U Rasii šukajuć akcioraŭ na roli dvajnikoŭ Łukašenki i Cichanoŭskaj
Rasijskaje kastynhavaje ahienctva SECOND UNIT, jakoje znachodzicca ŭ Sankt-Pieciarburhu, u svaich sacsietkach raźmiaściła infarmacyju pra toje, što šukaje akcioraŭ dla zdymak u mastackim šmatsieryjnym filmie nacyjanalnaha značeńnia «ŚMI». Siarod inšaha im patrebnyja dvajniki Śviatłany Cichanoŭskaj i Alaksandra Łukašenki.
Ale zdymacca ŭ samim filmie jany nie buduć, ź imi tolki zrobiać «hulniavyja fota» dla vykarystańnia ŭ kinastužcy.
Dvajnik Cichanoŭskaj, jakaja abaznačana jak kandydatka ŭ prezidenty Biełarusi, musić być padobnym da jaje tvaram, pastavaj i pryčoskaj. Za ŭdzieł u fotasiesii dvajnikam Cichanoŭskaj prapanujuć apłatu ŭ pamiery 6000 rasijskich rubloŭ (kala 200 biełaruskich rubloŭ). A voś dvajniku Łukašenki, jaki musić być «bujnym mocnym mužčynam», zapłaciać užo 10 000 rasijskich rubloŭ za fota (amal 340 biełaruskich rubloŭ).
Raniej u masoŭku šukali mužčyn 20-40 hadoŭ, jakija musili vykanać rolu «pamiežnikaŭ Biełarusi», a taksama mužčyn i žančyn va ŭzroście ad 20 da 50 hadoŭ, jakija musili syhrać tych, «chto pierasiakaje miažu». Staŭka była ŭsiaho 1500-2000 rasijskich rubloŭ (kala 50-70 biełaruskich).
Siarod rolaŭ u filmie, jakija prama nie źviazanyja ź Biełaruśsiu, varta adznačyć «starleja» (starejšaha lejtenanta) i achoŭnic z «hvardyi amazonak» dyktatara Muamara Kadafi.
Miarkujučy z nazvy filma i rolaŭ, na jakija šukajuć akcioraŭ, rasijski film budzie raspaviadać pra rolu ŚMI ŭ tak zvanych «kalarovych revalucyjach», jakija paŭsiudna bačacca dziaržaŭnaj prapahandzie.
Mahčyma, što heta toj samy film pad pracoŭnaj nazvaj Russian gate, jaki nie tak daŭno zdymali ŭ Minsku. Jaho stvaralniki z 29 lipienia pačali aktyŭna šukać masoŭku dla zdymak u Minsku. Hledziačy pa zapytach, havorka išła pra epizody z udziełam futbolnych fanataŭ, supracoŭnikaŭ ŚMI, miedykaŭ, palicyjantaŭ, dypłamataŭ MZS, supracoŭnikaŭ aeraporta, administracyi prezidenta i h. d.
U kancy žniŭnia žurnalisty zaŭvažyli ŭ sacyjalnych sietkach i inšyja materyjały z hetych zdymak. Tak, źjavilisia videa z masoŭkaj pratestoŭcaŭ, jakija biehali z transparantami pa dypłamatyčnym kvartale ŭ rajonie vulicy Zacharava. Miarkujučy sa storyz akcioraŭ z roznych zdymačnych placovak, tam fihurujuć źmienienyja nazvy sapraŭdnych polskich telekanałaŭ «Biełsat» i TVPinfo — Velcat i TWPInfo.
«Naša Niva» — bastyjon biełaruščyny
PADTRYMAĆ«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior19
Kamientary
̷d̷i̷b̷i̷ł̷̷ oj t.ie. stabilnosť
to naša ŭsio