym uboram. Ciapier u harderobie Jaŭhiena sustrakajecca jak japonski minimalizm, tak i piarestaja havajskaja ekzotyka.

Pierlin
Fota: instahram viadoŭcy

Ksienija Sitnik

Siońnia pieramožca «Dziciačaha Jeŭrabačańnia — 2005» piša vieršy i viadzie błoh, dzie vykładvaje recenzii na pračytanyja joju knihi. Na fatahrafijach, jakija ŭpryhožvajuć pasty, dziaŭčyna paŭstaje ŭ dalikatnych žanockich vobrazach: Ksienija lubić abjomnyja kaŭniary, harsety i siłuety, jakija padkreślivajuć tonki stan dziaŭčyny.

Sitnik
Fota: instahram błohierki

A jak vy ličycie: kaho sa stylnych biełarusaŭ nie chapaje ŭ hetym śpisie?

Kamientary3

  • Tolki Z!
    01.10.2023
    Zianona Stanisłavaviča.
  • Čytač
    01.10.2023
    Pryhoža i pryvabna vyhladaje tolki 73-hadovaja Volha Šatyka. Astatnija - aby što.
  • Žieleznyj Drovosiek
    01.10.2023
    Biaz kryŭd,ale čym jany admietnyja? Usio takoje,iak i ŭsie i paŭsiul ciahajuć,tolki tvary robiać niejkija składana-zahadkavyja.
    A ciotačka ŭ svaje 70– nu brava,dobra vyhladaje)

Apakalipsis u Mazyry. Štorm nakryŭ Homielščynu1

Apakalipsis u Mazyry. Štorm nakryŭ Homielščynu

Usie naviny →
Usie naviny

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam15

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

bolš čytanych navin
bolš łajkanych navin

Apakalipsis u Mazyry. Štorm nakryŭ Homielščynu1

Apakalipsis u Mazyry. Štorm nakryŭ Homielščynu

Hałoŭnaje
Usie naviny →