Śviet1818

U Polščy skandał: pa płanie abarony 2011 hoda armija mieła adstupić na liniju Visły

U napružany čas pierad vybarami ŭ parłamient kirujučaja partyja vypuściła ahitacyjny rolik, u jakim pakazany sakretny dakumient, što ŭtrymlivaje płan abarony Polščy

Płan primienienija vooružiennych sił Polši Plan for the use of the armed forces of Poland Płan vykarystańnia ŭzbrojenych sił Polščy
Adpaviedna z «Płanam vykarystańnia ŭzbrojenych sił» 2011 hoda polskija vojski pavinny byli adstupić da Visły. Fota: skrynšot videa pisorgpl / Ch 

Dakumient pad nazvaj «Płan vykarystańnia Uzbrojenych sił» byŭ zaćvierdžany Ministerstvam abarony Polščy ŭ 2011 hodzie ŭ toj čas, kali premjer-ministram krainy byŭ Donald Tusk (2007-2014) — lidar partyi «Hramadzianskaja kaalicyja», jakaja zjaŭlajecca hałoŭnym kankurentam kiroŭnaj partyi «Prava i spraviadlivaść».

Adpaviedna z płanam polskaja armija pavinna była pakinuć pazicyi kala miažy i adstupić za raku Visła, dzie na praciahu 10-14 dzion płanavałasia ŭtrymlivać rasijskija vojski da prychodu padmacavańniaŭ NATA.

Demanstracyja kanfidencyjnaha dakumienta ŭ metach ahitacyi vyklikała abureńnie siarod žurnalistaŭ i vajskovych analitykaŭ.

Vajskovy ahladalnik Jarasłaŭ Volski na svajoj staroncy ŭ Ch źviarnuŭ uvahu, što na vyjavie płana vidać, što jon rassakrečany ŭ lipieni 2023 hoda. Dla apazicyi heta dokaz taho, što niekali zvyšsakretny dakumient vidavočna vykarystoŭvajecca jak «bojeprypas» u pieradvybarčaj kampanii.

Volski adznačaje, što dakumient «ni ŭ jakim razie nie musiŭ być rassakrečany».

Prablema płana ŭ tym, što adychod za Visłu faktyčna aznačaje zdaču 40% polskich terytoryj. I «Prava i spraviadlivaść» na hetym buduje svoj rolik:

«Urad Tuska ŭ vypadku vajny byŭ hatovy addać pałovu Polščy. Płan, zaćvierdžany tahačasnym kiraŭnikom Ministerstva abarony [Bahdanam] Klicham, praduhledžvaŭ, što samastojnaja abarona krainy praciahniecca maksimalna dva tydni. A praź siem dzion vorah dojdzie da pravaha bieraha Visły. <…> Dakumienty vyrazna pakazvajuć, što Lublin, Žešaŭ i Łomža mahli b stać polskaj Bučaj».

Uzamien «Prava i spraviadlivaść» abiacaje vybarščyku abaraniać kožny milimietr svajoj terytoryi pa prykładzie Ukrainy.

Volski adznačaje, što «acenka histaryčnych dakumientaŭ i padziej z sučasnaha stanu niekarektnaja» i nahadvaje kantekst 2011 hoda. Pa jaho słovach, nastupstvam znachodžańnia Klicha na pasadzie ministra abarony stała najbolšaje paharšeńnie stanovišča polskich Uzbrojenych sił paśla 1990 hoda.

Vajskovy ekśpiert śćviardžaje, što ŭ toj čas pryjarytetam byli vajennyja misii, a ŭ vojskach padrychtoŭka asłabła, bojehatoŭnaść bolšaści bryhad była iluzornaj, išło skaračeńnie čaściej da troch dyvizij na ŭsio polskaje vojska. Hodam raniej pryzyŭ u vojska prypynili. Tamu ŭ padraździaleńniach było tak mała ludziej, što časam «u kazarmie nie było kamu začynić vokny».

U takich umovach adychod da Visły ličyŭsia «mienšym złom». Bo alternatyva — pamiežnaja bitva i źniščeńnie polskich uzbrojenych sił.

«Abaraniać uschodniuju Polšču prosta nie było kamu i nie było mahčymaści, i ŭ vyniku było vyrašana zaciahvać dziejańni da linii Visły i ŭ vyniku addać paŭnočna-ŭschodniuju Polšču (i, mahčyma, Varšavu) rasijanam», —

piša Volski i śćviardžaje, što kali z vajennaha punktu hledžańnia taki płan byŭ by słušnym, to z palityčnaha «heta było b poŭnym samahubstvam».

«Umomant by zjaviŭsia PKNV-bis (Polski kamitet nacyjanalnaha vyzvaleńnia — NN) i niejkaja «Viślanskaja Narodnaja Respublika», a potym HDR na bis i padzieł krainy na dźvie častki ŭ ramkach reałpalityk», — tłumačyć analityk.

«Histaryčna my chutčej udačlivaja, čym mudraja kraina», — pryznaje Volski.

Čytajcie jašče:

U vypadku nieabchodnaści NATA pierakinie ŭ Polšču sto tysiač sałdat — Duda

«Biełarusy — heta niemcy Uschodu». Polski raźviedčyk, jaki zajmaŭsia Biełaruśsiu, upieršyniu daŭ intervju

Polšča tracić na vojska bolš za inšyja krainy NATA

Polšča raźmieścić pobač ź Biełaruśsiu novuju rakietnuju bryhadu z ustanoŭkami HIMARS 

Kamientary18

  • Histaryčnaja piatla
    18.09.2023
    Treba razumieć, što heta nie Ukraina takaja mocnaja i Polšča abaronienaja ŭ NATO, a toje, što ŭ Rasiei durni i lichadziei kirujuć.
  • Za Svabodu!
    18.09.2023
    Publikavać sakretny dakumient na karyść Rasii tolki dziela pieradvybarnaha ŭdaru pa apazicyi? Miarkavaŭ, što Kačynski maje bolš rozumu. Źniešniuju palityku Polščy pry im padtrymlivaju, prynamsi ŭ adnosinach da Biełarusi i Rasii, ES inšaja razmova, ale byŭ by palakam, za PiS i Kačynskaha nie hałasavaŭ by, toj ža Tusk i jaho Pałatforma, pravacentryscka libieralna-kansiervatyŭnaja, bolš adekvatnaja, Kačynskaha ź jaho aŭtarytaryzmam i klerykalizmam časa zanosić u niedemakratyčnyja ŭltrapravyja.
  • Rzeczpospolita
    18.09.2023
    Histaryčnaja piatla, aha, tamu Jamielki ležačy na piačy 1/6 šaryka zajmajuć? Padkazvać nia treba, ale pamyłki svaje nia treba rabić łyj nie zvadać na toje što robić susied. Nie padkažaš što adbyłosia z našaju krainaj u 18-m stahodździ? Nie padkažaš što z nami zdarysia ŭ 20-m stahodździ? Na svai pamyłki treba zvažać

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie9

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli8

Pamior biełaruski saksafanist Vital Jamuciejeŭ

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ3

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →