U Lidzie prydumali sposab baraćby z «honščykami» na elektrasamakatach
Abnoŭlenyja praviły darožnaha ruchu dazvolili viełasipiedystam i elektrasamakatčykam nie śpiešvacca pry pierasiačeńni prajeznaj častki. Jak adznačaje telekanał ANT, «heta navina vyklikała škvał niezadavolenaści ŭ aŭtamabilistaŭ, bo časta viełasipiedysty i kiroŭcy SPM vyskokvajuć na prajeznuju častku ź niadkul». Ale ŭ lidskaj DAI znajšli sposab, jak zmahacca z takimi «honščykami».
«Pierad adnym z ažyŭlenych nierehulavanych piešachodnych pierachodaŭ u Lidzie ź inicyjatyvy Dziaržaŭtainśpiekcyi byli ŭstalavanyja słupki jarkaha čyrvonaha koleru ŭ vyhladzie źmiejki. Jany stali svojeasablivaj pieraškodaj dla ravarystaŭ i elektrasamakatčykaŭ», — paviedamlaje ANT.
«Praviły darožnaha ruchu dazvalajuć ravarystam i kiroŭcam srodkaŭ piersanalnaj mabilnaści nie śpiešvacca pry pierasiačeńni prajeznaj častki pa piešachodnym pierachodzie.
Adnak jość adna važnaja ŭmova — jany pavinny ruchacca z chutkaściu piešachoda. Mnohija pra hety niuans zabyvajuć, što, naturalna, vyklikaje niezadavolenaść u aŭtamabilistaŭ. U jakaści ekśpierymientu my vyrašyli ŭstalavać pierad piešachodnym pierachodam pa vulicy Rybinaŭskaha «źmiejku» sa słupkoŭ. Kab jaje pieraadoleć, nie treba śpiešvacca z rovara abo samakata. Ale chutkaść dakładna pryjdziecca źnizić», — prakamientavaŭ inśpiektar DPS ADAI Lidskaha RAUS Alaksandr Taruć.
U DAI adznačajuć, što «źmiejka» nie stvaraje pieraškod dla inšych udzielnikaŭ darožnaha ruchu: «Mamy z vazkami abo invalidy-vazočniki mohuć bieśpieraškodna tut prajści. Adzinaja niazručnaść — pryjdziecca trochi pavichlać».
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary
Intieriesno kak dołho eto vsie prodliťsia…????