Hramadstva66

Pradprymalniku pryznačyli piać hadoŭ kałonii za danat 20 dalaraŭ

Minski haradski sud asudziŭ da piaci hadoŭ kałonii za «finansavańnie ekstremisckaj dziejnaści» pavodle art. 361-2 Kryminalnaha kodeksa 45-hadovaha indyvidualnaha pradprymalnika Paŭła Charytonava. Taki prysud vyniesła Žanna Brysina jašče 23 studzienia 2023 hoda, ale pra vynik suda pravaabaroncam stała viadoma tolki ciapier, piša «Viasna».

Pavieł Charytonaŭ. Fota z sacsietak Paŭła

Pavieł Charytonaŭ

Jak raskazaŭ «Viaśnie» były sukamiernik Paŭła, jaho asudzili za adzin danat u pamiery 20 dalaraŭ u niejkuju inicyjatyvu, jakuju paśla pryznali «ekstremisckim farmavańniem».

Achviaravańnie na dapamohu, mierkavana, paciarpiełym ad represij było zroblena jašče ŭ 2021 hodzie, kali inicyjatyva nie była jašče pryznanaja «ekstremisckim farmavańniem». Usiaho pa spravie adbyłosia vosiem pasiadžeńniaŭ, jaje razhladali dva miesiacy — ź listapada pa studzień. 

«Usie sukamierniki, u tym liku palitźniavoleny advakat Alaksandr Danilevič, kazali Paŭłu, što jaho abvinavačańni razvalacca i jon pojdzie dadomu. Tamu što taja arhanizacyja, u jakuju jon zrabiŭ danat, nie była pryznanaja «ekstremisckim farmavańniem» na momant pieraličeńnia hrošaj», — uzhadvaje viazień SIZA.

Pad vartaj Pavieł utrymlivaŭsia ŭ SIZA na Vaładarskaha.

«Sam jon vielmi intelihientny. U SIZA zajmaŭsia sportam i dobra malavaŭ. Jon byŭ u kamiery samy mocny ŭ hulni ŭ šachmaty — u jaho vielmi raźvita intelektualnaje myśleńnie. Naohuł jon dobry i zabiaśpiečany čałaviek, jak i astatnija palitźniavolenyja. Usim dapamahaŭ — kłasny chłopiec!

Na sud jon pajšoŭ u vielmi dobrym kaściumie i skuranych łakiravanych čaravikach. My jaho adpraŭlali i kazali, što paśla suda jon pojdzie dachaty, tamu jon hruntoŭna sabraŭsia. Ale paśla pasiadžeńnia jon viarnuŭsia — my ŭsie vielmi ździvilisia. Akazałasia, što prakuror prosta na sudzie paprasiŭ pierakvalifikavać jaho artykuł.

Pavieł, kaniešnie, vielmi mocna zasmuciŭsia, tamu što ŭ jaho doma dzieci… Jon daznavaŭsia ŭ SIZA, kolki za danaty dajuć. Adnamu, chto skinuŭ 30 dalaraŭ, pryznačyli šeść hadoŭ kałonii. Pavieł tady śmiajaŭsia i kazaŭ, što dobra, što 50 dalaraŭ nie zadanaciŭ, bo byli takija dumki». 

28 krasavika Viarchoŭny sud pakinuŭ prysud Paŭła ŭ piać hadoŭ kałonii ŭ sile. Palitviaźnia etapavali ŭ kałoniju. Jahonaje aktualnaje miescaznachodžańnie vyśviatlajecca.

Kamientary6

  • Mar
    21.09.2023
    Biespriedielŝiki mohut čieriez miesiac Minsktrans priznať ekstriemistskim formirovanijem. I posadiť luboho, kto pokupał tałony.
  • Čak
    21.09.2023
    Cyrkač, da vy ŭžo 20 hod zapisvajecie i jašče stolki budzicie, a potym stomiciesia i na piensiju pojdzicie, a hetyja barysiny i dalej buduć žyć prypievajučy bo ŭ eŭropy niama jaic
  • Nie lublu nievierojatnych
    21.09.2023
    Cyrkač,zadaŭbała zapisvać.

    Ja šče nie zabyŭsia mienta i sudździu jakija mianie sudzili i za patły 20 hadoŭ tamu ciahali. 

Kruty: Boh pasłaŭ urahan, kab prezident paradavaŭsia, što stvoranaja im sistema vystajała19

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Usie naviny →
Usie naviny

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?15

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

bolš čytanych navin
bolš łajkanych navin

Kruty: Boh pasłaŭ urahan, kab prezident paradavaŭsia, što stvoranaja im sistema vystajała19

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Hałoŭnaje
Usie naviny →