Upieršyniu ŭ historyi krainy kolkaść zamiežnikaŭ, jakija žyvuć u Litvie, pieravysiła 200 tysiač, paviedamlaje Delfi sa spasyłkaju na Departamient mihracyi. Pavodle źviestak na 1 vieraśnia, u Litvie pražyvała 203 157 čałaviek z roznych zamiežnych krain.
Na pačatku hoda ŭ krainie znachodziłasia amal 190 tysiač zamiežnikaŭ.
Samaj bujnoj dyjasparaj u Litvie zastajucca ŭkraincy — 85 579 čałaviek. Bolšaść ź ich prybyli ŭ Litvu paśla pačatku vajny.
Bolš za ŭsio za hod u Litvie vyrasła biełaruskaja dyjaspara.
Pavodle danych na pačatak hoda, u krainie pražyvała krychu bolš za 48 tysiač biełarusaŭ, a pavodle danych na 1 vieraśnia ich było bolš za 60 tysiač, to-bok dadałosia 12 tysiač čałaviek.
Kolkaść rasijskich hramadzian u Litvie vyrasła niaznačna. Pavodle danych na pačatak hoda, u krainie pražyvała 15 706 rasijcaŭ, a pavodle danych na 1 vieraśnia — 16 179. Bolšaść ź ich — 8571 — heta pastajannyja žychary Litvy, jakija žyvuć tut na praciahu pary dziasiatkaŭ hadoŭ abo daŭžej.
«Jaje ŭsie bierahli, jak mahli». Kamandziry — pra Maryju Zajcavu, jakaja zahinuła va Ukrainie14
Kamientary