Sport

Kaciaryna Snycina paśla zakančeńnia hetaha siezona zavieršyć karjeru

Biełaruskaja baskietbalistka «Łondan Łajans» Kaciaryna Snycina zavieršyć karjeru paśla zakančeńnia hetaha siezona, paviedamlaje «Trybuna».

«Moj zaklučny siezon pačynajecca siońnia.

Ja pryniała rašeńnie, što hety siezon, jaki stanie dla mianie 21-m u statusie prafiesijnaj spartsmienki, budzie zaklučnym.

Pryčyny? Ja ich dla siabie asabista jašče nie sfarmulavała dakładna, prosta ja tak adčuvaju, a prysłuchoŭvacca da siabie — heta, darečy, adna z mnohich jakaściaŭ, jakija mnie padaryŭ baskietboł.

Siezon pačynajecca siońnia, chto ŭ Łondanie, čakaju ŭ Copper Box, chto nie, to budzie anłajn-tranślacyja.

Nu, pahnali, ustupaju ŭ svoj zaklučny siezon! Jon budzie doŭžycca dzieviać miesiacaŭ, tamu prymaju pažadańni tolki ab kłasnym siezonie, a nie ab zakančeńni karjery», — prakamientavała svajo rašeńnie baskietbalistka.

Kaciaryna Snycina za svaju prafiesijnuju karjeru była bronzavaj pryziorkaj čempijanatu Jeŭropy 2007 hoda, dvojčy vyjhravała čempijanat Biełarusi, stanaviłasia čempijonkaj Francyi, finalistkaj Kubka Jeŭropy FIBA, a taksama hulała sa zbornaj Biełarusi na Alimpijskich hulniach u Piekinie.

Taksama Snycina znachodzicca ŭ top-5 baskietbalistak pa kolkaści ačkoŭ u Jeŭrakubku.

U 2020 hodzie Kaciaryna Snycina razam ź inšaj słavutaj biełaruskaj baskietbalistkaj Alenaj Leŭčanka padtrymali narodnyja pratesty suprać dyktatury. Spartsmienka była i zastajecca adnoj ź simvaličnych postaciaŭ spartyŭnaha supracivu. Litaralna ŭčora jana vykazałasia ŭ sacsietkach da Dnia nacyjanalnaha ściaha i hierba.

«Ja «pračnułasia» tolki ŭ 2020-m.

Bieł-čyrvona-bieły — heta kolery, jakija supravadžajuć mianie ciapier zaŭsiody, kudy b ja ni pieramiaščałasia. Ściah visić u kožnaj kvatery, dzie ja žyvu. Z hetym ściaham prychodziać siabry padtrymać mianie na baskietbolnyja matčy pa ŭsim śviecie.

Hety ściah — aryjencir, kudy iści i dzie šukać svaich ludziej: na takich mierapryjemstvach, jak prajd, abo mitynhach, arhanizavanych miascovymi supolnaściami. Heta moj ściah, i ja im hanarusia! Z Dniom nacyjanalnaha ściaha i hierba, darahija maje!» — napisała Snycina.

Kamientary

Nazirajecca maštabny zboj elektroniki pa ŭsim śviecie. Aeraporty admianiajuć paloty5

Nazirajecca maštabny zboj elektroniki pa ŭsim śviecie. Aeraporty admianiajuć paloty

Usie naviny →
Usie naviny

Sinoptyki sprahnazavali, čaho ad nadvorja čakać zaŭtra

«Mianie kupili za $680». Biełarusy raskazali, jak trapili ŭ rabstva ŭ Rasii5

U BDU nazvali śpiecyjalnaści z samym vialikim konkursam — 19 čałaviek na miesca2

Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie11

Na Śvisłačy ŭ parku Horkaha repiecirujuć vodnuju fiejeryju — VIDEA dnia3

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

bolš čytanych navin
bolš łajkanych navin

Nazirajecca maštabny zboj elektroniki pa ŭsim śviecie. Aeraporty admianiajuć paloty5

Nazirajecca maštabny zboj elektroniki pa ŭsim śviecie. Aeraporty admianiajuć paloty

Hałoŭnaje
Usie naviny →